ថ្ងៃ សៅរ៏ ទី ១៨ ខែ កញ្ញា ឆ្នាំ ២០២១

ព្រះ​បរម​រតន​កោដ្ឋ​ ៖​ យួន​ដែល​ចូល​មក​រាជាណាចក្រ​កម្ពុ​ជាទី​២​ ទទួល​ជា​ស្វ័យប្រវត្តិ​សញ្ជាតិ​ខ្មែរ​ ព្រមទាំង​មាន​សិទ្ធិ​បោះ​ឆ្នោត​

​ថ្ងៃនេះ​ គឺ​គម្រប់​ខួប​៤​ឆ្នាំ​នៃ​ការ​យាង​ចូល​ទិវង្គត​របស់​ព្រះករុណា​ព្រះបាទ​សម្តេចព្រះ​ នរោត្តម​ សីហ​នុ​ ព្រះ​មហា​វីរក្សត្រ​ ព្រះ​វររាជ​បិតា​ ឯករាជ្យ​ បូរណភាព​ទឹកដី​ និង​ឯកភាព​ជាតិខ្មែរ​ ។​

​ក្រោយ​ការ​យាង​ចូល​ទិវង្គត​របស់​ព្រះករុណា​ព្រះបាទ​សម្តេចព្រះ​ នរោត្តម​ សីហ​នុ​ ព្រះ​មហា​វីរក្សត្រ​ ព្រះ​វររាជ​បិតា​ ឯករាជ្យ​ បូរណភាព​ទឹកដី​ និង​ឯកភាព​ជាតិខ្មែរ​ ព្រះ​បរមសព​ព្រះ​អង្គ​ ត្រូវ​បាន​ព្រះករុណា​ព្រះបាទ​សម្តេចព្រះ​បរមនាថ​ នរោត្តម​ សីហ​មុនី​ ព្រះមហាក្សត្រ​នៃ​ព្រះរាជាណាចក្រ​កម្ពុជា​ ប្រោស​ព្រះ​រាជទាន​ព្រះ​បរម​ប​ច្ឆា​មរណនាម​ថ្វាយ​ជា​ ព្រះ​បរម​រតន​កោដ្ឋ​ ដោយ​ព្រះរាជក្រឹត្យ​លេខ​ន​ស​/​រក​ត​/១១១២/៩៨៣​ ចុះ​ថ្ងៃ​ទី​១០​ ខែវិច្ឆិកា​ ឆ្នាំ​២០១២​ ។​

​កាល​ព្រះករុណា​ព្រះបាទ​សម្តេចព្រះ​ នរោត្តម​ សីហ​នុ​ អតីត​ព្រះមហាក្សត្រ​នៃ​ព្រះរាជាណាចក្រ​កម្ពុជា​នៅ​មាន​ព្រះ​ជន្ម​នៅឡើយ​ ទ្រង់​ធ្លាប់​បាន​ចេញ​ព្រះរាជ​សារ​មួយ​ចុះ​ថ្ងៃ​ទី​១៧​ ខែកក្កដា​ ឆ្នាំ​២០០៣​ ឆ្លើយ​តប​ទៅ​នឹង​ប្រសាសន៍​របស់​ឯកឧត្តម​រដ្ឋបុរស​ម្នាក់​តាម​ទូរទស្សន៍​ជាតិ​កម្ពុជា​ នា​រាត្រី​ថ្ងៃ​ទី​១៦​ ខែកក្កដា​ ឆ្នាំ​២០០៣​ វេលា​ម៉ោង​១៩​និង​៣០​នាទី​ ដែល​ថា​ "​បច្ចុប្បន្នកាល​នេះ​ ជនអន្តោប្រវេសន៍​វៀតណាម​នៅ​កម្ពុជា​មាន​ចំនួន​តិច​ជាង​ចំនួន​ដែល​មាននៅ​ក្នុង​សម័យ​សង្គមរាស្ត្រនិយម​"​ ។​

​ព្រះរាជ​សារ​របស់​ព្រះករុណា​ព្រះបាទ​សម្តេចព្រះ​ នរោត្តម​ សីហ​នុ​ ទ្រង់​បាន​ព្រះ​តម្រិះ​ថា​ ៖​ តាម​មតិ​ដ៏​ស្តួចស្តើង​នៃ​ខ្ញុំ​ ចំនួន​ជនអន្តោប្រវេសន៍​វៀតណាម​ មាន​តិច​នា​សម័យ​រាជាណាចក្រ​កម្ពុ​ជាទី​២​យ៉ាងនេះ​ គឺ​ ៖

១-​មក​ពី​អ្នកមាន​អំណាច​គ្មាន​ចំណង់​ធ្វើ​ស្ថិតិ​ជំរឿន​ចំនួន​ជនអន្តោប្រវេសន៍​វៀតណាម​ ។​

២-​ជនជាតិ​វៀតណាម​ដែល​ចូល​មក​រាជាណាចក្រ​កម្ពុ​ជាទី​២​ ទទួល​ជា​ស្វ័យប្រវត្តិ​សញ្ជាតិ​ខ្មែរ​ ព្រមទាំង​មាន​សិទ្ធិ​បោះ​ឆ្នោត​ថែម​ទៀត​ផង​ ។​ …៕​

 

 

 

Filed in: Feature, ទស្សនៈនយោបាយ, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.