ថ្ងៃ ចន្ទ ទី ២៤ ខែ មករា ឆ្នាំ ២០២២

​កម្មវិធី​អាវុធ​នុយក្លេអ៊ែរ​កូរ៉េខាងជើង ៖ ក្រុមហ៊ុន​ផលិត​ជម្រក និង​ឧបករណ៍​ការពារ​វិទ្យុ​សកម្ម និង​ឧស្ម័ន​ពុល​របស់​ជប៉ុន បាននិងកំពុង​លក់ដាច់​ខ្លាំង​

​គេហទំព័រ Nationalinterest បាន​ផ្សព្វផ្សាយ​កាលពី​ថ្ងៃទី​២៤ ខែមេសា ឆ្នាំ​២០១៧​កន្លងទៅ​ថ្មីៗ​ឲ្យ​ដឹងថា កម្មវិធី​អាវុធ​នុយក្លេអ៊ែរ​របស់​ប្រទេស​កូរ៉េខាងជើង​ដែល​កំណត់ពេល​តេស្ត​សាកល្បង​បាញ់​មី​ស៊ី​ល​ឆ្លង​ទ្វីប​បំពាក់​ក្បាល​គ្រាប់​នុយក្លេអ៊ែរ​លើក​ទី​៦​នោះ បាន​បង្ក​ឲ្យ​ប្រជាពលរដ្ឋ​ជប៉ុន​សម្តែង​នូវ​ការព្រួយបារម្ភ​អំពី​ការ​សាយភាយ​នៃ​វិទ្យុសកម្ម និង​ឧស្ម័ន​ពុល ខណៈ​តម្រូវការ​ទីជម្រក និង​ឧបករណ៍​ការពារ​វិទ្យុ​សកម្ម ព្រមទាំង​ឧបករណ៍​បន្សុទ្ធ​ខ្យល់​ការពារ​ឧស្ម័ន​ពុល​បាននិងកំពុង​លក់ដាច់​ខ្លាំង​យ៉ាងគំហុក​នៅ​ប្រទេស​ជប៉ុន ។​

Dtn7.com Photos's photo.

​ក្រុមហ៊ុន Oribe Seiki Seisakusho ជា​ក្រុមហ៊ុន​ឯកទេស​ជំនាញ​ផលិត​ទីជម្រក​សម្រាប់​ការពារ​វិទ្យុសកម្ម និង​ឧស្ម័ន​ពុល​ដែល​សាយភាយ​ពី​អាវុធ​នុយក្លេអ៊ែរ​ដ៏​មហា​ប្រល័យ​បានបញ្ជាក់​ឲ្យ​ដឹងថា ក្រុមហ៊ុន​ទទួលបាន​ការបញ្ជាទិញ​នូវ​គម្រោង​ការពារ​ទាំង​នេះ រហូតដល់​៨​គម្រោង​ឯណោះ គឺជា​តួលេខ​ដ៏​ខ្ពស់ ។​

Dtn7.com Photos's photo.

​លោក Nobuko Oribe នាយក​ប្រតិបត្តិ​ក្រុមហ៊ុន Oribe Seiki Seisakusho របស់​ជប៉ុន​បាន​ថ្លែង​បញ្ជាក់​ឲ្យ​ដឹង​ដែរ​ថា ជម្រក​ការពារ​ខ្លួន​ពី​គ្រាប់បែកនុយក្លេអ៊ែរ​ដែល​ក្រុមហ៊ុន​បាន​លក់​មានតម្លៃ​ប្រមាណ​២២៧ ២១០​ដុល្លារ​អាមេរិក​ក្នុង​មួយ​គម្រោង និង​ឧបករណ៍​របាំង​ម៉ាស​ការពារ​ឧស្ម័ន​ពុល​វិញ​មានតម្លៃ​ប្រមាណ​ពី​៥ ៦៣០​ដុល្លារ​អាមេរិក​ទៅ​១៣ ៤៤០​ដុល្លារ​អាមេរិក ។​

Dtn7.com Photos's photo.

​លោក Shinzo Abe នាយករដ្ឋមន្ត្រី​ជប៉ុន​ដែល​ដកស្រង់​ដោយ​គេហទំព័រ Ibtimes របស់​អង់គ្លេស​ផ្សព្វផ្សាយ​កាលពី​ថ្ងៃទី​២៥ ខែមេសា ឆ្នាំ​២០១៧​ម្សិលមិញ បាន​ថ្លែង​ឲ្យ​ដឹង​ក្នុង​អង្គប្រជុំ​សភា​ថា កូរ៉េខាងជើង​ទំនង​ជាមាន​សមត្ថភាព​បាញ់​មី​ស៊ី​ល​ដែល​ផ្ទុក​ដោយ​ឧស្ម័ន​ពុល ។ ដូច្នេះ យើង​ត្រូវតែ​ការពារ​សុវត្ថិភាព​របស់​ប្រជាពលរដ្ឋ​យើង​ដោយ​មិនត្រូវ​ធ្វេសប្រហែស​ឡើយ ។​

Dtn7.com Photos's photo.

​មិន​ត្រឹមតែ​ប្រជាពលរដ្ឋ​ជប៉ុន​ទេ ដែល​សម្តែង​នូវ​ការព្រួយបារម្ភ​ទៅនឹង​ការ​សាយភាយ​សារធាតុ​វិទ្យុសកម្ម និង​ឧស្ម័ន​ពុល​ក្នុង​កម្មវិធី​អាវុធ​នុយក្លេអ៊ែរ​របស់​ប្រទេស​កូរ៉េខាងជើង​នោះ គឺ​បើតាម​ការផ្សព្វផ្សាយ​រប​ស់​សារព័ត៌មាន Global Times របស់​ចិន​បានបង្ហាញ​ឲ្យ​ដឹងថា ប្រជាពលរដ្ឋ​ចិន​រស់នៅ​ភាគ​ឦសាន​នៃ​ប្រទេស​ក៏​បាននិងកំពុង​ព្រួយបារម្ភ​និង​ការ​សាយភាយ​នូវ​វិទ្យុសកម្ម និង​ឧស្ម័ន​ពុល​ចេញពី​ការធ្វើ​តេស្ត​សាកល្បង​គ្រាប់បែកនុយក្លេអ៊ែរ​រប​ស់​កូរ៉េខាងជើង​ដែរ ។​

Dtn7.com Photos's photo.

​ក្នុង​ដំណើរការ​សមយុទ្ធ​បាញ់​គ្រាប់​ពិត​ទ្រង់ទ្រាយ​ធំ​ដើម្បី​អបអរសាទរ​ថ្ងៃ​បង្កើត​កងកម្លាំង​យោធា​ខួប​អនុស្សាវរីយ៍​លើក​ទី​៨៥ កាលពី​ថ្ងៃទី​២៥ ខែមេសា ឆ្នាំ​២០១៧​ម្សិលមិញ គឺ​ប្រទេស​កូរ៉េខាងជើង​មិនបាន​បង្ហាញ​សកម្ម​ភាពមិនប្រក្រតី​ណាមួយ​ឈានទៅដល់​ការធ្វើ​តេស្ត​សាកល្បង​គ្រាប់បែកនុយក្លេអ៊ែរ​លើក​ទី​៦​របស់ខ្លួន​ឡើយ ពោល​បាន​ត្រឹម​ចេញ​សារ​ព្រមាន​មួយ​ដែល​ចុះផ្សាយ​ដោយសារ​ព័ត៌មាន Rodong Sinmun មាន​ខ្លឹមសារ​ថា «​កូរ៉េខាងជើង​នឹងធ្វើ​ការឆ្លើយតប​ចំពោះ​កម្លាំង​ទ័ព​សហរដ្ឋអាមេរិក ដោយ​កម្លាំង​ទ័ព​វិញ ប្រសិនបើ​ប្រទេស​កូរ៉េខាងជើង​ទទួលរង​នូវ​ការវាយប្រហារ​ណាមួយ ។ យុគសម័យ​ភេរវកម្ម​នុយក្លេអ៊ែរ​រ​បស់​សហរដ្ឋអាមេរិក​បានបញ្ចប់​ជា​រៀងរហូត​ហើយ ព្រោះ​កូរ៉េខាងជើង​អាច​អភិវឌ្ឍន៍​សមត្ថភាព​អាវុធ​នុយក្លេអ៊ែរ​ដោយ​ខ្លួនឯង ។ » ៕​

Dtn7.com Photos's photo.

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.