ថ្ងៃ អង្គារ ទី ១៩ ខែ តុលា ឆ្នាំ ២០២១

កូរ៉េខាងជើងអាចបំផ្ទុះសាកល្បងគ្រាប់បែកនុយក្លេអ៊ែរលើកទី៦ នៅខែតុលានេះ

យោងតាមទិន្នន័យទទួលបានពីផ្កាយរណបដែលតាមដាន និងវិភាគដោយក្រុមអ្នកឃ្លាំមើលមួយឈ្មោះ The 38 North នៃមហាវិទ្យាល័យ Johns Hupkins សហរដ្ឋអាមេរិក ផ្សព្វផ្សាយដោយគេហទំព័រ 38 North នាថ្ងៃទី០៨ ខែតុលា ឆ្នាំ២០១៦ម្សិលមិញនេះបានបង្ហាញថា ប្រទេសកូរ៉េខាងជើងអាចនឹងធ្វើការបំផ្ទុះសាកល្បងគ្រាប់បែកនុយក្លេអ៊ែររបស់ខ្លួនសាជាថ្មីទៀត គឺជាលើកទី៦ ។

ទិន្នន័យពីផ្កាយរណបបានបង្ហាញថា មានរថយន្ដដឹកទំនិញរួមទាំងចរាចរណ៍របស់មនុស្សច្រើននាក់ធ្វើសកម្មភាពនៅផ្លូវចូលទៅរូងក្រោមដីនៅតំបន់ Puggye-ri ដែលជាទីតាំងបំផ្ទុះសាកល្បងគ្រាប់បែកនុយក្លេអ៊ែរលើកទី៥របស់កូរ៉េខាងជើងកាលពីថ្ងៃទី០៩ ខែកញ្ញា ឆ្នាំ២០១៦កន្លងមក ។

ដោយនៅថ្ងៃទី១៣ ខែតុលា ឆ្នាំ២០១៦ខាងមុខនេះ គឺជាខួបអនុស្សាវរីយ៍លើកទី៧១ឆ្នាំ នៃការបង្កើតគណបក្សកុម្មុយនិស្ដកូរ៉េដែលមានលោក Kim Yong-bom ជាប្រធានដំបូងបង្អស់ផង (បច្ចុប្បន្នក្លាយជាគណបក្សពលករកូរ៉េ បង្កើតឡើងនាថ្ងៃទី៣០ ខែមិថុនា ឆ្នាំ១៩៤៩ និងមានលោក Kim Yong-un ប្រធានាធិបតីកូរ៉េខាងជើង ជាប្រធាន) និងយោងតាមសកម្មភាពដែលទទួលបានតាមទិន្នន័យរបស់ផ្កាយរណបផងនោះ គឺធ្វើឲ្យមជ្ឈដ្ឋានអ្នកតាមដាន និងវិភាគព័ត៌មានអន្តរជាតិ ជាពិសេសព័ត៌មានអំពីប្រទេសកូរ៉េខាងជើងសន្និដ្ឋានថា កូរ៉េខាងជើងអាចនឹងបំផ្ទុះសាកល្បងគ្រាប់បែកនុយក្លេអ៊ែរលើកទី៦របស់ខ្លួននៅថ្ងៃទី១៣ ខែតុលា ឆ្នាំ២០១៦ខាងមុខនេះ ។

ចាប់តាំងពីខែតុលា ឆ្នាំ២០០៦មក ប្រទេសកូរ៉េខាងជើងបានបំផ្ទុះសាកល្បងគ្រាប់បែកនុយក្លេអ៊ែររបស់ខ្លួនចំនួន៥លើករួចមកហើយ ៕

 

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.