ថ្ងៃ អង្គារ ទី ៣០ ខែ វិច្ឆិកា ឆ្នាំ ២០២១

កូនប្រុសសេដ្ឋី Donald Trump បេក្ខភាពប្រធានាធិបតីអាមេរិកប្រព្រឹត្តកំហុស អាចជាប់គុក ដ្បិតថតបង្ហាញសន្លឹកឆ្នោតបោះឲ្យឪពុក

សារព័ត៌មាន Independent របស់អង់គ្លេសបានផ្សព្វផ្សាយនៅថ្ងៃទី០៩ ខែវិច្ឆិកា ឆ្នាំ២០១៦នេះឲ្យដឹងថា លោក Eric Trump ត្រូវជាកូនប្រុសទី២លោក Donald Trump សេដ្ឋីអាមេរិកមួយរូប និងជាបេក្ខភាពប្រធានាធិបតីសហរដ្ឋអាមេរិក បានប្រព្រឹត្តនូវសកម្មភាពខុសប្រក្រតីនៅពេលបោះឆ្នោតជ្រើសតាំងប្រធានាធិបតី ដែលជាការបំពានច្បាប់បោះឆ្នោតនៅអាមេរិក ។

ពេលដំណើរការបោះឆ្នោតនៅទីក្រុង New York លោក Eric Trump អាយុ៣២ឆ្នាំ និងជាអ្នកជំនួញម្នាក់បានថតសន្លឹកឆ្នោតរបស់ខ្លួនមុនដាក់បញ្ចូលទៅក្នុងធុងឆ្នោត រួចហើយក៏ Post តាមបណ្ដាញទំនាក់ទំនងសង្គម Twitter អំពាវនាវឲ្យមានការគាំទ្របោះឆ្នោតជូនឪពុករបស់ខ្លួន ។

អនុលោមតាមច្បាប់នៅទីក្រុង New York គឺរាល់អំពើថតសន្លឹកឆ្នោតដែលសម្រេចជ្រើសរើសរួច និងមិនទាន់ដាក់បញ្ចូលក្នុងធុងឆ្នោត ជាប្រការខុសច្បាប់បោះឆ្នោតជាសម្ងាត់ ដែលត្រូវប្រឈមនឹងការផាកពិន័យជាប្រាក់ចំនួន១ ០០០ដុល្លារ ឬផ្ដន្ទាទោសដាក់ពន្ធនាគារកំណត់១ឆ្នាំ ៕

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.