ថ្ងៃ សុក្រ ទី ២២ ខែ មករា ឆ្នាំ ២០២១

អ្នក​ធ្លាប់​ “​ស៊ីលុយ​”​ ឈ្មួញ​ឈើ​ជនជាតិ​យួន​ឈ្មោះ​ “​យាយ​ព្រឿ​ង​”​ ទំនងជា​មិន​ហ៊ាន​ “​អើតងើត​”​ ជួយ​ឈ្មួញ​ឈើ​រូប​នេះ​បាន​ទេ​

​កាលពី​ព្រលប់​ថ្ងៃ​ទី​១៦​ ខែតុលា​ ឆ្នាំ​២០១៦​ម្សិលមិញ​ ចៅក្រម​ស៊ើបសួរ​សាលាដំបូង​រាជធានី​ភ្នំពេញ​បាន​សម្រេច​ឃុំខ្លួន​ឈ្មួញ​ឈើ​ជនជាតិ​យួន​ដុះ​ស្លែ​ដ៏​ល្បី​ប្រចាំ​ខេត្តស្ទឹងត្រែង​ឈ្មោះ​ "​យាយ​ព្រឿ​ង​"​ និង​មានឈ្មោះ​ជា​ខ្មែរ​ថា​ "​ហេង​ សំនៀង​"​ ដាក់​ពន្ធនាគារ​ជា​បណ្តោះអាសន្ន​ហើយ​ បន្ទាប់​ពី​តំណាង​អយ្យការ​អម​សាលាដំបូង​រាជធានី​ភ្នំពេញ​ចោទប្រកាន់​បើក​ការ​ស៊ើបសួរ​ចំនួន​៣​បទល្មើស​ គឺ​ ៖​ ១-​បទ​ប្រមូល​អនុ​ផល​ព្រៃឈើ​ដោយ​គ្មាន​លិខិតអនុញ្ញាត​,​ ២-​បទ​ប៉ុនប៉ង​លួច​ និង​៣-​បទ​ប្រឆាំង​នឹង​អ្នករាជការ​សាធារណៈ​ដោយ​មាន​ស្ថាន​ទម្ងន់ទោស​ ប្រព្រឹត្ត​នៅ​ភូមិ​អូរ​ឫស្សី​កណ្តាល​ ឃុំ​អូរ​ឫស្សី​កណ្តាល​ ស្រុក​សៀម​បូក​ ខេត្តស្ទឹងត្រែង​ កាលពី​ថ្ងៃ​ទី​១២-១៣​ ខែតុលា​ ឆ្នាំ​២០១៦​រួច​មក​ ។​

​ប្រភព​ព័ត៌មាន​ពី​ខេត្តស្ទឹងត្រែង​ បាន​រាយការណ៍​ឲ្យ​ដឹង​ថា​ ការណ៍​ដែល​ឈ្មួញ​ឈើ​ជនជាតិ​យួន​ឈ្មោះ​ "​យាយ​ព្រឿ​ង​"​ អាច​រកស៊ី​ប្រមូល​ផល​ អនុ​ផល​ព្រៃឈើ​នៅ​ខេត្តស្ទឹងត្រែង​រយៈពេល​ដុះ​ស្លែ​ យក​ទៅ​លក់​នៅ​ស្រុ​កួយ​ន​បាន​យ៉ាង​រលូន​នោះ​ គឺ​ដោយសារ​មន្ត្រីរាជការ​ពាក់ព័ន្ធ​គ្រប់​ថ្នាក់​ គ្រប់​ផ្នែក​សឹង​៩០%​ សុទ្ធតែ​ទទួល​លុយកាក់​ ឬ​ពាក្យ​សាមញ្ញ​ហៅ​ថា​ "​ស៊ីលុយ​"​ របស់​ "​យាយ​ព្រឿ​ង​"​ អស់​ទៅ​ហើយ​ បូក​រួម​ទាំង​បណ្តាញសារព័ត៌មាន​ជា​ច្រើន​ប្រចាំ​នៅ​ខេត្តស្ទឹងត្រែង​ទៀត​ផង​ ។​

​មន្ត្រីរាជការ​បម្រើ​ការងារ​នៅ​ក្រសួងយុត្តិធម៌​ម្នាក់​ បាន​និយាយ​ក្នុង​លក្ខខណ្ឌ​មិន​បញ្ចេញ​ឈ្មោះ​ឲ្យ​ដឹង​ថា​ ដោយ​ឥទ្ធិពល​របស់​ "​យាយ​ព្រឿ​ង​"​ បាន​គ្របដណ្តប់​ទៅ​លើ​មន្ត្រីរាជការ​នៅ​ខេត្តស្ទឹងត្រែង​ក្នុង​ចំនួន​លើសលប់​ដូច្នេះ​ហើយៗ​ក៏​អាច​ធ្វើ​ឲ្យ​ស្ថាប័ន​តុលាការ​ខេត្តស្ទឹងត្រែង​ពិបាក​ "​ចាត់ការ​"​ តាម​នីតិវិធី​ច្បាប់​ ទើប​សំណុំរឿង​ក្តី​នេះ​ត្រូវ​បាន​រដ្ឋមន្ត្រី​ក្រសួងយុត្តិធម៌​សម្រេច​ឲ្យ​មានការ​ផ្ទេរ​សមត្ថកិច្ច​ពី​សាលាដំបូង​ខេត្តស្ទឹងត្រែង​មក​សាលាដំបូង​រាជធានី​ភ្នំពេញ​ចាត់ការ​ជំនួស​វិញ​ ។​

​មជ្ឈដ្ឋាន​អ្នក​ច្បាប់​ឯករាជ្យ​នៅ​កម្ពុជា​ បាន​លើក​ឡើង​ថា​ ដល់​ដំណាក់កាល​នេះ​ អ្នក​ដែល​ធ្លាប់​ "​ស៊ីលុយ​"​ ឈ្មួញ​ឈើ​ដុះ​ស្លែ​ជនជាតិ​យួន​ប្រចាំ​ខេត្តស្ទឹងត្រែង​ឈ្មោះ​ "​យាយ​ព្រឿ​ង​"​ ទំនងជា​គ្មាន​នរណា​ម្នាក់​ថ្លើមធំ​ពាសមេឃ​ហ៊ាន​ "​អើតងើត​"​ មក​ជួយ​ "​យាយ​ព្រឿ​ង​"​ បាន​ដូច​នៅ​ក្នុងភូមិ​សាស្ត្រ​ទឹកដី​ខេត្តស្ទឹងត្រែង​ឡើយ​ ។​

​គួរ​រំលឹក​ជូន​ថា​ កាលពី​ថ្ងៃ​ទី​១២​ ខែតុលា​ ឆ្នាំ​២០១៦​ កម្លាំង​ក្រុមការងារ​ស្រាវជ្រាវ​ព័ត៌មាន​ និង​បង្ក្រាប​បទល្មើស​ព្រៃឈើ​របស់​កងរាជអាវុធហត្ថ​លើ​ផ្ទៃ​ប្រទេស​ សហការ​ជាមួយ​ស្ថាប័ន​តុលាការ​ខេត្តស្ទឹងត្រែង​ បាន​ចុះ​ស្រាវជ្រាវ​រក​ឃើញ​គំនរ​ឈើ​ប្រណីត​ចំនួន​០៦​រថយន្ត​សាំ​យ៉ុ​ង​ និង​០៦​រថយន្ត​បែន​ ដែល​គេ​លួចលាក់​ទុក​នៅ​ក្នុង​ចម្ការ​មួយ​កន្លែង​ ឋិត​នៅ​ភូមិ​អូរឫស្សីកណ្តាល​ ឃុំ​អូរឫស្សីកណ្តាល ស្រុក​សៀម​បូក​ ខេត្តស្ទឹងត្រែង​ ហើយ​ឈើ​ដ៏​ច្រើន​នោះ​ត្រូវ​បាន​សមត្ថកិច្ច​ប្រមូល​ដឹក​យក​មក​រក្សា​ទុកជា​វត្ថុ​តាង​បទល្មើស​នៅ​សង្កាត់​រដ្ឋបាល​ព្រៃឈើ​អូរ​ពងមាន់​ ខេត្តស្ទឹងត្រែង​ ។​ ស្រាប់តែ​នៅ​វេលា​ព្រឹក​ព្រលឹម​ថ្ងៃ​ទី​១៣​ ខែតុលា​ ឆ្នាំ​២០១៦​​ បែរជា​លេច​ចេញ​វត្តមាន​ឈ្មួញ​ឈើ​ឈ្មោះ​ "​យាយ​ព្រឿ​ង​"​ រួម​ជាមួយ​កម្លាំង​កម្មករ​៧​នាក់​ និង​រថយន្ត​២​គ្រឿង​ ធ្វើ​សកម្មភាព​រំដោះ​យក​ឈើ​ជា​វត្ថុ​តាង​ និង​ឡោម​ព័ទ្ធ​កងកម្លាំង​យាមកាម​ឈើ​ទៀត​ផង​ ទើបត្រូវ​កម្លាំង​សមត្ថកិច្ច​ចាប់​ឃាត់ខ្លួន​ឈ្មួញ​ឈើ​ដុះ​ស្លែ​ និង​ថ្លើមធំ​នេះ​ក្នុង​បទ​ល្មី​ស​ជាក់ស្តែង​តែ​ម្តង​ ៕​

 

Filed in: Feature, តុលាការ, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.