ថ្ងៃ ពុធ ទី ២០ ខែ មករា ឆ្នាំ ២០២១

​ចៅក្រម​សាលាដំបូង​ខេត្តកោះកុង​ម្នាក់​ទទួលរង​ការដាក់វិន័យ​ក្រោមរូបភាព​ផ្លាស់ចេញ​ដោយ​បង្ខំ និង​ព្យួរការងារ​មិន​ឲ្យ​ប្រាក់ខែ​រយៈពេល​០៩​ខែ 

​យោងតាម​សេចក្តីក្រាបបង្គំទូលថ្វាយ​របស់​ឯកឧត្តម អង្គ វង្សវឌ្ឍានា រដ្ឋមន្ត្រី​ក្រសួងយុត្តិធម៌ និង​ជា​សមាជិក​ឧ​ត្ត​ម​ក្រុមប្រឹក្សា​នៃ​អង្គចៅក្រម បន្ទាប់ពី​បានការ​សម្រេច​របស់​ឧ​ត្ត​ម​ក្រុមប្រឹក្សា​នៃ​អង្គចៅក្រម​នា​សម័យប្រជុំ​ថ្ងៃទី​២៧ ខែកុម្ភៈ ឆ្នាំ​២០១៧​កន្លងទៅ ចៅក្រម​សាលាដំបូង​ខេត្តកោះកុង​ម្នាក់ គឺ​លោក សាំង សេរី ត្រូវបាន​ព្រះករុណា​ព្រះបាទ​សម្តេច​ព្រះបរមនាថ នរោត្តម សីហមុនី ព្រះមហាក្សត្រ​នៃ​ព្រះរាជាណាចក្រ​កម្ពុជា ត្រាស់បង្គាប់​ដាក់វិន័យ​ក្រោមរូបភាព​ផ្លាស់​ដោយ​បង្ខំ​ចាត់​ឲ្យ​ទៅ​ក្រសួងយុត្តិធម៌ អាច​តម្រូវ​ឲ្យ​ទទួល​ការបណ្តុះបណ្តាល​បន្ថែម និង​ការព្យួរ​ពី​ការងារ​មិន​ឲ្យ​មាន​បៀវត្សរ៍​ក្នុង​រយៈពេល​០៩​ខែ ដោយ​ព្រះរាជក្រឹត្យ​លេខ​នស​/​រកត​/០២១៧/២៤៥ ចុះ​ថ្ងៃទី​២៨ ខែកុម្ភៈ ឆ្នាំ​២០១៧ ។​

​លោក សាំង សេរី ជា​សិស្ស​ចៅក្រម​ជំនា​ន់ទី​៥​សាលា​ភូមិន្ទ​ចៅក្រម​នៃ​រាជបណ្ឌិត្យសភា​វិជ្ជាជីវៈ​តុលាការ ធ្លាប់​ត្រូវបាន​ចាត់​ឲ្យ​ទៅ​បម្រើ​ការងារ​ជា​ចៅក្រម​កម្មសិក្សា​នៅ​សាលាដំបូង​ខេត្តកោះកុង ដោយ​ព្រះរាជក្រឹត្យ​លេខ​នស​/​រកត​/០៧១១/៦៩៧ ចុះ​ថ្ងៃទី​២៥ ខែកក្កដា ឆ្នាំ​២០១១ និង​ក្រោយមក​ក៏​ទទួល​បានការ​តាំងស៊ប់​ក្នុង​ក្របខ័ណ្ឌ​អង្គចៅក្រម និង​បម្រើ​ការងារ​ជា​ចៅក្រម​សាលាដំបូង​ខេត្តកោះកុង ដោយ​ព្រះរាជា​ក្រឹត្យ​លេខ​នស​/​រកត​/១១១២/៩៩៤ ចុះ​ថ្ងៃទី​២៤ ខែវិច្ឆិកា ឆ្នាំ​២០១២ ។​

​ដោយ​ការបំពេញ​មុខងារ​អស់​រយៈពេល​ជាង​៥​ឆ្នាំ​នៅ​សាលាដំបូង​ខេត្តកោះកុង​លេចចេញ​នូវ​រូប​ភាពមិនប្រក្រតី​ជាច្រើន​ករណី​នោះ ទើប​លោក​ចៅក្រម សាំង សេរី ត្រូវ​ទទួលរង​ការដាក់វិន័យ​ពី​ឧ​ត្ត​ម​ក្រុមប្រឹក្សា​នៃ​អង្គចៅក្រម​តែម្តងទៅ ៕​

Filed in: Feature, តុលាការ, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.