ថ្ងៃ ព្រហស្បតិ៍ ទី ២៣ ខែ ឧសភា ឆ្នាំ ២០១៩

​មួយ​ជើង Free-Kick របស់ Rashford​ជួយ Man Utd​ឈ្នះ Celta 1​ទល់នឹង​០ កាលពី​យប់មិញ​

​មួយ​ជើង Free-Kick របស់​ខ្សែប្រយុទ្ធ​វ័យក្មេង Marcus Rashford​យប់មិញ​បំបោ​ង​សំណាញ់​ទី​ក្រុម​ម្ចាស់ផ្ទះ Celta vigo​ជួយ​ឲ្យ Man Utd​យកឈ្នះ​ក្រៅ​ដី​ជើង​ទី​១ បានសម្រេច ។​

​គ្រាប់​បាល់​ហ្វ្រី​ឃី​ក​ដ៏​អស្ចារ្យ​ពី​ខ្សែប្រយុទ្ធ​វ័យ​១៩​ឆ្នាំ Marcus Rashford​បាន​ជួយ​ឲ្យ Mancehster United ឈ្នះ​ក្រុម​ម្ចាស់ផ្ទះ Celta Vigo ១​ទល់នឹង​០ ក្នុងការ​ប្រកួត​ពានរ​ង្វាន់ UEFA Europa League វគ្គ​ពាក់កណ្តាល​ផ្តាច់ព្រ័ត្រ​ជើង​ទី​១​កាលពី​រាត្រី​រំលងអធ្រាត្រ​យប់មិញ ។​

Manchester United សង្ឃឹម​ខ្ពស់​ទៅ​វគ្គ​ផ្តាច់ព្រ័ត្រ​(Final) ក្នុង​ពានរង្វាន់ UEFA Europa League ក្រោយ​យកឈ្នះ ក្រុ​ម្ចាស់ផ្ទះ Celta Vigo ក្នុង​លទ្ធផល ១​ទល់នឹង​០ ដែលជា​គ្រាប់​បាល Free-Kick បញ្ចូល​ទី​យ៉ាង​អ​ស្ចារ្យរ​បស់​ MarcusRashford​តង់​ទី​២ នាទី​៦៧ ។​

​ក្រោយ​លទ្ធផល​ឈ្នះ​១​ទល់នឹង​០ ក្រៅ​ទឹកដី​នេះ លោក Jose Mourinho អ្នកចាត់ការ​ក្រុម Manchester United បាន​សរសើរ​ដល់​កីឡាករ​វ័យក្មេង Marcus Rashford​ថា «Rashford​ជា​ក្មេង​ម្នាក់​ចូលចិត្ត​បាល់ទាត់ ! ក្រោយ​ហ្វឹកហាត់​ជាមួយ​មិត្ត​រួម​ក្រុម​គេ​តែងតែ​ចំណាយពេល​មួយ​ម៉ោង​កន្លះ​ហាត់​ទាត់​ហ្វ្រី​ឃី​ក​ម្នាក់ឯង ហើយ​គេ​តែងតែ​រង់ចាំ​ឱកាស​បញ្ចេញ​សមត្ថភាព​ដូច​ថ្ងៃនេះ » ។​

​លើសពីនេះ​ លោក​បាន​បន្ថែមទៀតថា លោក​នឹង​ប្តេជ្ញាចិត្ត​រៀបចំ​ក្រុម​របស់លោក​ឲ្យ​កាន់តែ​ល្អ​នៅ​ជើង​ទី​២ នា​កីឡដ្ឋាន Old Trafford របស់ខ្លួន ។ 

​គួរ​បញ្ជាក់ដែរថា ការប្រកួត​ជើង​ទី​២​នឹងធ្វើ​ឡើង​នៅ​ទឹកដី Old Trafford របស់ Man Utd​ម្តង នៅ​ថ្ងៃទី​១២ ខែឧសភា ខាងមុខនេះ ដើម្បី​សម្រេច​ថា តើ​ក្រុម​ណា មាន​សមត្ថភាព​អាច​ឡើងទៅ​វគ្គ​ផ្តាច់ព្រ័ត្រ ពានរង្វាន់ UEFA Europa League ។​
​ហើយ​ការប្រកួត​វគ្គ​ផ្តាច់ព្រ័ត្រ​នឹងធ្វើ​ឡើង​នៅ​ពហុ​កីឡដ្ឋាន Friends Arena ទីក្រុង Stockolm​ទឹកដី​របស់​ប្រទេស​ស៊ុយអែត ៕

​ប្រភព​៖ Dailymail​

 

Filed in: Feature, កីឡា

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.