ថ្ងៃ ចន្ទ ទី ២៤ ខែ មករា ឆ្នាំ ២០២២

ទំនាស់​ដីធ្លី​ដ៏​កក្រើក​ !​ មន្ត្រី​មាន​អំណាច​ និង​ឧកញ៉ា​មាន​លុយ​ ផ្គុំ​រួម​គ្នា​៤​នាក់​ តតាំង​ជាមួយ​ប្រជាពលរដ្ឋ​

​មិនមែន​ជា​រឿង​សាមញ្ញ​ទេ​ពាក់ព័ន្ធ​នឹង​ករណី​ទំនាស់​ដីធ្លី​រវាង​ឯកឧត្តម​ ឧកញ៉ា​ ឧត្តមសេនីយ៍ឯក​ប៉ូលិស​ ឡោក​ ហ៊ួ​រ​ អ្នកតំណាង​រាស្ត្រ​មណ្ឌល​ខេត្តបាត់ដំបង​ មក​ពី​គណបក្ស​ប្រជាជន​កម្ពុជា​ ជាមួយនឹង​ក្រុម​ប្រជាពលរដ្ឋ​រស់នៅ​ស្រុក​កៀនស្វាយ​ និង​ស្រុក​ស្អាង​ ខេត្តកណ្តាល​ ដ្បិត​ជា​ករណី​មន្ត្រី​មាន​អំណាច​ និង​ឧកញ៉ា​មាន​លុយ​ផ្គុំ​គ្នា​ចំនួន​៤​នាក់​តតាំង​ជាមួយ​ក្រុម​ប្រជាពលរដ្ឋ​ ធ្វើ​ឲ្យ​រឿងរ៉ាវ​រ៉ាំរ៉ៃ​ដោះស្រាយ​មិន​ចេញ​ រហូត​ដល់​ថ្នាក់​សម្តេច​អគ្គមហាសេនាបតី​តេ​ជោ​ ហ៊ុន​ សែន​ ហៅ​បុរស​ខ្លាំង​ ប្រធាន​គណបក្ស​ប្រជាជន​កម្ពុជា​ និង​ជា​នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា​ ចេញ​មុខ​ដោះស្រាយ​តែ​ម្តង​ ទើប​ក្រុម​ប្រជាពលរដ្ឋ​រង​គ្រោះ​មានភ័ព្វ​សំណាង​ទទួល​បាន​ដីធ្លី​មក​វិញ​ ។​

lok-huor-case

lok-huor-case-1

lok-huor-case-2

​មេខ្លោង​ធំ​ក្នុង​រឿង​ទំនាស់​ដីធ្លី​មាន​ទំហំ​ជិត​ ៣​ ០០០​ហិ​កតា​ខាងលើ​នេះ​ គឺ​ឯកឧត្តម​ ឧកញ៉ា​ ផ្កាយ​៣​ប៉ូលិស​ ឡោក​ ហ៊ួ​រ​ ដែល​ក្នុង​នោះ​ដី​ទំហំ​២​ ៣៩១,៥០​ហិ​កតា​ ជា​ដី​របស់​ឯកឧត្តម​ ឧកញ៉ា​ ផ្កាយ​៣​ប៉ូលិស​ ឡោក​ ហ៊ួ​រ​ ផ្ទាល់​,​ ដី​ទំហំ​២៥៦​ហិ​កតា​ ជា​ដី​របស់​ឯកឧត្តម​ ឧកញ៉ា​ ហ៊ឺ​ បា​វី​ ប្រតិភូ​រាជរដ្ឋាភិបាល​កម្ពុជា​ ទទួល​បន្ទុក​ជា​ប្រធាន​អគ្គនាយក​កំពង់​ផែ​ស្វយ័ត​រាជធានី​ភ្នំពេញ​ មាន​ឋានៈ​ស្មើ​រដ្ឋលេខាធិការ​ និង​ក្រុម​គ្រួសារ​ដែល​បាន​ទិញ​ពី​ឯកឧត្តម​ ឧកញ៉ា​ ផ្កាយ​៣​ប៉ូលិស​ ឡោក​ ហ៊ួ​រ​,​ ដី​ទំហំ​៥០​ហិ​កតា​ ជា​ដី​របស់​ឯកឧត្តម​ អំ​ សំរិត​ ទីប្រឹក្សា​សម្តេច​អគ្គ​មហា​ពញា​ចក្រី​ ហេង​ សំ​រិ​ន​ ប្រធានរដ្ឋសភា​នៃ​ព្រះរាជាណាចក្រ​កម្ពុជា​ មាន​ឋានៈ​ស្មើ​រដ្ឋលេខាធិការ​ និង​ក្រុម​គ្រួសារ​ ដែល​បាន​ទិញ​ពី​ឯកឧត្តម​ ឧកញ៉ា​ ផ្កាយ​៣​ប៉ូលិស​ ឡោក​ ហ៊ួ​រ​ និង​ដី​ទំហំ​៣០០,៤២​ហិ​កតា​ ជា​ដី​របស់​លោក​ឧកញ៉ា ឧត្តមសេនីយ៍ត្រីយោធា​ លឹ​ម​ ហ៊ួ​រ​នី​តា​ ត្រូវជា​កូនប្រុស​របស់​ឯកឧត្តម​ ឧកញ៉ា​ ផ្កាយ​៣​ប៉ូលិស​ ឡោក​ ហ៊ួ​រ​ ។​

lok-huor-case3

​មុន​ពេល​បុរស​ខ្លាំង​ជា​នាយក​រដ្ឋ​មន្តី​ និង​ឯកឧត្តម​ ជា​ សុ​ផា​រ៉ា​ ទេស​ដ្ឋ​មន្ត្រី​ រដ្ឋមន្ត្រីក្រសួង​រៀបចំ​ដែនដី​ នគរូបនីយកម្ម​ និង​សំណង់​(​ដ​ន​ស​)​លូកដៃ​ចូល​ដោះស្រាយ​ក្នុង​រឿង​ទំនាស់​ដីធ្លី​នេះ​ គឺ​ដើម្បី​ផលប្រយោជន៍​រួម​ មន្ត្រី​អ្នកមាន​អំណាច​ និង​ឧ​ឧកញ៉ា​អ្នកមាន​លុយកាក់​ទាំង​៤​នាក់​ បាន​ផ្គុំ​គ្នា​ប្រយុទ្ធ​តតាំង​យ៉ាង​ខ្លាំងក្លា​ជាមួយ​ក្រុម​ប្រជាពលរដ្ឋ​ ដោយ​ទុក​ឲ្យ​ឯកឧត្តម​ ឧកញ៉ា​ ផ្កាយ​៣​ប៉ូលិស​ ឡោក​ ហ៊ួ​រ​ ឈរ​នៅ​ខ្សែប្រយុទ្ធ​ខាង​មុខ​ ទើប​ធ្វើ​ឲ្យ​ករណី​ទំនាស់​ដីធ្លី​ធ្លាក់​ទៅ​ក្នុង​សភាព​រ៉ាំរ៉ៃ​ ដោះស្រាយ​មិន​ចេញ​ សូ​ម្បី​ថ្នាក់​ឯកឧត្តម​ ឧកញ៉ា​ ម៉ៅ​ ភិ​រុណ​ អភិបាល​នៃ​គណៈ​អភិបាល​ខេត្តកណ្តាល​ សឹង​មិន​ហ៊ាន​ក្អក​ផង​ ឬ​ក៏​លិខិត​ស្នាម​អន្តរាគមន៍​របស់​រដ្ឋបាល​ខេត្តកណ្តាល​«​គ្មាន​ប្រសិទ្ធភាព​»​ ។​

lok-huor

​ឥឡូវនេះ​ យោង​តាម​ស្មារតី​លិខិត​លេខ​២៣​ស​ជ​ណ​.​ឧស​ ចុះ​ថ្ងៃ​ទី​០៦​ ខែមករា​ ឆ្នាំ​២០១៧​ របស់​ទីស្តីការគណៈរដ្ឋមន្ត្រី​ គឺ​ដី​ទំនាស់​ទំហំ​២​ ៩៩៧,៩២​ហិ​កតា​ ដែល​រំលោភ​បំពាន​លើ​ដី​របស់​ប្រជាពលរដ្ឋ​នោះ​ ត្រូវ​បាន​រាជរដ្ឋាភិបាល​សម្រេច​ដកហូត​ប្រគល់​ជូន​ទៅ​ប្រជាពលរដ្ឋ​រង​គ្រោះ​វិញ​ហើយៗ​រាជ​ដ្ឋា​ភិ​បាល​ក៏​បាន​សម្រេច​បង្គាប់​ឲ្យ​ឯកឧត្តម​ ឡោក​ ហ៊ួ​រ​ ទទួល​បន្ទុក​ដោះស្រាយ​ផ្ទាល់ខ្លួន​ជាមួយ​ឯកឧត្តម​ ឧកញ៉ា​ ហ៊ឺ​ បា​វី​,​ ឯកឧត្តម​ អំ​ សំរិត​ និង​លោក​ឧកញ៉ា​ ឧត្តមសេនីយ៍ត្រី លឹ​ម​ ហ៊ួ​រ​នី​តា​ ដែល​ជា​អ្នកទិញ​ និង​ទទួល​បាន​ដី​ពី​ឯកឧត្តម​ ឧកញ៉ា​ ផ្កាយ​៣​ប៉ូលិស​ ឡោក​ ហ៊ួ​រ​ ។​

lok-huor-letter

​លោក​ ឡោក​ ហ៊ួ​រ​ ជា​អ្នកជំនួញ​សម្បូរ​ល្បិច​កល​ម្នាក់​ទទួល​បានការ​តែងតាំង​ជា​ឧកញ៉ា​ ដោយ​ព្រះរាជក្រឹត្យ​លេខ​ន​ស​/​រក​ត​/០៩៩៩/១៧១​ ចុះ​ថ្ងៃ​ទី​០២​ ខែកញ្ញា​ ឆ្នាំ​១៩៩៩​ ។​ ក្រៅពី​មាន​ងារ​ជា​ឧកញ៉ា​ គឺ​លោក​ឧកញ៉ា​ ឡោក​ ហ៊ួ​រ​ ក៏​ជា​អតីត​នាយទាហាន​ថ្នាក់ឧត្តម​សេនីយ៍​នៃ​កង​យោធពលខេមរភូមិន្ទ​ម្នាក់​ អត្តលេខ​០១១០០៥​ និង​ក្រោយមក​ ក៏​បាន​ផ្ទេរ​ចូល​ក្របខ័ណ្ឌ​ជា​នាយ​នគរបាល​ជាតិ​ថ្នាក់ឧត្តម​សេនីយ៍​នៃ​ក្រសួងមហាផ្ទៃ​ អត្តលេខ​៦៧២២២​វិញ​ ដែល​ទទួល​បានការ​ដំឡើង​ឋានន្តរស័ក្តិ​ ថ្នាក់​ឧត្តមសេនីយ៍ឯក​(​ផ្កាយ​៣)​ ដោយ​ព្រះរាជក្រឹត្យ​លេខ​ន​ស​/​រក​ត​/១២០៩/១២២៦​ ចុះ​ថ្ងៃ​ទី​២៥​ ខែធ្នូ​ ឆ្នាំ​២០០៩​ ។​ តម​ក​ទៀត​ លោក​ឧកញ៉ា​ ផ្កាយ​៣​ប៉ូលិស​ ឡោក​ ហ៊ួ​រ​ ក៏​បាន​ក្លាយជា​អ្នកតំណាង​រាស្ត្រ​មណ្ឌល​ខេត្តបាត់ដំបង​ មក​ពី​គណបក្ស​ប្រជាជន​កម្ពុជា​ទល់​សព្វថ្ងៃ​ ។​

hy-bavy

​លោក​ ហ៊ឺ​ បា​វី​ បាន​ធ្វើ​ជា​ប្រធាន​កំពង់​ផែ​ស្វយ័ត​រាជធានី​ភ្នំពេញ​ និង​កើប​លុយ​ធ្វើ​ជា​អ្នកមាន​ទ្រព្យសម្បត្តិ​អស់​ជា​ច្រើន​ឆ្នាំ​មក​ហើយៗ​ទទួល​បានការ​តែងតាំង​ជា​ប្រតិភូ​រាជរដ្ឋាភិបាល​កម្ពុជា​ ទទួល​បន្ទុក​ជា​ប្រធាន​អគ្គនាយក​កំពង់​ផែ​ស្វយ័ត​រាជធានី​ភ្នំពេញ​ មាន​ឋានៈ​ស្មើ​រដ្ឋលេខាធិការ​ ដោយ​ព្រះរាជក្រឹត្យ​លេខ​ន​ស​/​រក​ត​/០៨០៨/៩៤៤​ ចុះ​ថ្ងៃ​ទី​១៨​ ខែសីហា​ ឆ្នាំ​២០០៨​ និង​អតីត​ជាទី​ប្រឹក្សា​សម្តេច​អគ្គ​មហា​ធម្ម​ពោធិ​សាល​ ជា​ ស៊ី​ម​ ប្រធាន​ព្រឹទ្ធសភា​នៃ​ព្រះរាជាណាចក្រ​កម្ពុជា​កាល​នៅ​រស់រាន​មានជីវិត​ មាន​ឋានៈ​ស្មើ​រដ្ឋមន្ត្រី​ ។​ ក្រោយមក​ ឯកឧត្តម​ ហ៊ឺ​ បា​វី​ ទទួល​បានការ​តែងតាំង​ជា​ឧកញ៉ា​ ដោយ​ព្រះរាជក្រឹត្យ​លេខ​ន​ស​/​រក​ត​/០៨១៤/១០០៧​ ចុះ​ថ្ងៃ​ទី​០៤​ ខែសីហា​ ឆ្នាំ​២០១៤​ ។​

am-samrit

​លោក​ អំ​ សំរិត​ ទទួល​បានការ​តែងតាំង​ជាទី​ប្រឹក្សា​សម្តេច​អគ្គ​មហា​ពញា​ចក្រី​ ហេង​ សំ​រិ​ន​ ប្រធានរដ្ឋសភា​នីតិកាល​ទី​៥​នៃ​ព្រះរាជាណាចក្រ​កម្ពុជា​ មាន​ឋានៈ​ស្មើ​រដ្ឋលេខាធិការ​បន្ថែម​លើ​មុខងារ​បច្ចុប្បន្ន​ ដោយ​ព្រះរាជក្រឹត្យ​លេខ​ន​ស​/​រក​ត​/០៩១៣/៩៤៦​ ចុះ​ថ្ងៃ​ទី​៣០​ ខែកញ្ញា​ ឆ្នាំ​២០១៣​ ។​

lim-huornita-1

lim-huornita

​លោក​ លឹ​ម​ ហ៊ួ​រ​នី​តា​ ជា​អ្នកជំនួញ​វ័យក្មេង​ដ៏​សកម្ម​ ត្រូវជា​កូនប្រុស​របស់​ឯកឧត្តម​ ឧកញ៉ា​ ផ្កាយ​៣​ប៉ូលិស​ អ្នកតំណាង​រាស្ត្រ​ ឡោក​ ហ៊ួ​រ​ ទទួល​បានការ​តែងតាំង​ជា​ឧកញ៉ា​ ដោយ​ព្រះរាជក្រឹត្យ​លេខ​ន​ស​/​រក​ត​/០១០៨/០៤៧​ ចុះ​ថ្ងៃ​ទី​១៨​ ខែមករា​ ឆ្នាំ​២០០៨​ ។ ក្រៅពីមានងារជាឧកញ៉ា គឺលោកឧកញ៉ា លឹម ហ៊ួរនីតា ក៏ជានាយទាហានថ្នាក់ឧត្តមសេនីយ៍នៃកងយោធពលខេមរភូមិន្ទ អត្តលេខ១៩៨៤១៧ ម្នាក់ទៀតផង ដែលទទួលបានការដំឡើងឋានន្តរស័ក្តិថ្នាក់ឧត្តមសេនីយ៍ត្រី (ផ្កាយ១) ដោយព្រះរាជក្រឹត្យលេខនស/រកត/០៦១៦/៦០៦ ចុះថ្ងៃទី១៦ ខែមិថុនា ឆ្នាំ២០១៦ ៕

lok-huor-case-4

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.