ថ្ងៃ អង្គារ ទី ២០ ខែ សីហា ឆ្នាំ ២០១៩

​គោរព តែ​មិន​ខ្លាច ! Berizzo ថា Celta Vigo គោរព Man Utd តែ​មិន​ប្រណី​ជើង​ឡើយ​ក្នុងជំនួប​យប់​នេះ 

​​យប់​នេះ Celta Vigo នឹង​បើក​កីឡដ្ឋាន​របស់ខ្លួន​ទទួល​ស្វាគមន៍ ក្រុម​មកពី​អង់គ្លេស Manchester United ក្នុងជំនួប UEFA Europa League វគ្គ​៤​ក្រុម​ចុងក្រោយ (Semi-Finals) ជើង​ទី​១ នៅវេលា​ម៉ោង ២​និង​៥​នាទី​រំលងអធ្រាត្រ​យប់​នេះ ។​

​មុន​ការប្រកួត​ឈាន​មកដល់ អ្នកចាត់ការ​ក្រុម Celta Vigo លោក Eduardo Berizzo បាន​និយាយថា «​ក្រុម​របស់លោក គោរព Manchester United ប៉ុន្តែ​មិន​ខ្លាច​ក្លិប​មកពី​អង់គ្លេស​មួយ​នេះឡើយ​ក្នុង​ក្នុងការ​ប្រកួត​យប់​នេះ ក្នុង​ក្របខ័ណ្ឌ Europa League» ។​

​លោក​បន្តទៀតថា Celta Vigo ធ្លាប់​លេង​ទល់នឹង​ក្រុម​ខ្លាំងៗ​ជាច្រើន​ក្នុង​ពាន Europa League នេះ ហើយ​ច្បាស់​ណាស់ Manchester United ជា​ក្រុម​មួយ​ក្នុងចំណោម​ក្រុម​អស្ចារ្យ​បំផុត​ដែល​លោក​ត្រូវ​ជួប​ក្នុង​យប់​នេះ ។​

​គួរបញ្ជាក់​ផងដែរ​ថា Manchester United ធ្លាប់​ឈ្នះ​តែ​២​ដង​ប៉ុណ្ណោះ ក្នុងការ​ធ្វើដំណើរ​មក​ប្រកួត​ក្នុង​ទឹកដី​អេ​ស្ប៉ា​ញ​២២​លើក​កន្លងមក ។  លទ្ធផល​មិនល្អ​របស់ Man Utd ក្នុងការ​មកលេង​នៅក្នុង​ទឹកដី​របស់​អេ​ស្ប៉ា​ញ​នេះ​ធ្វើ​ឲ្យ Celta Vigo ដែល​ដឹកនាំ​ដោយ​លោក Berizzo មាន​ទំនុកចិត្ត​ខ្ពស់ ក្នុងការ​យកឈ្នះ​លើ​ដៃគូ​Manchester United យប់​នេះ ៕​

ប្រភព៖ Goal

 

Filed in: Feature, កីឡា

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.