ថ្ងៃ ព្រហស្បតិ៍ ទី ២១ ខែ មករា ឆ្នាំ ២០២១

Range Rover ជិត​៧ ០០០​គ្រឿង​នឹងត្រូវ​ប្រមូល​ចូល​រោងចក្រ​វិញ ដោយសារ​មាន​បញ្ហា​ខ្សែក្រវាត់​សុវត្ថិភាព​

​គេហទំព័រ​សារព័ត៌មាន Xinhuanet របស់​ចិន​បាន​ផ្សព្វផ្សាយ​កាលពី​ថ្ងៃទី​៣១ ខែមករា ឆ្នាំ​២០១៧​ម្សិលមិញ​នេះ​ឲ្យ​ដឹងថា នៅ​ថ្ងៃទី​២៤ ខែកុម្ភៈ ឆ្នាំ​២០១៧​ខាងមុខ ក្រុមហ៊ុន​ផលិត​រថយន្ដ Jaguar Land Rover នឹង​ចាប់​ផ្ដើមធ្វើ​ការប្រមូលរ​ថយ​ន្ដ​ទំនើប​ម៉ូ​ដែល Range Rover ចំនួន​៦ ៤៣៨​គ្រឿង​នៅក្នុង​ប្រទេស​ចិន​ត្រឡប់មកវិញ ដោយសារ​រថយន្ដ​ទាំងនោះ​មាន​បញ្ហា​ខ្សែក្រវាត់​សុវត្ថិភាព ។​

​សេចក្ដីថ្លែងការណ៍​រប​ស់​រដ្ឋបាល​ត្រួតពិនិត្យ​គុណភាព​រថយន្ដ​ប្រទេស​ចិន​បាន​ឲ្យ​ដឹងថា រថយន្ដ​ទំនើប​ម៉ូ​ដែល Range Rover ដែលមាន​បញ្ហា​ខ្សែក្រវាត់​សុវត្ថិភាព ហើយនឹង​ត្រូវ​ប្រមូល​ត្រឡប់មកវិញ​នោះ គឺ​រថយន្ដ Range Rover ដែល​បាន​នាំចូល​ចន្លោះ​ឆ្នាំ​២០១៦-២០១៧ ចំនួន​១ ៥៥៤​គ្រឿង និង​រថយន្ដ Range Rover Sport ស៊េរី​ឆ្នាំ​២០១៦ (​ផលិត​ពីថ្ងៃ​ទី​១២ ខែកក្កដា ឆ្នាំ​២០១៦ ដល់​ថ្ងៃទី​២៦ ខែតុលា ឆ្នាំ​២០១៦) ចំនួន​៣ ៤៣៨​គ្រឿង ដែល​នាំចូល​ចន្លោះ​ឆ្នាំ​២០១៦-២០១៧​ដូចគ្នា ។​

​ជាមួយគ្នានេះ រថយន្ដ​ចំនួន​១ ១៣២​គ្រឿង​ផលិត​ដោយ​ក្រុមហ៊ុន​ផលិត​រថយន្ដ Jaguar XE (​ផលិត​ពីថ្ងៃ​ទី​១៣ ខែកក្កដា ឆ្នាំ​២០១៦ ដល់​ថ្ងៃទី​០៧ ខែធ្នូ ឆ្នាំ​២០១៦) ដែល​នាំចូល​នៅ​ឆ្នាំ​២០១៧ និង​រថយន្ដ​ចំនួន​៣១៤​គ្រឿង​ផលិត​ដោយ​ក្រុមហ៊ុន​ផលិត​រថយន្ដ Jaguar F-TYPE (​ផលិត​ពីថ្ងៃ​ទី​១៩ ខែកក្កដា ឆ្នាំ​២០១៦ ដល់​ថ្ងៃទី​១៦ ខែធ្នូ ឆ្នាំ​២០១៦) ដែល​នាំចូល​នៅ​ឆ្នាំ​២០១៧​ដូចគ្នា ក៏ត្រូវ​ប្រមូល​ត្រឡប់មក​ចូល​រោងចក្រ​ត្រួតពិនិត្យ​បច្ចេកទេស​សាជាថ្មី​ឡើងវិញ​ដែរ ៕

 

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.