ថ្ងៃ សុក្រ ទី ០៧ ខែ សីហា ឆ្នាំ ២០២០

​កីឡាករ​ទាំង​១០ ដែល​ធ្លាប់មាន​រឿងអាស្រូវ ទាក់ទង​នឹង​ការប្រើប្រាស់​សារធាតុ​ញៀន 

​អាជីព​ជា​កីឡាករ​បាល់ទាត់ តម្រូវ​ឲ្យ​ពួកគេ​មាន​សមត្ថភាព​ខ្ពស់ និង​កម្លាំងកាយ​សម្បទាពេញ​លេញ ដើម្បី​ក្លាយជា​កីឡាករ​ល្អ​ក្នុង​អាជីព​បាល់ទាត់ ។ ប៉ុន្តែ​មាន​កីឡាករ​មួយចំនួន​បាន​ប្រើ​សារធាតុ​ញៀន​ខុសច្បាប់​ដើម្បី​ប៉ូវ​បន្ថែម​កម្លាំង​ថាមពល​ឲ្យ​ខ្លាំង និង​មាន​ប្រសិទ្ធ​ភាព​ខ្ពស់​ពេល​ចូល​ប្រកួត ។ ខាងក្រោម​នេះ​ជា​កីឡាក​រទាំង​១០​នាក់ ដែល​គេ​រកឃើញថា​បាន​ប្រើ​សារធាតុ​ញៀន ឬ ថ្នាំញៀន​អំឡុងពេល​ប្រកប​អាជីព​របស់ខ្លួន ៖

១-Diego Maradona 

Image may contain: 1 person, playing a sport and outdoor

​ជា​កីឡាករ​ដែល​ល្បីល្បាញ​ជាងគេ​រឿង​សំណុំ​ហេតុ​នៃ​ការប្រើប្រាស់​ថ្នាំញៀន​នេះ ។ គាត់​ជា​កីឡាករ​ដែល​ញៀន​នឹង​ការប្រើប្រាស់ កូកាអ៊ីន ។ រឿងរ៉ាវ​របស់គាត់​ត្រូវបាន​គេ​ពិនិត្យឃើញ​នា​ឆ្នាំ​១៩៩១ ហើយ​បានទទួល​ពិន័យ​រយៈពេល​៩​ខែ​មិន​ឲ្យ​ពាក់ព័ន្ធ​នឹង​បាល់ទាត់ ។ មិនទាន់​ចប់​ទេ​នៅ World Cup ឆ្នាំ​១៩៩៤ នា​ប្រទេស​ក្រិ​ក គាត់​ត្រូវបាន​គេ​រកឃើញថា​បាន​ប្រើប្រាស់​សារធាតុ​ញៀន កូកាអ៊ីន ម្តងទៀត ហើយ​ត្រូវបាន​បញ្ជូនទៅ​មាតុភូមិ​វិញ​ភ្កា​មៗ ។ រហូតដល់​ឆ្នាំ​២០០៤ ទើប​កីឡាករ​ជម្រើសជាតិ​អា​ហ្ស​ង់​ទីន​រូបនេះ ផ្តាច់ការ​ញៀន​លើ កូកាអ៊ីន បាន ។ ទោះជា​យ៉ាងនេះ​ក្តី ក៏​ប្រជាជន​អា​ហ្ស​ង់​ទីន​ចាត់ទុក​គាត់​ជា​វីរបុរស​បាល់ទាត់​របស់​អា​ហ្ស​ង់​ទីន​ដែរ ។​

Image may contain: 2 people, people standing

២-Fernando Couto (​សញ្ជាតិ​ព័រ​ទុយ​ហ្គា​ល់​) 

Image may contain: 1 person, playing a sport, standing and outdoor

​គាត់​ជា​កីឡាករ​ខ្សែការពារ​ម្នាក់​ដែល​ទទួល​ការគោរព​សឹង​ពី​គ្រប់​មជ្ឈដ្ឋាន ។ កីឡាករ​រូបនេះ​ជា​អតីត​កីឡាករ Lazio , Porto , Parma និង Barcelona និង​លេង​បាន​យ៉ាង​ល្អ​ឲ្យ​ជម្រើសជាតិ​ព័រ​ទុយ​ហ្គា​ល់ ។ ប៉ុន្តែ​នៅ​នា​ឆ្នាំ​២០០១ កាល​នៅ Lazio កីឡាករ​រូបនេះ​ត្រូវបាន​គេ​ពិនិត្យឃើញ​សារធាតុ​ញៀន​នៅក្នុង​ខ្លួន​របស់គាត់ ហើយ​គាត់​ត្រូវបាន​គេ​ពិន័យ​ឲ្យ​ឈប់​លេង​បាល់​៩​ខែ និង​ពិន័យ​ជា​ប្រាក់​ចំនួន ៦​ម៉ឺន​ដុល្លារ ។​

៣-Kolo Toure 

Image may contain: 1 person

​កីឡាករ​របស់​ហង្ស​ក្រហម Liverpool រូបនេះ ត្រូវបាន​គេ​ពិនិត្យថា​មាន​សារធាតុ​ញៀន​ក្នុង​ខ្លួន ហើយ​ក្រុម​ស៊ើ​លប​អង្កេត​បាន​ជឿ​សម្តី​កីឡាករ​នេះ ដែលថា​គាត់​បាន​លេបថ្នាំ​តម​អាហារ​របស់​ប្រពន្ធ​គាត់ ។ កីឡាករ​រូបនេះ​ត្រូវបាន​គេ​ពិន័យ​មិន​ឲ្យ​ចូល​លេង​បាល់​រយៈពេល ៦​ខែ ។​

៤-Jake Livermore

Image may contain: 1 person, outdoor

​កីឡាករ Hull City រូបនេះ​ត្រូវបាន​គេ​រកឃើញថា​បាន​ប្រើប្រាស់​ថ្នាំ កូកាអ៊ីន ដែលជា​សារធាតុ​ញៀន​ខ្លាំង​នៅក្នុង​រដូវ​កាល​មួយ​ដែល​កីឡាករ​នេះ​កំពុង​ធ្លា​ក់ជើង​មុន​ការប្រកួត​ទល់នឹង Crystal Palace ។ វិធានការ​ពិន័យ​លើ​កីឡាករ​រូបនេះ​ពុំទាន់​បានសម្រេច​នៅឡើយ​ទេ ។​

៥-Mark Bosnich 

Image may contain: 1 person, outdoor

​អតីត​អ្នកចាំទី របស់ Manchester United រូបនេះ ត្រូវបាន​គេ​រកឃើញថា​ប្រើប្រាស់​ថ្នាំញៀន​កូកាអ៊ីន​១០​ក្រាម​ក្នុង​១​ថ្ងៃ ដែល​ធ្វើ​ឲ្យ​គាត់​ចំណាយ​ប្រាក់​ដល់​ទៅ ៥០០០​ដុល្លារ ក្នុង​មួយ​សប្តាហ៍ ។​

៦-Japp Stam 

Image may contain: 1 person, playing a sport, grass and outdoor

​អតីត​កីឡាករ Manchester United រូបនេះ​ត្រូវបាន​គេ​រកឃើញ​សារធាតុ​ញៀន​មួយចំនួន​ដើម្បី​ប៉ូវ​កម្លាំង​កាលពី​ឆ្នាំ​២០០៣ ហើយ​ត្រូវបាន​ពិន័យ ៥​ខែ​មិន​ឲ្យ​ចូល​លេង​បាល់ ។​

៧- Garry O'Connor 

Image may contain: 1 person, outdoor

​កីឡាករ​ឆ្នើម​សញ្ជាតិ​ស្កុ​តឡែ​ន​មួយ​នេះ​ត្រូវបាន​គេ​រកឃើញថា​បាន​ប្រើប្រាស់​សារធាតុ​ញៀន​កូកាអ៊ីន កាលពីពេល​លេង​នៅ Premier League របស់​ក្លឹប Birminhham City ។​

៨-Edgar Davids 

Image may contain: 1 person, sunglasses and outdoor

​កីឡាករ​រូបនេះ​ជោគជ័យ​បំផុត​នៅ Ajax និង Juventus ប៉ុន្តែ​ត្រូវបាន​គេ​រកឃើញថា​បាន​ប្រើប្រាស់​សារ​ធាតុ​ញៀន កូកាអ៊ីន ។ ពេលនោះ​កីឡាករ​រូបនេះ​ជិត​នឹងត្រូវ​ពិន័យ​២​ឆ្នាំ​ឯណោះ ប៉ុន្តែ​បាន​កាត់បន្ថយ​មក​សល់​តែ ៤​ខែ​ទេ ដែល​ត្រូវ​នៅ​ឆ្ងាយ​ពី​ការប្រកួត​ផ្សេងៗ ។​

៩-Andrian Mutu 

Image may contain: 1 person, playing a sport

​កីឡារ​រូបនេះ​ត្រូវបាន​គេ​រកឃើញថា​បាន​ប្រើប្រាស់​សារជាតិ​ញៀន កូ​ការ​អ៊ី​ន ហើយ​ត្រូវបាន​ពិន័យ ៧​ខែ​ឲ្យ​នៅក្រៅ​ទីលាន បន្ទាប់មក​បាន​ចូលរួម​ជាមួយ Juventus ប៉ុន្តែ​រូបគាត់​នៅតែ​ត្រូវបាន​គេ​រកឃើញថា​បាន​ប្រើប្រាស់​សារធាតុញៀន​ម្តងទៀត ។ លើក​នេះ​គាត់​ត្រូវបាន​ពិន័យ​៩​ខែ និង​ត្រូវ​ក្លឹប​បណ្តេញចេញ​ទៀតផង ។​

១០-Pep Guardiola (​បច្ចុប្បន្ន គ្រូបង្វឹក Man City)

Image may contain: 1 person, playing a sport and outdoor

​គាត់​ត្រូវបាន​គេ​រកឃើញថា​បាន​ប្រើប្រាស់​សារធាតុញៀន​ដូចនឹង​កីឡាករ Edgar Davids ដែរ ៕

​ប្រភព ៖ The SPort Ster 

Filed in: Feature, កីឡា

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.