ថ្ងៃ អាទិត្យ ទី ១៧ ខែ មករា ឆ្នាំ ២០២១

​ចៅក្រម​ចំនួន​៤​នាក់​ត្រូវបានតែងតាំង​ជា​ប្រធាន​សាលាដំបូង​ខេត្ត ជំនួស​អ្នក​ចូលនិវត្តន៍​

​យោងតាម​សេចក្តីក្រាបបង្គំទូលថ្វាយ​របស់​ឯកឧត្តម អង្គ វង្សវឌ្ឍានា រដ្ឋមន្ត្រី​ក្រសួងយុត្តិធម៌ និង​ជា​សមាជិក​ឧ​ត្ត​ម​ក្រុមប្រឹក្សា​នៃ​អង្គចៅក្រម បន្ទាប់ពី​បានការ​សម្រេច​របស់​ឧ​ត្ត​ម​ក្រុមប្រឹក្សា​នៃ​អង្គចៅក្រម​នា​សម័យប្រជុំ​ថ្ងៃទី​២៧ ខែកុម្ភៈ ឆ្នាំ​២០១៧​កន្លងទៅ​ថ្មីៗ ព្រះករុណា​ព្រះបាទ​សម្តេច​ព្រះបរមនាថ នរោត្តម សីហមុនី ព្រះមហាក្សត្រ​នៃ​ព្រះរាជាណាចក្រ​កម្ពុជា ទ្រង់​បាន​ត្រាស់បង្គាប់​តែងតាំង​ចៅក្រម​ចំនួន​៤​នាក់​ជា​ប្រធាន​សាលាដំបូង​ខេត្ត​ជំនួស​អ្នក​ចូលនិវត្តន៍ ដោយ​ព្រះរាជក្រឹត្យ​លេខ​នស​/​រកត​/០២១៧/២៤៦ ចុះ​ថ្ងៃទី​២៨ ខែកុម្ភៈ ឆ្នាំ​២០១៧ ដូច​មាន​រាយ​ឈ្មោះ​ខាងក្រោម ៖

១-​លោក​ចៅក្រម មីន មករា បច្ចុប្បន្ន​ជា​អនុប្រធាន​សាលាដំបូង​ខេត្តកោះកុង ត្រូវបានតែងតាំង​ជា​ប្រធាន​សាលាដំបូង​ខេត្តកោះកុង​ជំនួស​លោក​ចៅក្រម ហួន ម៉ា​នី ដែល​បានដាក់​ឲ្យ​ចូលនិវត្តន៍ ។ លោក មីន មករា ជា​សិស្ស​ចៅក្រម​ជំនា​ន់ទី​៣​សាលា​ភូមិន្ទ​ចៅក្រម​នៃ​រាជបណ្ឌិត្យសភា​វិជ្ជាជីវៈ​តុលាការ និង​ទទួលបាន​ការតែងតាំង​ជា​ចៅក្រម​កម្មសិក្សា​បម្រើការ​ងារ​នៅ​សាលាដំបូង​ខេត្តកោះកុង ដោយ​ព្រះរាជក្រឹត្យ​លេខ​នស​/​រកត​/០៨០៩/៧៨៨ ចុះ​ថ្ងៃទី​០៤ ខែសីហា ឆ្នាំ​២០០៩ ព្រមទាំង​ទទួលបាន​ការតាំង​ស៊ប់​ក្នុង​ក្របខ័ណ្ឌ​អង្គចៅក្រម​ជា​ចៅក្រម​សាលាដំបូង​ខេត្តកោះកុង ដោយ​ព្រះរាជក្រឹត្យ​លេខ​នស​/​រកត​/១០១០/៨៣៣ ចុះ​ថ្ងៃទី​២៧ ខែតុលា ឆ្នាំ​២០១០ ។ តម​កទៀត លោក​ចៅក្រម មីន មករា ទទួលបាន​ការតែងតាំង​ជា​អនុប្រធាន​សាលាដំបូង​ខេត្តកោះកុង​ទល់​បច្ចុប្បន្ន ដោយ​ព្រះរាជក្រឹត្យ​លេខ​នស​/​រកត​/០៧១៥/៧៣៣ ចុះ​ថ្ងៃទី​២១ ខែកក្កដា ឆ្នាំ​២០១៥ ។ មានន័យថា លោក​ចៅក្រម មីន មករា បាន​ចូល​បម្រើ​ការងារ​នៅ​សាលាដំបូង​ខេត្តកោះកុង​រយៈពេល​ជិត​១០​ឆ្នាំ​មកហើយ​គិតទល់​សព្វថ្ងៃនេះ ។​

២-​លោក​ចៅក្រម ហង់ ស៊ីថា បច្ចុប្បន្ន​ជា​អនុប្រធាន​សាលាដំបូង​ខេត្តពោធិ៍សាត់ ត្រូវបានតែងតាំង​ជា​ប្រធាន​សាលាដំបូង​ខេត្តកំពង់ស្ពឺ​ជំនួស​លោក​ចៅក្រម ខ្លូត ពេជ្រ ដែល​បានដាក់​ឲ្យ​ចូលនិវត្តន៍ ។ លោក ហង់ ស៊ីថា អតីត​ជា​ចៅក្រម​បម្រើ​ការងារ​នៅ​សាលាដំបូង​ខេត្តព្រៃវែង និង​ទទួលបាន​ការតែងតាំង​ជា​អតីត​ព្រះរាជអាជ្ញា​នៃ​មហាអយ្យការ​អម​សាលាឧទ្ធរណ៍ ដោយ​ព្រះរាជក្រឹត្យ​លេខ​នស​/​រកត​/១២០៧/៦៦៥ ចុះ​ថ្ងៃទី​៣០ ខែធ្នូ ឆ្នាំ​២០០៧ ។ ក្រោយមក លោក​ព្រះរាជអាជ្ញា ហង់ ស៊ីថា ត្រូវបាន​ផ្ទេរ​ភារកិច្ច​ឲ្យ​មក​បម្រើ​ការងារ​ជា​អនុប្រធាន​សាលាដំបូង​ខេត្ត​ព្រះសីហនុ ដោយ​ព្រះរាជក្រឹត្យ​លេខ​នស​/​រកត​/០២១០/១២៤ ចុះ​ថ្ងៃទី​០៤ ខែកុម្ភៈ ឆ្នាំ​២០១០ និង​តម​កទៀត​ត្រូវបាន​ផ្ទេរ​មុខតំណែង​ឲ្យ​មក​បម្រើ​ការងារ​ជា​អនុប្រធាន​សាលាដំបូង​ខេត្តពោធិ៍សាត់​ទល់​បច្ចុប្បន្ន ដោយ​ព្រះរាជក្រឹត្យ​លេខ​នស​/​រកត​/០៧១៥/៧៣៣ ចុះ​ថ្ងៃទី​២១ ខែកក្កដា ឆ្នាំ​២០១៥ ។​

៣-​លោក​ចៅក្រម អ៊ិត សម្ផស្ស បច្ចុប្បន្ន​ជា​អនុប្រធាន​សាលាដំបូង​ខេត្តបន្ទាយមានជ័យ ត្រូវបានតែងតាំង​ជា​ប្រធាន​សាលាដំបូង​ខេត្តពោធិ៍សាត់​ជំនួស​លោក​ចៅក្រម ថោង អុល ដែល​បានដាក់​ឲ្យ​ចូលនិវត្តន៍ ។ លោក អ៊ិត សម្ផស្ស អតីត​ជា​ចៅក្រម​សាលាដំបូង​ខេត្តបាត់ដំបង និង​ទទួលបាន​ការផ្ទេរ​ភារកិច្ច​ឲ្យ​មក​បម្រើ​ការងារ​ជា​អតីត​ចៅក្រម​សាលាដំបូង​ខេត្តសៀមរាប ដោយ​ព្រះរាជក្រឹត្យ​លេខ​នស​/​រកត​/១២០៧/៦៦៥ ចុះ​ថ្ងៃទី​៣០ ខែធ្នូ ឆ្នាំ​២០០៧ ។ ក្រោយមក លោក​ចៅក្រម អ៊ិត សម្ផស្ស ទទួលបាន​ការតែងតាំង​ជា​អនុប្រធាន​សាលាដំបូង​ខេត្តបន្ទាយមានជ័យ​ទល់​បច្ចុប្បន្ន ដោយ​ព្រះរាជក្រឹត្យ​លេខ​នស​/​រកត​/០៧១១/៦៩៥ ចុះ​ថ្ងៃទី​២៥ ខែកក្កដា ឆ្នាំ​២០១១ ។​

៤-​លោក​ចៅក្រម ឡុង កេស​ភី​រម្យ បច្ចុប្បន្ន​ជា​ចៅក្រម​សាលាដំបូង​រាជធានី​ភ្នំពេញ ត្រូវបានតែងតាំង​ជា​ប្រធាន​សាលាដំបូង​ខេត្តកំពត​ជំនួស​លោក​ចៅក្រម គាំ ឈាន ដែល​បានដាក់​ឲ្យ​ចូលនិវត្តន៍ ។ លោក ឡុង កេស​ភី​រម្យ ជា​សិស្ស​ចៅក្រម​ជំនា​ន់ទី​៣​សាលា​ភូមិន្ទ​ចៅក្រម​នៃ​រាជបណ្ឌិត្យសភា​វិជ្ជាជីវៈ​តុលាការ និង​ទទួលបាន​ការតែងតាំង​ជា​ចៅក្រម​កម្មសិក្សា​បម្រើការ​ងារ​នៅ​សាលាដំបូង​ខេត្តស្វាយរៀង ដោយ​ព្រះរាជក្រឹត្យ​លេខ​នស​/​រកត​/០៨០៩/៧៨៨ ចុះ​ថ្ងៃទី​០៤ ខែសីហា ឆ្នាំ​២០០៩ ព្រមទាំង​ទទួលបាន​ការតាំង​ស៊ប់​ក្នុង​ក្របខ័ណ្ឌ​អង្គចៅក្រម​ជា​ចៅក្រម​សាលាដំបូង​ខេត្តស្វាយរៀង ដោយ​ព្រះរាជក្រឹត្យ​លេខ​នស​/​រកត​/១០១០/៨៣៣ ចុះ​ថ្ងៃទី​២៧ ខែតុលា ឆ្នាំ​២០១០ ។ តម​កទៀត លោក​ចៅក្រម ឡុង កេស​ភី​រម្យ ត្រូវបាន​ផ្ទេរ​មុខតំណែង​ឲ្យ​មក​បម្រើ​ការងារ​ជា​ចៅក្រម​សាលា​ដំ​បុ​ង​រាជធានី​ភ្នំពេញ​ទល់​បច្ចុប្បន្ន ដោយ​ព្រះរាជក្រឹត្យ​លេខ​នស​/​រកត​/០១១៥/០៨៨ ចុះ​ថ្ងៃទី​២២ ខែមករា ឆ្នាំ​២០១៥ ៕​

Filed in: Feature, តុលាការ, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.