ថ្ងៃ ចន្ទ ទី ១២ ខែ មេសា ឆ្នាំ ២០២១

ត្រីគល់រាំងទម្ងន់៥០គីឡូក្រាម ដែលតំណាងឲ្យនិមិត្តរូបជាតិ ត្រូវបានសម្លាប់ដ៏គួរសោកស្ដាយបំផុត

កាលពីរាត្រីថ្ងៃទី១៣ ខែវិច្ឆិកា ឆ្នាំ២០១៦កន្លងទៅថ្មីៗ សមត្ថកិច្ចចម្រុះខេត្តកំពង់ឆ្នាំងបានប្រទះឃើញ និងរឹបអូសបានត្រីគល់រាំងដ៏កម្រមួយក្បាលទម្ងន់៥០គីឡូក្រាម បន្ទាប់ពីស្ទាក់ចាប់រុឺម៉កម៉ូតូមួយគ្រឿងនៅត្រង់ចំណុចភូមិស្វាយគយ ឃុំពន្លៃ ស្រុកបរិបូណ៌ ខេត្តកំពង់ឆ្នាំង ខណៈជនល្មើសកំពុងដឹកត្រីឡើងមកថ្នល់ជាតិសំដៅទៅផ្សារពន្លៃ ។

ទោះយ៉ាងណា ជនល្មើសមិនត្រូវបានចាប់ខ្លួនឡើយ ពីព្រោះជនល្មើសមានឱកាសដោះយកម៉ូតូចេញពីរុឺម៉ករួចជិះគេចខ្លួនបាត់ នៅសល់តែសណ្ដោងរុឺម៉ក និងត្រីគល់រាំងមួយក្បាលទម្ងន់៥០គីឡូក្រាមដែលងាប់ស្រាប់ប៉ុណ្ណោះ ។

បច្ចុប្បន្ន ត្រីគល់រាំងមួយក្បាលទម្ងន់៥០គីឡូក្រាមដែលរឹបអូសបាននោះ កំពុងរក្សាទុកនៅសង្កាត់រដ្ឋបាលជលផលបរិបូណ៌ជាបណ្ដោះអាសន្ន រង់ចាំគោលការណ៍សម្រេចពីថ្នាក់លើ ។

ត្រីគល់រាំង ឬហៅថាត្រីកាហោ ឬត្រីក្បាលឡាន មានឈ្មោះជាវិទ្យាសាស្ដ្រថា Catlocarpio siamensis និងឈ្មោះជាភាសាអង់គ្លេសថា Giant Mekong Barb គឺជាប្រភេទមច្ឆាដែលត្រូវបានចាត់ទុកជានិមិត្តរូបជាតិ នៃព្រះរាជាណាចក្រកម្ពុជា ដោយព្រះរាជក្រឹត្យលេខ នស/រកត/០៣០៥/១៤៩ ចុះថ្ងៃទី២១ ខែមីនា ឆ្នាំ២០០៥ ៕

Filed in: Uncategorized

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.