ថ្ងៃ ព្រហស្បតិ៍ ទី ២៣ ខែ ឧសភា ឆ្នាំ ២០១៩

អា​ហ្ស​ង់​ទីន​មានសង្ឃឹម​វិញ​ហើយ ! FIFA បាន​ដក​បម្រាម​៤​ប្រកួត​ចេញពី Messi ហើយ ក្រោយ​មានការ​ប្តឹងតវ៉ា​ពី​សហព័ន្ធ​កីឡាបាល់ទាត់​អា​ហ្ស​ង់​ទីន​(AFA)

​តាម​ការចុះផ្សាយ​របស់​គេហទំព័រ FIFA.Com កាលពី​ថ្ងៃទី​០៥ ខែឧសភា កាលពី​ម្សិលមិញ​នេះ​បាន​ឲ្យ​ដឹងថា សហព័ន្ធ​បាល់ទាត់​អន្តរជាតិ (FIFA) បានចេញ​សេចក្តីសម្រេច​មួយ​នៅ​ថ្ងៃ ទី​០៥ ខែឧសភា ឆ្នាំ​២០១៧​នេះ​ថា បម្រាម​៤​ប្រកួត​ និង​ពិន័យជាប្រាក់ចំនួន ៨១០០០ផោន លើ​កីឡាករ Lionel Messi ត្រូវបាន​ទុកជា​មោ​ឃៈ ចាប់ពីពេលនេះ​តទៅ ពោលគឺ បម្រាម​៤​ប្រកួត​របស់ Messi ត្រូវបាន​លុបចោល​វិញ​ទាំងអស់ ។​

 គួរ​រំលឹក​ជូន​ថា Messi ត្រូវបាន​គណៈកម្មការ​វិន័យ​របស់ FIFA ដាក់​បម្រាម​៤​ប្រកួត ពីបទ​ជេរប្រមាថ​ជំនួយកា​រា​អាជ្ញាកណ្តាល​ដោយផ្ទាល់ អំឡុង​ការប្រកួត​ជម្រុះ World Cup 2018 ឈ្នះ ឈី​លី ១​ទល់នឹង​០ កាលពី​ថ្ងៃទី ២៨ ខែមីនា កន្លងមក ។​

 ប៉ុន្តែ​បម្រាម​៤​ប្រកួត​នេះ កីឡាករ វ័យ​២៩​ឆ្នាំ ប្រធាន​ក្រុម​អា​ហ្ស​ង់​ទីន Messi រូបនេះ​បាន​អនុវត្តបាន​មួយ​ប្រកួត​ហើយ នៅពេល អា​ហ្ស​ង់​ទីន ប្រកួត​ចាញ់ បូ​លី​វី ពីរ​ថ្ងៃ​បន្ទាប់ ពីរ​ការពិន័យ​របស់ FIFA  ដោយ​គ្មាន​វត្តមាន Messi ក្នុង​ទីលាន​ប្រកួត​ទល់នឹង ប្រទេស​បូ​លី​វី ឡើង ។

​ដូច្នេះ​ចាប់ពីពេលនេះ​តទៅ Messi អាច​ចូលរួម​ប្រកួត ជួយ​ជម្រើសជាតិ​អា​ហ្ស​ង់​ទីន​បាន​វិញ​ហើយ ដោយ​ប្រកួត​បន្ទាប់ នឹងត្រូវ​ប៉ះ​ជាមួយនឹង ប្រទេស អ៊ុយ​រូ​ហ្គា​យ , វេ​ណេ​ហ្ស៊​យ​អេ​ឡា និង ប៉េ​រូ ដើម្បី​ដណ្តើមយក​កៅអី​សម្រាប់​ប្រកួត​ពានរង្វាន់ World Cup 2018 វគ្គ​ចុងក្រោយ នៅ​ប្រទេស​នៅ​រុស្ស៊ី ៕

 

 

 

Filed in: Feature, កីឡា

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.