លោក Mario Vesconi ប្រធានសមាគមតារាសាស្ត្រ នៃខេត្ត Chaco បានថ្លែងប្រាប់ទីភ្នាក់ងារសារព័ត៌មាន Xinhua របស់ចិន ឲ្យដឹងថា អាចម៍ផ្កាយដែលរុករកឃើញនេះ ទំនងជាបានធ្លាក់មកដល់ភពផែនដីនៅតំបន់ក្នុងទីក្រុង Gancedo កាលពី៤ ០០០ឆ្នាំមុន ។
នេះគឺជាដុំអាចម៍ផ្កាយមានទំហំធំទីពីរដែលក្រុមអ្នកវិទ្យាសាស្ត្របានរុករកប្រទះឃើញ បន្ទាប់ពីអាចម៍ផ្កាយឈ្មោះ Hoba កម្ពស់១ម៉ែត្រ ទម្ងន់៦៦តោន បានរកឃើញនៅប្រទេសណាមីប៊ី(Namabia) ក្នុងទ្វីបអាហ្វ្រិកខាងត្បូងកាលពីអំឡុងឆ្នាំ១៩២០ ៕
