ថ្ងៃ សៅរ៏ ទី ១៨ ខែ កញ្ញា ឆ្នាំ ២០២១

​ជំនួប​ជើង​ទី​២ ! Man Utd ប៉ះ Celta Vigo អ្នកឈ្នះ​ឡើង​វគ្គ​ផ្តាច់ព្រ័ត្រ Europa League 

Manchester United នឹង​បើកទ្វារ​កីឡដ្ឋាន Old Trafford របស់ខ្លួន​ស្វាគមន៍ ក្រុម​មកពី League LA LIGA របស់​អេ​ស្ប៉ា​ញ Celta Vigo ក្នុងជំនួប​ជើង​ទី​២ វគ្គ​ពាក់កណ្តាល​ផ្តាច់ព្រ័ត្រ ក្របខ័ណ្ឌ UEFA Europa League វេលា​ម៉ោង ២​និង​៥​នាទី ​ ​រំលងអធ្រាត្រ​យប់​នេះ ។​

​កាលពី​ជើង​ទី​១ បី​សាច​ក្រហម Manchester United បាន​យកឈ្នះ Celta Vigo ក្នុង​លទ្ធផល ១​ទល់នឹង​០ នៅក្រៅ​ទឹកដី ។ ចាំមើល​យប់​នេះ​តើ Man Utd អាច​បន្ត​យកឈ្នះ Celta Vigo ជា​លើក​ទី​២​បាន​ទៀត​ឬ​អត់ នៅ Old Trafford ទឹកដី​របស់​ខ្លួ​នា​រាត្រី​យប់​ហ្នឹង ។​

​មុន​ការប្រកួត​រាត្រី​នេះ​ឈាន​មកដល់ អ្នកចាត់ការ Manchester United លោក Jose Mourinho បាន​និយាយថា «​លោក​ចង់បាន​កៅអី Champions League លេង​នៅ​រដូវ​កាល​ក្រោយ តាមរយៈ​ការ​ឈ្នះ ពាន Europa League ឆ្នាំនេះ​ខ្លាំង​ជាង តាមរយៈ​កៅអី Top4 នៅ English Premier League ដែល​លោក​អះអាងថា​ក្រុម​របស់លោក​អស់​ឱកាស​ដណ្តើម Top4 ហើយ​ក្រោយ​ចាញ់ Arsenal ២​ទល់នឹង​០ កាលពី​សប្តាហ៍​មុន »​។​

​លោក Jose វ័យ​៥៤​ឆ្នាំនេះ​បញ្ជាក់ទៀតថា « Man Utd ធ្លាប់​ឈ្នះ​ពានរង្វាន់​ក្នុងស្រុក និង​លើ​ឆាក​អន្តរជាតិ​ជាច្រើន ប៉ុន្តែ Man Utd មិនដែល​ស្គាល់​រសជាតិ​ជើងឯក UEFA Europa League ម្តងណា​ឡើយ ក្នុង​ប្រវត្តិសាស្ត្រ​១៣៩​ឆ្នាំ​របស់​ក្លិប​មួយ​នេះ ។​

​ចំណែកឯ​មួយគូរ​ទៀត រវាង Lyon ប៉ះ Ajax នឹងធ្វើ​ការប្រកួត​វគ្គ​ពាក់កណ្តាល​ផ្តាច់ព្រ័ត្រ​ជើង​ទី​២ Europa League នៅ​ម៉ោង​២​និង​៥​នាទី​ដូចគ្នា​ក្នុង​ថ្ងៃ​តែមួយ ហើយ​កាលពី​ជើង​ទី​១ Ajax បាន​លុត​ក្រុម មកពី​បារាំង Lyon យ៉ាង​ចាស់ដៃ​ក្នុង​លទ្ធផល ៤​ទល់នឹង​១ ចាំមើល​យប់​នេះ Lyon អាចធ្វើ​ការសង​សឹក​ទៅលើ Ajax បាន​ឬទេ ក្នុង​ទឹកដី​របស់ខ្លួន ។​

​គួរបញ្ជាក់​ផងដែរ​ថា ក្រុម​ដែល​ឈ្នះ​ក្នុង​យប់​នេះ នឹងមាន​សិទ្ធិ​ឡើងទៅ​ប្រកួត​វគ្គ​ផ្តាច់ព្រ័ត្រ ពានរង្វាន់ UEFA Europa League ហើយ​ការប្រកួត​វគ្គ​ផ្តាច់ព្រ័ត្រ​នេះ​នឹង​ធ្វើឡើង​នៅ​ថ្ងៃទី​២៥ ខែឧសភា ឆ្នាំ​២០១៧ វេលា​ម៉ោង ១​និង​៤៥​នាទី នៅ​ពហុ​កីឡដ្ឋាន Friends Arena ទីក្រុង Stockolm ទឹកដី​របស់​ប្រទេស​ស៊ុយ​អ៊ែត ៕

ប្រភព ៖ BBC


Filed in: Feature, កីឡា

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.