ថ្ងៃ អង្គារ ទី ២០ ខែ តុលា ឆ្នាំ ២០២០

ព័ស្តុតាង​កណ្តាលវាល​ ៖​ ឯកឧត្តម​បណ្ឌិត​ ងួ​ន​ ញ៉ិល​ រំលោភ​បុរស​ខ្លាំង​នៃ​កម្ពុជា​ទាំង​កំរោល​ និង​បាន​សម្រេច​

​ក្នុង​នាម​កាន់​តំណែង​ជា​អនុប្រធាន​ទី​២​នៃ​រដ្ឋសភា​នីតិកាល​ទី​៥​ និង​ជា​អ្នកតំណាង​រាស្ត្រ​មណ្ឌល​ខេត្តកំពង់ធំ​ មក​ពី​គណបក្ស​ប្រជាជន​កម្ពុជា​(​សមាជិក​រដ្ឋសភា​)​ គឺ​ឯកឧត្តម​បណ្ឌិត​ ងួ​ន​ ញ៉ិល​ បាន​ប្រើប្រាស់​រថយន្ត​ទំនើប​១​គ្រឿង​ម៉ាក​ Lexus​ 570​ ពណ៌​ស​ ពាក់​ស្លាក​លេខ​រដ្ឋ​34.2-2222​ ហើយ​ធ្លាប់​បាន​បើកបរ​បញ្ច្រាសទិស​ចរាចរណ៍​ ធ្វើ​ឲ្យ​ប្រិ​យ​មិត្ត​អ្នកលេង​ Facebook​ រិះគន់​យ៉ាង​ចាស់ដៃ​ និង​ព្រោងព្រាត​នា​ពេល​ថ្មីៗ​នេះ​ ។​

​មាត្រា​៥​ ចំណុច​ទី​២​ និង​មាត្រា​៩​ ចំណុច​ទី​២​ នៃ​អនុក្រឹត្យ​របស់​រាជរដ្ឋាភិបាល​កម្ពុជា​ ចុះហត្ថលេខា​ផ្ទាល់​ដោយ​សម្តេច​អគ្គមហាសេនាបតី​តេ​ជោ​ ហ៊ុន​ សែន​ ហៅ​បុរស​ខ្លាំង​ ជា​នាយក​រដ្ឋមន្ត្រី​ លេខ​៧៧​អន​ក្រ​.​បក​ ចុះ​ថ្ងៃ​ទី​២៨​ ខែវិច្ឆិកា​ ឆ្នាំ​២០០៣​ ស្តី​ពី​ការ​ចេញ​ស្លាក​លេខ​សម្គាល់​យានជំនិះ​ បាន​ចែង​ថា​ "​ក្រុម​ទី​២​ ៖​ ម្ចាស់​គ្រប់គ្រង​យានយន្ត​ជា​របស់​ក្រសួង​ ស្ថាប័នរដ្ឋ​ សហគ្រាស​សាធារណៈ​ និង​អង្គភាព​ស្វ័​យា​ភិ​បាល​សេដ្ឋកិច្ច​ ។​ ស្លាក​លេខ​រដ្ឋ​02.​ 2-0001​ សម្រាប់​រថយន្ត​ដែល​ប្រើប្រាស់​ដោយ​សមាជិក​រដ្ឋសភា​ ។​ "​ និង​មាត្រា​៩​ ចំណុច​ទី​៣៤​ នៃ​អនុក្រឹត្យ​របស់​រាជរដ្ឋាភិបាល​ដដែល​ បាន​ចែង​ដែរ​ថា​ "​ស្លាក​លេខ​រដ្ឋ​34.​ 2-0001​ សម្រាប់​រថយន្ត​ជា​សម្បត្តិ​រដ្ឋ​ដែល​ប្រើប្រាស់​ដោយ​អគ្គលេខាធិការដ្ឋាន​ព្រឹទ្ធសភា​ អគ្គលេខាធិការដ្ឋាន​រដ្ឋសភា​ អគ្គលេខាធិការដ្ឋាន​ក្រុមប្រឹក្សាធម្មនុញ្ញ​"​ ។​

​អនុលោម​តាម​មាត្រា​៥​ ចំណុច​ទី​២​ និង​មាត្រា​៩​ ចំណុច​ទី​២​ និង​ចំណុច​ទី​៣៤​ នៃ​អនុក្រឹត្យ​របស់​រាជរដ្ឋាភិបាល​កម្ពុជា​ លេខ​៧៧​អន​ក្រ​.​បក​ ចុះ​ថ្ងៃ​ទី​២៨​ ខែវិច្ឆិកា​ ឆ្នាំ​២០០៣​ ស្តី​ពី​ការ​ចេញ​ស្លាក​លេខ​សម្គាល់​យានជំនិះ​ គឺ​ ឯកឧត្តម​បណ្ឌិត​ ងួ​ន​ ញ៉ិល​ ដែល​ជា​សមាជិក​រដ្ឋសភា​ ប្រសិនបើ​ប្រើប្រាស់​រថយន្ត​ដែល​ជា​ទ្រព្យសម្បត្តិ​រដ្ឋ​ ត្រូវ​ពាក់​ស្លាក​លេខ​រដ្ឋ​02.​ 2-XXXX​ ប៉ុន្តែ​ក្នុង​ករណី​ដែល​ឯកឧត្តម​បណ្ឌិត​ ងួ​ន​ ញ៉ិល​ ប្រើប្រាស់​រថយន្ត​ពាក់​ស្លាក​លេខ​រដ្ឋ​34.​ 2-2222​ ដែល​តម្រូវ​ឲ្យ​ប្រើប្រាស់​ដោយ​អគ្គលេខាធិការដ្ឋាន​រដ្ឋសភា​នោះ​ គឺជា​ការ​ខុសឆ្គង​ធ្ងន់ធ្ងរ​បំផុត​ ហើយ​ក៏​មាន​ន័យ​ថា​ ជា​អំពើ​រំលោភ​បំពាន​ទៅ​លើ​អនុក្រឹត្យ​របស់​រាជរដ្ឋាភិបាល​កម្ពុជា​យ៉ាង​គឃ្លើន​ទៀត​ផង​ ពីព្រោះ​ឯកឧត្តម​បណ្ឌិត​ ងួ​ន​ ញ៉ិល​ មិនមែន​ជា​មន្ត្រី​បម្រើ​ការងារ​នៅ​ក្នុង​អគ្គលេខាធិការដ្ឋាន​របស់​រដ្ឋសភា​ទេ​ ។​

​ដូច្នេះ​ នេះ​គឺជា​ព័ស្តុតាង​មួយ​នៅ​កណ្តាលវាល​ ឬ​នៅ​លើគោក​ ដែល​បង្ហាញ​ឲ្យ​ឃើញ​ថា​ ឯកឧត្តម​បណ្ឌិត​ ងួ​ន​ ញ៉ិល​ សមាជិក​គណៈ​អចិន្ត្រៃយ៍​នៃ​គណៈកម្មាធិការ​កណ្តាល​គណបក្ស​ប្រជាជន​កម្ពុជា​ អនុប្រធាន​ទី​២​នៃ​រដ្ឋសភា​នីតិកាល​ទី​៥​ និង​ជា​អ្នកតំណាង​រាស្ត្រ​មណ្ឌល​ខេត្តកំពង់ធំ​ (​សមាជិក​រដ្ឋសភា​)​ ដែល​មាន​ទីប្រឹក្សា​រហូត​ដល់​ជាង​៦០​នាក់​ បាន​រំលោភ​ទៅ​លើស​ម្តេច​អគ្គមហាសេនាបតី​តេ​ជោ​ ហ៊ុន​ សែន​ ហៅ​បុរស​ខ្លាំង​ ប្រធាន​គណបក្ស​ប្រជាជន​កម្ពុជា​ នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា​ និង​ជា​អ្នកតំណាង​រាស្ត្រ​មណ្ឌល​ខេត្តកណ្តាល​ ទាំង​កំរោល​ពេញបន្ទុក​ និង​បាន​សម្រេច​ជា​ស្ថាពរ​ ៕​

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.