ថ្ងៃ អង្គារ ទី ២០ ខែ សីហា ឆ្នាំ ២០១៩

​តូច​តែ​ខ្លឹម ! អ៊ីស្រាអែល​លក់​ខែល​ការពារ​មី​ស៊ី​ល​ធុន LR-SAM មានតម្លៃ​ជិត​១​ពាន់​លាន​ដុល្លារ​ឲ្យ​ឥណ្ឌា​

​គេហទំព័រ Timesofisrael របស់​អ៊ីស្រាអែល​បាន​ផ្សព្វផ្សាយ​កាលពី​ថ្ងៃទី​២១ ខែឧសភា ឆ្នាំ​២០១៧​ម្សិលមិញ​ឲ្យ​ដឹងថា ក្រុមហ៊ុន IAI របស់​អ៊ីស្រាអែល​បាន​ចុះ​កិច្ចព្រមព្រៀង​ជាមួយ​ក្រុមហ៊ុន Bharat Electronics Ltd. (BEL) របស់​ឥណ្ឌា​មាន​ទំហំ​ទឹកប្រាក់​៦៣០​លាន​ដុល្លារ​អាមេរិក​ដែល​ក្នុងនោះ គឺ​អ៊ីស្រាអែល​ត្រូវ​លក់​ប្រព័ន្ធ​ខែល​ការពារ​មី​ស៊ី​ល​ដែនអាកាស​ធុន  LR-SAM ឬ​ហៅថា BARAK8 ទៅ​ឲ្យ​កងកម្លាំង​ទាហានជើងទឹក​ឥណ្ឌា ដើម្បី​បំពាក់​ដល់​នាវាចម្បាំង​របស់​ឥណ្ឌា​ចំនួន​៤​គ្រឿង ។​

Dtn7.com Photos's photo.

​លោក Joseph Weiss អគ្គនាយក​ក្រុមហ៊ុន IAI របស់​អ៊ីស្រាអែល​បាន​ថ្លែង​ឲ្យ​ដឹងថា កិច្ចព្រមព្រៀង​នេះ គឺជា​ការចាប់ផ្តើម ហើយ​នឹងមាន​កិច្ចព្រមព្រៀង​ជាច្រើន​ផ្សេងទៀត នឹងត្រូវ​ធ្វើឡើង​រវាង​ប្រទេស​អ៊ីស្រាអែល និង​ប្រទេស​ឥណ្ឌា ។​

Dtn7.com Photos's photo.

​កាលពី​ខែមេសា ឆ្នាំ​២០១៧​កន្លងទៅ​ថ្មីៗ អ៊ីស្រាអែល និង​ឥណ្ឌា បាន​ចុះ​កិច្ចព្រមព្រៀង​ជាមួយគ្នា ក្នុង​ទំហំ​ទឹកប្រាក់​ជាង​២​ពាន់​លាន​ដុល្លារ​អាមេរិក ដោយ​អ៊ីស្រាអែល​នឹងត្រូវ​ផ្តល់​ប្រព័ន្ធ​ខែល​ការពារ​មី​ស៊ី​ល​ធុន LR-SAM ឬ​ហៅថា BARAK8 បំពាក់​ឲ្យ​កងកម្លាំង​ទាហានជើងទឹក​ឥណ្ឌា​សម្រាប់​ប្រើប្រាស់​ក្នុង​វិស័យ​ការពារជាតិ ។​

Dtn7.com Photos's photo.

​ប្រព័ន្ធ​មី​ស៊ី​ល​ធុន LR-SAM ឬ​ហៅថា BARAK8 ជា​ប្រភេទ​មី​ស៊ី​លបាញ់​រយៈ​ចម្ងាយ​ឆ្ងាយ​ដែល​សហការ​ផលិត​ដោយ​ក្រុមហ៊ុន IAI របស់​អ៊ីស្រាអែល និង​អង្គការ​ស្រាវជ្រាវ និង​អភិវឌ្ឍន៍​វិស័យ​ការពារជាតិ​ឥណ្ឌា (DRDO) ។ មី​ស៊ី​ល​ប្រភេទ​នេះ មាន​ប្រវែង​៤,៥​ម៉ែត្រ និង​ទម្ងន់​២៧៥​គីឡូក្រាម​ក្នុង​១​គ្រាប់ អាច​បាញ់​បាន​រយៈ​ចម្ងាយ​ប្រមាណ​១០០​គីឡូម៉ែត្រ និង​មាន​ល្បឿន​ជាង​២​ពាន់​គីឡូម៉ែត្រ​ក្នុង​១​ម៉ោង ។​

Dtn7.com Photos's photo.

​ពិតជា​គួរ​ឲ្យ​ចាប់អារម្មណ៍​មួយ​ដែរ ដែល​អ៊ីស្រាអែល​ជា​ប្រទេស​តូច​មួយ​គាំទ្រ​ដោយ​សហរដ្ឋអាមេរិក​មាន​ផ្ទៃដី​ប្រមាណ​ជាង​២​ម៉ឺន​គីឡូ​ម៉ែត្រក្រឡា និង​ប្រជាជន​ជាង​៨​លាន​នាក់​សោះ អាចមាន​លទ្ធភាព​ផលិត និង​លក់​ប្រព័ន្ធ​មី​ស៊ី​ល​វាយលុក និង​ខែល​ការពារ​មី​ស៊ី​ល​ទៅ​ឲ្យ​ឥណ្ឌា ដែលជា​ប្រទេស​ដ៏​ធំ​មាន​ផ្ទៃដី​ទំហំ​ជាង​៣​លាន​គីឡូ​ម៉ែត្រក្រឡា និង​ប្រជាជន​ជាង​១​ពាន់​លាន​នាក់ ក្នុងតម្លៃ​ទឹកប្រាក់​ច្រើន​ពាន់​លាន​ដុល្លារ​អាមេរិក ។​

Dtn7.com Photos's photo.

​នា​រយៈពេល​ចុងក្រោយ​នេះ ឥណ្ឌា​បានជា​ប់​ឈ្មោះ​ជា​ប្រទេស​បញ្ជា​ទិញ​សព្វាវុធ​នាំមុខគេ​លំដាប់​ទី​១​នៅ​តំបន់​អាស៊ី សម្រាប់​យកមកប្រើ​ប្រាស់​ក្នុង​វិស័យ​ការពារជាតិ​របស់ខ្លួន ដ្បិត​ឥណ្ឌា​មានទំនាស់​ជាមួយ​ប្រទេស​ចិន​ផង និង​ប្រទេស​ប៉ា​គី​ស្ថាន​ផង ដោយ​ការបញ្ជាទិញ​អាវុធ​និង​សម្ភារៈ​យោធា​នោះ​មកពី​បណ្តា​ប្រទេស​ជាច្រើន​រួមមាន ៖ សហរដ្ឋអាមេរិក បារាំង រុស្ស៊ី ជប៉ុន និង​អ៊ីស្រាអែល ៕​

Dtn7.com Photos's photo.

Dtn7.com Photos's photo.

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.