ថ្ងៃ ចន្ទ ទី ១២ ខែ មេសា ឆ្នាំ ២០២១

ព្រះរាជាណាចក្រ​កម្ពុ​ជាទី​២​ មានការ​តែងតាំង​មេដឹកនាំ​សាសនា​ឥ​ស្លា​ម​ជា​ «​ឧកញ៉ា​ឃ្នួ​រ​»

​ដោយ​មិន​មាន​សេចក្ដី​ក្រាប​បង្គំ​ទូល​ថ្វាយ​របស់​សម្ដេច​វិបុល​សេនា​ភក្ដី​ សាយ​ ឈុំ​ ប្រធាន​ព្រឹទ្ធសភា​ ឬ​សម្ដេច​អគ្គ​មហា​ពញា​ចក្រី​ ហេង​ សំ​រិ​ន​ ប្រធានរដ្ឋសភា​ ឬ​សម្ដេច​អគ្គមហាសេនាបតី​តេ​ជោ​ ហ៊ុន​ សែន​ នាយក​រដ្ឋមន្ដ្រី​នៃ​ព្រះរាជាណាចក្រ​កម្ពុជា​អ្វី​នោះ​ឡើយ​ គឺ​ព្រះករុណា​ព្រះបាទ​សម្ដេចព្រះ​បរមនាថ​ នរោត្តម​ សីហ​មុនី​ ព្រះមហាក្សត្រ​នៃ​ព្រះរាជាណាចក្រ​កម្ពុជា​ ទ្រង់​បាន​ត្រាស់​បង្គាប់​តែងតាំង​លោក​ ម៉ាត់​ សា​ មេដឹកនាំ​សាសនា​ឥ​ស្លា​ម​ ក្រុម​កន​អ៊ី​ម៉ាំ​សាន់​ ជា​ឧកញ៉ា​ឃ្នួ​រ​ ដោយ​ព្រះរាជក្រឹត្យ​លេខ​ ន​ស​/​រក​ត​/០៩១៦/៨១៤​ ចុះ​ថ្ងៃ​ទី​១០​ ខែកញ្ញា​ ឆ្នាំ​២០១៦​ ។​

​ស្មារតី​ព្រះរាជក្រឹត្យ​លេខ​ ន​ស​/​រក​ត​/០៩១៦/៨១៤​ ចុះ​ថ្ងៃ​ទី​១០​ ខែកញ្ញា​ ឆ្នាំ​២០១៦​ បាន​ត្រាស់​បង្គាប់បញ្ជា​ក់ថា​ ប្រគល់​ភារកិច្ច​ជូន​ឧកញ៉ា​ឃ្នួ​រ​ «​លោក​ ម៉ាត់​ សា​»​ រៀបចំ​រចនាសម្ព័ន្ធ​តាម​ព្រះ​វិហារ​ក្រុម​កន​អ៊ី​ម៉ាំ​សាន់​នៅ​ព្រះរាជាណាចក្រ​កម្ពុជា​ ក្នុង​ឋានៈ​ជា​មេដឹកនាំ​សាសនា​ឥ​ស្លា​ម​ ក្រុម​កន​អ៊ី​ម៉ាំ​សាន់​ ។​

​ថ្វី​ដ្បិត​ មាត្រា​៤៣​ កថាខណ្ឌ​ទី​៣​ នៃ​រដ្ឋធម្មនុញ្ញ​នៃ​ព្រះរាជាណាចក្រ​កម្ពុជា​បាន​ចែង​ថា​ «​ព្រះពុទ្ធ​សាសនា​ ជា​សាសនា​របស់​រដ្ឋ​ ។​»​ ក៏​ប៉ុន្តែ​ កថាខណ្ឌ​ទី​១​ និង​កថាខណ្ឌ​ទី​២​ ក្នុង​មាត្រា​៤៣​ នៃ​រដ្ឋធម្មនុញ្ញ​ដដែល​បាន​ចែង​ថា​ «​ប្រជាពលរដ្ឋ​ខ្មែរ​ទាំង​ពីរ​ភេទ​ មាន​សិទ្ធិ​ពេញទី​ខាង​ជំនឿ​ ។​ សេរីភាព​ខាង​ជំនឿ​ និង​ការ​ប្រតិបត្តិ​ខាង​ផ្លូវ​សាសនា​ត្រូវ​បាន​រដ្ឋ​ធានា​ក្នុង​លក្ខខណ្ឌ​ដែល​មិន​ប៉ះពាល់​ដល់​ជំនឿ​ ឬ​សាសនា​ដទៃ​ទៀត​ ដល់​សណ្ដាប់ធ្នាប់​ និង​សន្តិសុខ​សាធារណៈ​ ។​ »​ ដូច្នេះ​ ទើប​ព្រះរាជាណាចក្រ​កម្ពុ​ជាទី​២​ ចាប់ផ្ដើម​មានការ​តែងតាំង​មេដឹកនាំ​សាសនា​ឥ​ស្លា​ម​ជា​ «​ឧកញ៉ា​ឃ្នួ​រ​»​ហើយ​ ដោយ​ព្រះ​តម្រិះ​របស់​អង្គ​ព្រះមហាក្សត្រ​តែ​ម្ដង​ ៕​

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.