ថ្ងៃ ពុធ ទី ២៥ ខែ ឧសភា ឆ្នាំ ២០២២

​រឿង​លុយ ! សហព័ន្ធ​ស្រូវ​អង្ករ​របស់​កូនប្រសា​បុរស​ខ្លាំង​តម្រូវ​ឲ្យ​អ្នក​នាំចេញ​អង្ករ​បង់លុយ​១​ដុល្លារ​ក្នុង​១​តោន បង្ក​ការ​ត្អូញត្អែរ​

​អ្នក​នាំចេញ​អង្ករ​ទៅកាន់​ទីផ្សារ​បរទេស និង​ម្ចាស់​រោង​ម៉ាស៊ីនកិនស្រូវ​ដែលជា​សមាជិក​សហព័ន្ធ​ស្រូវ​អង្ករ​កម្ពុជា​ក្រោម​ការដឹកនាំ​របស់​ឯក​ឧ​ត្ត​ម សុខ ពុទ្ធិ​វុ​ធ កូនប្រុស​របស់​សព​ស​ម្តេច​វិបុល​បញ្ញា សុខ អាន និង​ត្រូវជា​កូនប្រសា​របស់​សម្តេច​អគ្គមហាសេនាបតី​តេ​ជោ ហ៊ុន សែន ហៅ​បុរស​ខ្លាំង នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​សម្តែង​នូវ​ការមិន​ពេញចិត្ត​ទៅនឹង​សហព័ន្ធ​ស្រូវ​អង្ករ​កម្ពុជា​ដែល​បានកំណត់​យក​កម្រៃ​សេវា​ពី​អ្នក​នាំចេញ​ស្រូវ​អង្ករ​ចំនួន​០,៥​ដុល្លារ​អាមេរិក​ក្នុង​១​តោន​សម្រាប់​អង្ក​រស និង​១​ដុល្លារ​អាមេរិក​ក្នុង​១​តោន​សម្រាប់​អង្ករ​ក្រអូប ។​

​លោក សុង សារ៉ន អគ្គនាយក​ក្រុមហ៊ុននាំចេញ​អង្ករ AMRU Rice បា​ថ្លែងប្រាប់​បណ្តាញសារព័ត៌មាន​ថា «​ក្រុមហ៊ុន​លោក ក៏ដូចជា​ក្រុមហ៊ុន​ដទៃទៀត​មិន​ពេញចិត្ត​ឡើយ​ចំពោះ​ការកំណត់​កម្រៃ​រដ្ឋបាល​របស់​សហព័ន្ធ​ស្រូវ​អង្ករ​កម្ពុជា​ក្នុងតម្លៃ​ខ្ពស់​ពេក​» ។ លោក​បន្តទៀតថា «​សហព័ន្ធ​ស្រូវ​អង្ករ​កម្ពុជា​គប្បី​ស្វះ​ស្វែងរក​ជំនួយ​ពី​ដៃគូ​អភិវឌ្ឍន៍​ផ្សេងៗ ប្រសើរ​ជាង​ដាក់បន្ទុក​មកលើ​ក្រុមហ៊ុននាំចេញ និង​រោង​ម៉ាស៊ីនកិនស្រូវ​ដែល​ត្រូ​ចំណាយ​ច្រើន​នោះ ។ ម្យ៉ាងទៀត សហព័ន្ធ​ស្រូវ​អង្ករ​កម្ពុជា​ក៏​មិនបាន​ស្វែងរក​ទីផ្សារ​ឲ្យ​បណ្តា​ក្រុមហ៊ុននាំចេញ​ដែរ​» ។ 

​ប្រភព​ព័​ត៌​មា​ស្និទ្ធ​នឹង​សហព័ន្ធ​ស្រូវ​អង្ករ​កម្ពុជា​ដែលមាន​ឯកឧត្តម សុខ ពុទ្ធិ​វុ​ធ ជា​ប្រធាន​បាន​ឲ្យ​ដឹងថា សហព័ន្ធ​ស្រូវ​អង្ករ​កម្ពុជា​បាន​ចំណាយ​ប្រាក់​ប្រមាណ​ពី​៧០​ម៉ឺន​ដុល្លារ​អាមេរិក​ទៅ ៨០​ម៉ឺន​ដុល្លារ​អាមេរិក​ក្នុង​១​ឆ្នាំៗ ។​

​លោក សុខ ពុទ្ធិ​វុ​ធ ដែលជា​កូនប្រុស​បង្កើត​របស់​ស​ព​សម្តេច​វិបុល​បញ្ញា សុខ អាន និង​ត្រូវជា​កូនប្រសា​របស់​បុរស​ខ្លាំង​នៃ​កម្ពុជា គឺជា​អ្នកជំនួញ​ដ៏​សកម្ម​ម្នាក់ ទទួលបាន​ការតែងតាំង​ជា​សមាជិក​ក្រុមប្រឹក្សា​សេដ្ឋកិច្ច សង្គមកិច្ច និង​វប្បធម៌​នៃ​ទីស្តីការគណៈរដ្ឋមន្ត្រី​មាន​ឋានៈ​ស្មើ​អនុរដ្ឋលេខាធិការ ជា​ប្រធាន​សហព័ន្ធ​ស្រូវ​អង្ករ​កម្ពុជា និង​ជា​ប្រធាន​សហព័ន្ធ​ព័ត៌មានវិទ្យា និង​ទូរគមនាគមន៍ (ICT Federation) ៕ 

 

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.