ថ្ងៃ ពុធ ទី ០៥ ខែ សីហា ឆ្នាំ ២០២០

​តារា​សម្តែង​សិច​ស៊ី កុល ដាវី​«​ឆេះដុំ​» ជំនួស​ឯកឧត្តម​ឧ​ត្ត​ម​សេនីយ៍​ទោ​យោធា ហ៊ុន ម៉ានិត កូនប្រុស​ទី​២​បុរស​ខ្លាំង​ទៅនឹង​ការ​Post របស់លោក Chham Chhany 

​តាំងពី​ថ្ងៃទី​២៧ ខែកុម្ភៈ ឆ្នាំ​២០១៧​ម្សិលមិញ តាមរយៈ​បណ្តាញ​ព័ត៌មាន​សង្គម​Facebook​ដ៏​ពេញនិយម តារា​សម្តែង​សិច​ស៊ី កុល ដាវី ដែល​ប្រើប្រាស់​Account ឈ្មោះ «Kol Davy» បាន​បញ្ចេញ​នូវ​កំហឹង​«​ឆេះដុំ​»​យ៉ាងខ្លាំង​ជំនួស​ឯកឧត្តម​ឧ​ត្ត​ម​សេនីយ៍​ទោ​យោធា ហ៊ុន ម៉ានិត កូនប្រុស​ទី​២​របស់​សម្តេច​អគ្គមហាសេនាបតី​តេ​ជោ ហ៊ុន សែន ហៅ​បុរស​ខ្លាំង នាយករដ្ឋមន្ត្រី​នៃ​ព្រះរាជាណាចក្រ​កម្ពុជា ទៅនឹង​ការ​Post របស់​ប្រិយមិត្ត​អ្នកលេង​Facebook​ដ៏​សកម្ម​ម្នាក់​ប្រើប្រាស់​Account ឈ្មោះ «Chham Chhany» កាលពី​ថ្ងៃទី​២៥ ខែកុម្ភៈ ឆ្នាំ​២០១៧ ដែល​បាន​ប្រើពាក្យ​ពេចន៍​ថា «​សារ​ពី​ប្រិយមិត្ត​៖ ហ៊ុន ម៉ានិត ធ្លាប់មាន​ស្នេហា​លួចលាក់​ជាមួយ​តារា​ណាខ្លះ ទៅ​ផឹកស៊ី​កន្លែង​ណាខ្លះ ទិញ​ឡាន​ឲ្យ​អ្នកណាខ្លះ ចិញ្ចឹម​ផ្គត់ផ្គង់​អ្នកណាខ្លះ ល្មម​ដឹង​ហើយ ជាពិសេស កុល ដាវី និង វ៉ាង ស្រីណូ ដែល​អ្នកណា​ក៏​ដឹង​ដែរ ។​…» ដោយ​ប្រើពាក្យ​ធ្ងន់ៗ​ថា «​ជន​ថោកទាប ពួក​បាត​សង្គម ហេតុ​អី​ក៏​ហ៊ាន​សរសេរ​បង្ខូច​កិត្តិយស​របស់​នាង​ខ្ញុំ​បែបនេះ​…» ។​

​តារា​សម្តែង​សិច​ស៊ី កុល ដាវី បានបញ្ជាក់​តាម Timeline Facebook ទៀតថា «…​ជាពិសេស​ភាព​ស្អាតស្អំ​លោក ហ៊ុន ម៉ានិត ទាំង​ដែល​ខ្ញុំ​និង​គាត់​ពុំដែល​បាន​ជួបគ្នា​ម្តងណា​សោះ​…» ។​

​កាលពី​ថ្ងៃទី​២៥ ខែកុម្ភៈ ឆ្នាំ​២០១៧ កន្លងទៅ​ថ្មីៗ​ប្រិយមិត្ត​អ្នកលេង​Facebook​ដ៏​សកម្ម​ម្នាក់​ឈ្មោះ Chham Chhany ដែល​កំពុង​រស់​នៅឯ​ប្រទេស Norway បាន​Post នូវ​អត្ថបទ​មួយ​អះអាងថា​ជា​សារ​ពី​ប្រិយមិត្ត​ដោយ​បញ្ជាក់​អំពី​ចំណងទាក់ទង​ស្នេហា​លួចលាក់​រវាង​ឯកឧត្តម​ឧ​ត្ត​ម​សេនីយ៍​ទោ ហ៊ុន ម៉ានិត កូនប្រុស​ទី​២​បុរស​ខ្លាំង និង​តារា​សម្តែង កុល ដាវី​…​។​

​ឯកឧត្តម​ឧ​ត្ត​ម​សេនីយ៍​ទោ ហ៊ុន ម៉ានិត នាយទាហាន​ថ្នាក់​ឧ​ត្ត​ម​សេនីយ៍​នៃ​កងយោធពល​ខេមរភូមិន្ទ អត្តលេខ​០៧៥៥៥៥ ត្រូវជា​កូនប្រុស​ទី​២​របស់​បុរស​ខ្លាំង គឺជា​សមាជិក​គណៈកម្មាធិកា​រ​កណ្តាល​គណបក្ស​ប្រជាជន​កម្ពុជា បាននិងកំពុង​កាន់កា​ប់​តំណែង និង​មុខងារ​ចំនួន​៤​យ៉ាងតិច រួមមាន ៖ ១-​នាយករង​ខុទ្ទកាល័យ​នាយករដ្ឋមន្ត្រី​ដែល​ត្រូវជា​ឪពុក​បង្កើត , ២-​នាយក​នៃ​នាយកដ្ឋាន​ស្រាវជ្រាវ​ចារកិច្ច​អគ្គបញ្ជាការដ្ឋាន​កងយោធពល​ខេមរភូមិន្ទ , ៣-​អគ្គលេខាធិការរង​ទី​១​នៃ​អគ្គលេខាធិការដ្ឋាន​អាជ្ញាធរ​ជាតិដោះស្រាយ​ទំនាស់​ដីធ្លី និង ៤-​អនុប្រធាន​គណៈកម្មកា​រ​សម្រាប់​ដោះស្រាយ​បញ្ហា​កូដកម្ម បាតុកម្ម នៅតាម​គ្រប់​មុខសញ្ញា​(​គ​.​ក​.​ប​) ។​

​គួរ​រំលឹក​ជូន​ថា កាលពី​ថ្ងៃទី​២២ ខែមករា ឆ្នាំ​២០១៦ កន្លងទៅ លោក Chham Chhany ធ្លាប់បាន​ទទួលរង​ការប្តឹង​ពីបទ​បរិហារកេរ្តិ៍​ជា​សាធារណៈ ពី​សំណាក់​លោក​ឧ​ត្ត​ម​សេនីយ៍​ឯក ហ៊ុន ម៉ា​ណែ​ត កូនប្រុស​ច្បង​របស់​បុរស​ខ្លាំង ទៅ​អគ្គស្នងការ​នគរបាល​ជាតិ ដើម្បី​ស្វែងរក​ចាប់ខ្លួន​យកមក​ផ្តន្ទាទោស​តាមច្បាប់ បន្ទាប់ពី​លោក Chham Chhany Post នូវ​អត្ថ​បទ​មួយ​ពាក់ព័ន្ធ​នឹង​លោក​ឧ​ត្ត​ម​សេនីយ៍​ឯក ហ៊ុន ម៉ា​ណែ​ត ជាមួយនឹង​ក្រុម​ឈ្នួ​ញ​រកស៊ី​ឈើ​មាន​ងារ​ជា​ឧកញ៉ា​មួយចំនួន ។

ក្រោយមកទៀត នៅថ្ងៃទី២៩ ខែមិថុនា ឆ្នាំ២០១៦ ខុទ្ទកាល័យក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច ដែលមានលោកជំទាវ ម៉ែន សំអន ឧបនាយករដ្ឋមន្ត្រី និងជារដ្ឋមន្ត្រី ក៏ធ្លាប់បានសម្តែងនូវប្រតិកម្ម«ឆេះដុំ»ទៅនឹងការPost ព័ត៌មានរបស់លោក Chham Chhany ដែរ ពាក់ព័ន្ធនឹងការចោទប្រកាន់ថា លោក គ្រី ស៊ាងឡុង ជាប្រុសកំណាន់របស់លោកជំទាវ…៕

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.