ថ្ងៃ សៅរ៏ ទី ០៤ ខែ កក្កដា ឆ្នាំ ២០២០

​កង្វល់​របស់​អាមេរិក​រឿង​អាវុធ ! តួ​ក​គី​ដែលជា​សមាជិក NATO បញ្ជា​ទិញ​ប្រព័ន្ធ​ខែល​ការពារ​មី​ស៊ី​ល​ធុន S-400 ពី​រុស្ស៊ី​មានតម្លៃ​ដល់​ទៅ​២,៥​ពាន់​លាន​ដុល្លារ​

​គេហទំព័រ​សារព័ត៌មាន Bloomberg បាន​ផ្សព្វផ្សាយ​កាលពី​ថ្ងៃទី​១៣ ខែកក្កដា ឆ្នាំ​២០១៧​កន្លងទៅ​ថ្មីៗ​ឲ្យ​ដឹងថា ប្រទេស​តួ​ក​គី​បាន​ព្រមព្រៀង​បញ្ជា​ទិញ​ប្រព័ន្ធ​ខែល​ការពារ​មី​ស៊ី​ល​ដែនអាកាស​ធុន S-400 ពី​ប្រទេស​រុស្ស៊ី​មានតម្លៃ​ទឹកប្រាក់​រហូតដល់​ទៅ​២,៥​ពាន់​លាន​ដុល្លារ​អាមេរិក ហើយ​ប្រព័ន្ធ​ខែល​ការពារ​មី​ស៊ី​ល​នេះ​នឹងត្រូវ​ដំឡើង​នៅ​ឆ្នាំក្រោយ ។​

Dtn7.com Photos's photo.

​ការសម្រេចចិត្ត​បញ្ជា​ទិញ​អាវុធ​មី​ស៊ី​ល​ការពារ​ដែនអាកាស​ធុន S-400 ពី​មហាអំណាច​រុស្ស៊ី​ដោយ​ប្រទេស​តួ​ក​គី​ដែលជា​សមាជិក​សម្ព័ន្ធភាព​អង្គការ NATO ជាមួយ​សហរដ្ឋអាមេរិក​នេះ​បានធ្វើ​ឲ្យ​មហាអំណាច​អាមេរិក​មិន​សប្បាយចិត្ត​ឡើយ ហើយ​ថែមទាំង​សម្តែង​នូវ​កង្វល់​ព្រួយបារម្ភ​ទៀតផង ។​

Dtn7.com Photos's photo.

​គេហទំព័រ​សារព័ត៌មាន Sputniknews របស់​រុស្ស៊ី​បាន​ផ្សព្វផ្សាយ​ឲ្យ​ដឹងថា សហរដ្ឋអាមេរិក​បាន​សម្តែង​នូវ​ការព្រួយបារម្ភ និង​ក៏បាន​ស្នើ​ឲ្យ​ប្រទេស​តួ​ក​គី​បកស្រាយ​ច្បាស់លាស់​អំពី​ករណី​បញ្ជា​ទិញ​ប្រព័ន្ធ​ខែល​ការពារ​មី​ស៊ី​ល​ធុន S-400 ពី​ប្រទេស​រុស្ស៊ី ពីព្រោះ​តួ​ក​គី​ជា​សមាជិក​អង្គការ NATO ហើយ​ច្បាប់​មូលដ្ឋាន​របស់​អង្គការ NATO គឺ​ត្រូវ​សហការគ្នា​ក្នុង​រង្វង់​សម្ព័ន្ធភាព NATO លើ​វិស័យ​សព្វាវុធ ។

Dtn7.com Photos's photo.

​ឆ្លើយតប​ទៅនឹង​កង្វល់​របស់​សហ​រដ្ឋ​អាមេរិក​នោះ លោក Recep Tayyip Erdogan ប្រធានាធិបតី​ប្រទេស​តួ​ក​គី​បាន​ថ្លែង​នៅក្រោយ​កិច្ចប្រជុំសភា​ថា គ្មាន​ហេតុផល​អ្វីដែល​សហរដ្ឋអាមេរិក​ត្រូវ​ព្រួយបារម្ភ​ក្នុង​រឿង​តួ​ក​គី​ទិញ​ខែល​ការពារ​មី​ស៊ី​ល​ធុន S-400 ពី​រុស្ស៊ី​នោះទេ ពីព្រោះ​ប្រទេស​ទាំងអស់ គឺមាន​សិទ្ធិ​ក្នុងការ​ធានា​ដល់​សន្តិសុខ​ជាតិ​របស់ខ្លួន ។​

Dtn7.com Photos's photo.

​ប្រព័ន្ធ​ខែល​ការពារ​មី​ស៊ី​ល​ធុន S-400 ដែល​អង្គការ NATO ហៅថា «SA-21 Growler» គឺជា​អាវុធ​មី​ស៊ី​ល​ការពារ​ដែនអាកាស​ផលិត​ដោយ​ប្រទេស​រុស្ស៊ី​ដាក់​ឲ្យ​ប្រើប្រាស់​នា​អំឡុង​ឆ្នាំ​២០០៧ ដែលមាន​ចំនួន​ប្រមាណ​ជិត​២០០​ប្រព័ន្ធ និង​ក្នុង​មួយ​ប្រព័ន្ធ​មានតម្លៃ​ប្រមាណ​៤០០​លាន​ដុល្លារ​អាមេរិក ។ មី​ស៊ី​ល​ប្រភេទ​នេះ​អាច​វាយកម្ទេច​គោលដៅ​នៅលើ​អាកាស ដូចជា មី​ស៊ី​ល​ផ្លោង​ឆ្លង​ទ្វីប និង​យន្តហោះ​ចម្បាំង​ក្នុង​រង្វង់​ប្រតិបត្តិការ​ចម្ងាយ​ប្រមាណ​៤០០​គីឡូម៉ែត្រ ៕​

Dtn7.com Photos's photo.

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.