ថ្ងៃ សុក្រ ទី ៣០ ខែ តុលា ឆ្នាំ ២០២០

អ្នកបើកបរ​រថយន្ត​របស់​មន្ត្រីជាន់ខ្ពស់​នេះ​ហើយ​ ដែល​ទទួល​រង​ការ​រិះគន់​ព្រោងព្រាត​ពេញ​ Facebook

​នៅ​ថ្ងៃ​ទី​២៣​ ខែកញ្ញា​ ឆ្នាំ​២០១៦​នេះ​ ប្រិ​យ​មិត្ត​អ្នកលេង​បណ្តាញ​ព័ត៌មាន​ទំនាក់ទំនង​សង្គម​ Facebook​ ដ៏​ពេញ​និយម​ បាន​ Post​ នូវ​រូបភាព​នៃ​ការ​ធ្វើ​ចរាចរណ៍​បញ្ច្រាសទិស​ចរាចរណ៍​របស់​រថយន្ត​ទំនើប​១​គ្រឿង​ ម៉ាក​ Lexus​ 570​ ពណ៌​ស​ ពាក់​ស្លាក​លេខ​រដ្ឋ​ 34.​ 2-2222​ ហើយ​ការ​ធ្វើ​ចរាចរណ៍​ដូច្នេះ​ ក៏​បាន​ទទួល​រង​នូវ​ការ​រិះគន់​ព្រោងព្រាត​ផង​ដែរ​នៅ​ក្នុង​ Facebook​ ដោយ​មាន​អ្នកខ្លះ​ធ្វើការ​ Comments​ ថា​ "​រថយន្ត​ថ្លៃ​ តែ​ម្ចាស់​ ឬ​អ្នកបើកបរ​ចរិត​ថោក​"​ ។​

​អនុលោម​តាម​ស្មារតី​មាត្រា​៥​ និង​មាត្រា​៩​ នៃ​អនុក្រឹត្យ​របស់​រាជរដ្ឋាភិបាល​កម្ពុជា​លេខ​ ៧៧​អន​ក្រ​.​បក​ ចុះ​ថ្ងៃ​ទី​២៨​ ខែវិច្ឆិកា​ ឆ្នាំ​២០០៣​ ស្តី​ពី​ការ​ចេញ​ស្លាក​លេខ​សម្គាល់​យានជំនិះ​ បាន​បង្ហាញ​ឲ្យ​ឃើញ​ថា​ រថយន្ត​ដែល​ពាក់​ស្លាក​លេខ​រដ្ឋ​ 34.2-0001​គឺជា​រថយន្ត​ទ្រព្យសម្បត្តិ​រដ្ឋ​ ប្រើប្រាស់​ដោយ​អគ្គលេខាធិការដ្ឋាន​ព្រឹទ្ធសភា​ អគ្គលេខាធិការដ្ឋាន​រដ្ឋសភា​ អគ្គលេខាធិការដ្ឋាន​ក្រុមប្រឹក្សាធម្មនុញ្ញ​ ។ ដូច្នេះ រថយន្តទំនើបដែលពាក់ស្លាកលេខរដ្ឋ 34.2-2222 ដែលបើកបរបំពានច្បាប់ចរាចរណ៍ នេះ​ គឺជាប្រភេទរថយន្តទ្រព្យសម្បត្តិរដ្ឋ អាចប្រើប្រាស់ដោយមន្ត្រីជាន់ខ្ពស់ បម្រើការងារនៅក្នុងអគ្គលេខាធិការដ្ឋានព្រឹទ្ធសភា ឬអគ្គលេខាធិការដ្ឋានរដ្ឋសភា ឬអគ្គលេខាធិការដ្ឋានក្រុមប្រឹក្សាធម្មនុញ្ញ ៕​

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 72 84 71 / 015 86 87 53.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.