ថ្ងៃ ចន្ទ ទី ១២ ខែ មេសា ឆ្នាំ ២០២១

ពលរដ្ឋជប៉ុនដែលរស់នៅ​រងការរំខាន​ពីសំឡេងយន្តហោះ​នៅ​មូលដ្ឋាន​ទ័ពអាកាស​អាមេរិក​លើកោះ​ Okinawa អាចនឹង​ទទួលបាន​សំណង​ជំងឺចិត្តជិត២៣លានដុល្លារ

គេហទំព័រ​សារព័ត៌មាន​ Japantoday បាន​ផ្សព្វផ្សាយ​នៅថ្ងៃទី១៨ ខែវិច្ឆិកា ឆ្នាំ២០១៦នេះ ឲ្យដឹងថា កាលពីថ្ងៃទី១៧ ខែវិច្ឆិកា ឆ្នាំ២០១៦ម្សិលមិញ តុលាការជាន់ទាប​ឋិតក្នុងស្រុក​ Naha របស់ប្រទេសជប៉ុន​ បាន​វិនិច្ឆ័យសេចក្តី​សម្រេច​ឲ្យ​រដ្ឋាភិបាល​ជប៉ុន​បង់ប្រាក់សំណង​ជំងឺចិត្ត​ចំនួន​២,៤៦ពាន់លានយេន (លុយជប៉ុន) ឬស្មើនឹងប្រមាណ​ ២២,៦លានដុល្លារអាមេរិក​ ជូន​ទៅប្រជាពលរដ្ឋ​ជប៉ុនចំនួន​៣ ៣៩៥ នាក់ ដែល​កំពុងរស់នៅ​និងរងការរំខាន​ពីសំឡេង​ខ្លាំងៗ​របស់​យន្តហោះ​ចម្បាំង​នៅមូលដ្ឋាន​ទ័ពអាកាស​របស់សហរដ្ឋអាមេរិក​លើកោះ​ Okinawa ។

ផ្ទៃដីទំហំប្រមាណ​៤ ០០០​ ហិកតា​ នៃកោះ Okinawa របស់ជប៉ុន ត្រូវបាន​កាន់កាប់​ដោយ​កង​កម្លាំង​ទាហាន​អាមេរិក​សម្រាប់ធ្វើជា​មូលដ្ឋានទ័ពអាកាស​សហរដ្ឋអាមេរិក​ ចាប់តាំងពីអំឡុងឆ្នាំ​១៩៧២ ទល់សព្វ​ថ្ងៃ​ ហើយសំឡេង​ឡើងចុះ​របស់យន្តហោះចម្បាំង​អាមេរិក​តែងបានរំខាន​យ៉ាងខ្លាំង​ដល់​ការរស់នៅ​របស់​ប្រជាពលរដ្ឋជប៉ុន​​ ឋិតនៅក្បែរៗ​មូលដ្ឋាន​ទ័ព​អាមេរិក​នោះ ទើបក៏ឈាន​ដល់​មាន​ការ​ប្តឹងផ្តល់​ទៅតុលាការ​ទាមទារ​ប្រាក់​សំណង​ជំងឺចិត្តតែម្តង។

គេហទំព័រ​សារព័ត៌មាន Time ធ្លាប់បាន​ផ្សព្វផ្សាយ​កាលពីថ្ងៃទី​២៩ ខែកក្កដា ឆ្នាំ២០១៦ កន្លងទៅ​ឲ្យដឹងថា កងកម្លាំងទាហាន​អាមេរិក​ ដែល​បោះទីតាំង​ឈរជើងអស់រយៈពេល​៤៤ឆ្នាំ​នៅលើកោះ​ Okinawa ប្រទេសជប៉ុននោះ បាន​ប្រកាស​សម្រេច​ប្រគល់​ដីធ្លី​ឲ្យ​ទៅ​រដ្ឋាភិបាលជប៉ុន​វិញហើយ​ ដោយ​គ្រាន់តែ​រក្សាទុក​នូវ​កងកម្លាំង​ទាហាន​អាមេរិក​នៅលើកោះដដែលប៉ុណ្ណោះ​៕

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.