ថ្ងៃ អង្គារ ទី ២០ ខែ សីហា ឆ្នាំ ២០១៩

Hotspur បាត់បង់​៣​ពិន្ទុ ក្រោយ​ចាញ់ West Ham 1​ទល់នឹង​០ កាលពី​យប់មិញ  

​មាន់​ខ្នាយ​មាស់ Tottenham Hotspur បាន​បរាជ័យ​នៅ​សប្តាហ៍​ទី​៣៥ ក្រោយ​ចាញ់ ម្ចាស់ផ្ទះ ញញួរ​ធំ West Ham United 1​ទល់នឹង​០ ក្របខ័ណ្ឌ​លី​គ​កំពូល English Premier League កាលពី​រាត្រី​យប់មិញ​នេះ ។​

​ក្នុងការ​ប្រកួត​យប់មិញ​នេះដែរ​ធ្វើឡើង​នៅ​ទឹកដី Olympic Stadium របស់ West Ham គឺ​ក្រុម​ភ្ញៀវ Hotspur បានដាក់​សម្ពាធ​ទៅលើ West Ham យ៉ាងខ្លាំង ប៉ុន្តែ​គ្មាន​សំណាង​រាប់​គ្រាប់​បាន​ឡើង ខណៈ​ការ​ស៊ុត​របស់ Spur មិនសូវ​ចំ​គោលដៅ និង​អ្នកចាំទី West Ham ជួយសង្គ្រោះ​បាល់​បាន​ច្រើន​ពី​ការ​ស៊ុត​របស់ Hotspur ។ 

​ផ្ទុយទៅវិញ​អ្នក​ដែលមាន​សំណាង​បែរជា​ម្ចាស់ផ្ទះ​West Ham ដែល​បំ​បោង​សំណាញ់​ទី​របស់​Hotspur បានសម្រេច នៅ​នាទី​៦៥ ស៊ុត​បញ្ចូល​ទី​ដោយ​កីឡាករ​ពាក់​លេខ​១០ Manuel Lanzini​របស់ West Ham ។ ផ​ទ្ធ​ផល ១​ទល់នឹង​០ នេះ បន្ត​រហូតដល់​អាជ្ញាកណ្តាល​ផ្លុំ​កញ្ចែ​បញ្ចប់​ការប្រកួត ។​

​រីឯ​៥​ប្រកួត​ចុងក្រោយ​របស់​ក្រុម​ទាំងពីរ​នេះ​វិញ​
​ក្រុម​ភ្ញៀវ Tottemham Hotspur ឈ្នះ​៣​ប្រកួត និង​ចាញ់​២​ប្រកួត មិន​ធ្លាប់​ស្មើ ។​ចំណែក​៥​ប្រកួត​ចុងក្រោយ​របស់​ម្ចាស់ផ្ទះ West Ham United វិញ ក្នុងនោះ​ឈ្នះ​២​ប្រកួត មិន​ធ្លាប់​ចាញ់ និង​ស្មើ​រហូតដល់​ទៅ​៤​ប្រកួត​ឯណោះ ។​

​លទ្ធផល​បរាជ័យ​រប​ស់ Tottenham Hotspur កាលពី​យប់មិញ​នេះ ធ្វើ​ឲ្យ​ពួកគេ​សឹងតែ​អស់​ឱកាស​ដាក់​សម្ពាធ​ទៅលើ​ក្រុម ចំណាត់ថ្នាក់​លេខ​១ តោ​ខៀវ Chelsea ទៀតហើយ នៅពេល​ការប្រកួត​របស់គេ​សល់​៣​ប្រកួត​ទៀត​នឹង​បញ្ចប់ ហើយ​សប្តាហ៍​បន្ទាប់ Hotspur​នឹងត្រូវ​ប៉ះ Manchester United ទៀត ខណៈ​តោ​ខៀវ Chelsea ទើបបាន​៣៤​ប្រកួត​ក្នុង​ដៃ មាន​៨១​ពិន្ទុ​លើស Hotspur4​ពិន្ទុ ។ ហើយ​ការប្រកួត​សប្តាហ៍​ទី​៣៥​របស់ Chelsea នឹងត្រូវ​ប៉ះ​ក្រុម​Middlesbrough​ក្រៅ​ទឹកដី ។​

ដូច្នេះ​ប្រសិនបើ Chelsea ឈ្នះ​Midlesbrough​នៅ​ថ្ងៃ​ច័ន្ទ ខាងមុខនេះ ពួកគេ​នឹង​នាំមុខ Hotspur ៧​ពិន្ទុ នៅ​សប្តាហ៍​ទី​៣៥ ខណៈ​ការប្រកួត​នៅតែ​៣​ជើង​ទៀត​នឹង​បញ្ចប់​រដូវ​កាល ៕

​ប្រភព​៖ BBC 


Filed in: Feature, កីឡា

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.