ថ្ងៃ អង្គារ ទី ២០ ខែ តុលា ឆ្នាំ ២០២០

អាមេរិកផ្អាកការលក់សព្វាវុធគ្រប់ប្រភេទជិត៣ម៉ឺនដើមឲ្យហ្វីលីពីន

សារព័ត៌មាន Reuters បានផ្សព្វផ្សាយកាលពីថ្ងៃទី០១ ខែវិច្ឆិកា ឆ្នាំ២០១៦ម្សិលមិញ ដោយដកស្រង់សម្ដីមន្ដ្រីជំនួយការរបស់លោក Ben Cardin សមាជិកព្រឹទ្ធសភាសហរដ្ឋអាមេរិកឲ្យដឹងថា សមាជិកគណបក្សប្រជាធិបតេយ្យនៅក្នុងគណៈកម្មការកិច្ចការការបរទេសរដ្ឋសភាបានជំទាស់ទៅនឹងការលក់អាវុធឲ្យប្រទេសហ្វីលីពីន ដោយសំអាងថា ប្រទេសហ្វីលីពីនកំពុងតែរំលោភបំពានសិទ្ធិមនុស្សយ៉ាងធ្ងន់ធ្ងរ ហើយអាចបង្កក្ដីព្រួយបារម្ភខ្លាំងដល់សហគមន៍អន្តរជាតិ ។

បន្ទាប់ពីមានការជំទាស់ដោយសមាជិកព្រឹទ្ធសភាសហរដ្ឋអាមេរិកបែបនេះ ក្រសួងការបរទេសអាមេរិកបានប្រកាសផ្អាកគម្រោងលក់សព្វាវុធគ្រប់ប្រភេទចំនួន ២៦ ០០០ដើម ឲ្យទៅកម្លាំងប៉ូលិសជាតិហ្វីលីពីន ។

ពាក់ព័ន្ធនឹងការផ្អាកលក់សព្វាវុធរបស់សហរដ្ឋអាមេរិកទៅឲ្យហ្វីលីពីននេះ លោក Rodrigo Duterte ប្រធានាធិបតីហ្វីលីពីនធ្លាប់បានប្រកាសឲ្យដឹងថា លោកមិនខ្វល់នឹងការសម្រេចចិត្តរបស់អាមេរិកឡើយ ហើយបើអាមេរិកមិនលក់អាវុធឲ្យហ្វីលីពីន ក៏ហ្វីលីពីនអាចទិញអាវុធពីប្រទេសចិន និងរុស្ស៊ីបានគ្រប់ពេល ។

ទំនាក់ទំនងរវាងសហរដ្ឋអាមេរិក និងប្រទេសហ្វីលីពីនដែលជាសម្ព័ន្ធមិត្តនឹងគ្នារយៈពេលប្រមាណ៧០ឆ្នាំនោះ បានចាប់ផ្ដើមប្រេះស្រាំ បន្ទាប់ពីលោកប្រធានាធិបតីហ្វីលីពីន Rodrigo Duterte ប្រតិកម្មខ្លាំងៗទៅនឹងអាមេរិកដែលថ្កោលទោសចំពោះសង្គ្រាមប្រយុទ្ធប្រឆាំងគ្រឿងញៀនរបស់លោក ហើយលោកប្រធានាធិបតីហ្វីលីពីនរូបនេះបានងាកទៅចាប់ដៃជាមួយប្រទេសចិនវិញ ៕

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.