ថ្ងៃ សុក្រ ទី ០៣ ខែ ធ្នូ ឆ្នាំ ២០២១

ព្រឹទ្ធបុរសមហាវិទ្យាល័យវិទ្យាសាស្ត្រកសិកម្ម ទទួលបានការតែងតាំងជាទីប្រឹក្សាសម្តេចក្រឡាហោម ស ខេង ដោយអត់ឋានៈ និងអត់ប្រាក់ខែ

​ព្រឹទ្ធបុរស​មហាវិទ្យាល័យ​វិទ្យាសាស្ត្រ​កសិកម្ម​នៃ​សាកលវិទ្យាល័យ​ភូមិន្ទ​កសិកម្ម​ គឺ​លោក​សាស្ត្រាចារ្យ​បណ្ឌិត​ ជាង​ ហុង​ ទទួល​បានការ​តែងតាំង​ជាទី​ប្រឹក្សា​សម្តេច​ក្រឡាហោម​ ស​ ខេ​ង​ ឧបនាយករដ្ឋមន្ត្រី​ រដ្ឋមន្ត្រី​ក្រសួងមហាផ្ទៃ​ បន្ថែម​លើ​មុខងារ​បច្ចុប្បន្ន​ (​មិន​ទទួល​ប្រាក់បៀវត្សរ៍​)​ ដោយ​អនុក្រឹត្យ​របស់​រាជរដ្ឋាភិបាល​កម្ពុជា​លេខ​៨៧៦​អន​ក្រ​.​ត​ត​ ចុះ​ថ្ងៃ​ទី​១៥​ ខែសីហា​ ឆ្នាំ​២០១៦​ ។​

​លោក​ ជាង​ ហុង​ ទទួល​បាន​សញ្ញាបត្រ​ថ្នាក់បណ្ឌិត​ផ្នែក​វិទ្យាសាស្ត្រ​ដំណាំ​កសិកម្ម​នៅ​ឆ្នាំ​២០០៤​ ពី​សាកលវិទ្យាល័យ​កសិកម្ម​ហាណូយ​ ប្រទេស​វៀតណាម​ (Hanoi​ University​ of​ Agriculture)​ ។​ លោក​បណ្ឌិត​ ជាង​ ហុង​ ក៏​ជា​សមាជិក​ក្រុមប្រឹក្សា​វិទ្យាសាស្ត្រ​សម្ព័ន្ធ​ក្រុមហ៊ុន​ ជី​ អន្តរជាតិ​ផ្កាយ​៥​ កម្ពុជា​ ដែល​វិនិយោគ​ដោយ​អ្នកជំនួញ​វៀតណាម​ផង​ដែរ​ ។​

​ប្រការ​គួរ​ឲ្យ​ចាប់អារម្មណ៍​ពាក់ព័ន្ធ​ទៅ​នឹង​ការ​តែងតាំង​លោក​សាស្ត្រាចារ្យ​បណ្ឌិត​ ជាង​ ហុង​ ជាទី​ប្រឹក្សា​សម្តេច​ក្រឡាហោម​ ស​ ខេ​ង​ ឧបនាយករដ្ឋមន្ត្រី​ រដ្ឋមន្ត្រី​ក្រសួងមហាផ្ទៃ​នោះ​ គឺ​នៅ​ត្រង់​ថា​ ៖​ ១-​មិន​បញ្ជាក់​អំពី​ឋានៈ​ក្នុង​នាម​ជាទី​ប្រឹក្សា​ និង​ ២-​មិន​ទទួលយក​ប្រាក់បៀវត្សរ៍​ ដែល​ប្លែក​អំពី​ការ​តែងតាំង​មនុស្ស​ជា​ច្រើន​ទៀត​ ដោយ​បញ្ជាក់​នូវ​ឋានៈ​ស្មើ​ប្រធាន​នាយកដ្ឋាន​,​ អគ្គនាយករង​,​ អគ្គនាយក​,​ អនុរដ្ឋលេខាធិការ​ ឬ​រដ្ឋលេខាធិការ​..​។​

​អនុលោម​តាម​ការ​តែងតាំង​ខាងលើ​នេះ​ គឺ​ត្រូវ​បាន​គេ​បែងចែក​នូវ​ប្រភេទ​ទីប្រឹក្សា​ ដូច​ខាងក្រោម​ ៖

១-​ទីប្រឹក្សា​ផ្ទាល់​
២-​ទីប្រឹក្សា​ "​មិន​ផ្ទាល់​ ឬ​ ធម្មតា​"
៣-​ទីប្រឹក្សា​ទទួល​បាន​ប្រាក់បៀវត្សរ៍​
៤-​ទីប្រឹក្សា​មិន​ទទួល​ប្រាក់បៀវត្សរ៍​
៥-​ទីប្រឹក្សា​មាន​ឋានៈ​
៦-​ទីប្រឹក្សា​គ្មាន​ឋានៈ​ ៕​

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.