ថ្ងៃ អង្គារ ទី ៣០ ខែ វិច្ឆិកា ឆ្នាំ ២០២១

 ១២​មាន​០១​ត្រូវ​ថ្មោង ! ថ្វី​ដ្បិត​ទំនង​មិន​ទទួលបាន​អាសនៈ​មេឃុំ ចៅសង្កាត់ តែ​គណបក្ស​ស​ម្ព័ន្ធ​ដើម្បី​ប្រជាធិបតេយ្យ (LDP) របស់លោក ខឹម វាសនា ទទួលបាន​ការព្រមាន​ពី​គ​.​ជ​.​ប ទុកជា​អនុស្សាវរីយ៍​

​បើ​យោងតាម​លទ្ធផល​បឋម​មិនទាន់​ផ្លូវការ​នៃ​ការបោះឆ្នោត​ជ្រើសរើស​ក្រុមប្រឹក្សាឃុំ សង្កាត់ អាណត្តិ​ទី​៤ ឆ្នាំ​២០១៧​នេះ គឺ​គណបក្ស​សម្ព័ន្ធ​ដើម្បី​ប្រជាធិបតេយ្យ (LDP) ដែលមាន​លោក ខឹម វាសនា ជា​ប្រធាន ទំនងជា​មិន​ទទួលបាន​នូវ​អាសនៈ​មេឃុំ ចៅសង្កាត់​ណាមួយ​ឡើយ​នៅក្នុង​ចំណោម​ឃុំ សង្កាត់​សរុប​ចំនួន​១ ៦៤៦​ទូទាំងប្រទេស​នោះ ប៉ុន្តែ​គណបក្សនយោបាយ​មួយ​នេះ​ធ្លាប់បាន​ទទួលរង​នូវ​ការព្រមាន​ជា​លាយលក្ខណ៍អក្សរ​មួយ​ពី​គណៈកម្មាធិការ​ជាតិ​រៀបចំ​ការបោះឆ្នោត (​គ​.​ជ​.​ប​) ទុកជា «​អនុស្សាវរីយ៍​» តាម​ស្មារតី​លិខិត​លេខ​៨៥៤​គជប ចុះ​ថ្ងៃទី​០៤ ខែមិថុនា ឆ្នាំ​២០១៧ ។​

​លិខិត​ព្រមាន​របស់​គ​.​ជ​.​ប ដែល​បាន​ជម្រាប​មក​លោក ខឹម វាសនា ជា​ប្រធាន​គណបក្ស​សម្ព័ន្ធ​ដើម្បី​ប្រជាធិបតេយ្យ​នោះបាន​លើកឡើងថា «​គណៈកម្មាធិការ​ជាតិ​រៀបចំ​ការបោះឆ្នោត​បា​នស​ង្កេ​ត​ឃើញថា នៅ​ថ្ងៃ​ហាម​ឃាត​នៃ​ការធ្វើសកម្មភាព​ឃោសនាបោះឆ្នោត គណបក្ស​សម្ព័ន្ធ​ដើម្បី​ប្រជាធិបតេយ្យ​បាន​ប្រើប្រាស់​ប្រព័ន្ធ​អន​ឡាញ (Online) ធ្វើការ​ផ្សព្វផ្សាយ​វាយប្រហារ​ទៅលើ​គណបក្សនយោបាយ​ផ្សេងទៀត ។ សកម្មភាព​នេះ​ជាការ​រំលោភច្បាប់​ទាំងស្រុង ព្រោះថា គ្រប់​សកម្មភាព​ឃោសនាបោះឆ្នោត​របស់​គណ​បក្សនយោបាយ​ត្រូវ​បញ្ឈប់​២៤ (​ម្ភៃ​បួន​)​ម៉ោង មុន​ថ្ងៃ​បោះឆ្នោត និង​នៅ​ថ្ងៃ​បោះឆ្នោត ។ អាស្រ័យហេតុនេះ គណបក្ស​សម្ព័ន្ធ​ដើម្បី​ប្រជាធិបតេយ្យ​ត្រូវ​បញ្ឈប់​ជាបន្ទាន់​ចំពោះ​ការផ្សព្វផ្សាយ​ឃោសនា​ដែល​ផ្ទុយ​ពី​ច្បាប់បោះឆ្នោត បើ​ពុំ​ដូច្នោះ​ទេ គ​.​ជ​.​ប នឹង​ចាត់វិធានការ​តាមផ្លូវ​ច្បាប់ ។​» ។​

​គួរបញ្ជាក់​ជូន​ដែរ​ថា សម្រាប់​ការចូលរួម​បោះឆ្នោត​ជ្រើសរើស​ក្រុមប្រឹក្សាឃុំ សង្កាត់​អាណត្តិ​ទី​៤ ឆ្នាំ​២០១៧​ដែល​បាន​ប្រព្រឹត្តទៅ​កាលពី​ថ្ងៃអាទិត្យ​ទី​០៤ ខែមិថុនា ឆ្នាំ​២០១៧​ម្សិលមិញ​នេះ គណបក្ស​សម្ព័ន្ធ​ដើម្បី​ប្រជាធិបតេយ្យ (LDP) របស់លោក ខឹម វាសនា បាន​ចុះបញ្ជី​បេក្ខជន​ឈរឈ្មោះ​បោះឆ្នោត​នៅតាម​បណ្តា​ឃុំ សង្កាត់​ចំនួន​៨៤៤ ក្នុង​រាជធានី​-​ខេត្ត​ចំនួន​២៤ (​ចំនួន​ឃុំ សង្កាត់​សរុប​១ ៦៤៦ ក្នុង​រាជធានី​-​ខេត្ត​ចំនួន​២៥) ប៉ុន្តែ​គណបក្ស LDP ទំនងជា​មិន​ទទួលបាន​នូវ​អាសនៈ​មេឃុំ ចៅសង្កាត់​ណាមួយ​ឡើយ ៕

 

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.