ថ្ងៃ ព្រហស្បតិ៍ ទី ២៨ ខែ តុលា ឆ្នាំ ២០២១

ទូរស័ព្ទ Smart Phone ប្រភេទ Samsung Galaxy Note 7 ត្រូវបានហាមប្រាមការប្រើប្រាស់ និងសាកថ្ម នៅពេលជិះយន្ដហោះ

សារព័ត៌មាន The Guardian បានផ្សព្វផ្សាយ ឲ្យដឹងថា អាជ្ញាធរសហព័ន្ធអាកាសចរណ៍សុីវិល សហរដ្ឋអាមេរិក «FAA»បានដាក់ បម្រាមដល់ អ្នកធ្វើដំណើរតាមជើងហោះហើរទាំងអស់ ក្នុងការប្រើ ឬសាកថ្មទូរស័ព្ទ Smart Phone ប្រភេទ Samsung Galaxy Note 7 នៅពេលជិះយន្ដហោះ ។ លើសពីនេះ FAA បានណែនាំឲ្យអ្នកដំណើរគួររក្សាទុកទូរស័ព្ទប្រភេទ Samsung Galaxy Note 7 នៅក្នុងវ៉ាលិស ប្រសើរជាងយកមកប្រើប្រាស់ ឬសាកថ្មពេលធ្វើដំណើរតាមយន្ដហោះ ។

សមាគមដឹកជញ្ជូនជើងអាកាសអន្តរជាតិ «IATA» ក៏បានលើកឡើងអំពីហានិភ័យក្នុងការប្រើប្រាស់ ឬសាកថ្មទូរស័ព្ទនៅ ពេលជិះយន្ដហោះផងដែរ ។

រយៈពេលប្រមាណមួយសប្ដាហ៍ចុងក្រោយនេះ ក្រុមហ៊ុនផលិតទូរស័ព្ទ Samsung របស់ប្រទេសកូរ៉េខាងត្បូងបានប្រកាសប្រមូលត្រឡប់មកចូលរោងចក្រវិញនូវទូរស័ព្ទ Smart Phone ប្រភេទ Samsung Galaxy Note 7 នៅជុំវិញពិភពលោក បន្ទាប់ពីមានបញ្ហាសុវត្ថិភាពលើប្រព័ន្ធថ្មទូរស័ព្ទ ដែលបង្កហានិភ័យអាចផ្ទុះឡើងនៅក្នុងអំឡុង ឬក្រោយពេលសាកថ្ម ។

ក្រៅពី FAA គឺអាជ្ញាធរអាកាសចរណ៍សុីវិលប្រទេសឥណ្ឌា ប្រទេសកាណាដា និងក្រុមហ៊ុនអាកាសចរណ៍ Qantas ព្រមទាំង Virgin របស់អូស្ដ្រាលី ក៏បានដាក់ចេញនូវបម្រាមរួចហើយដល់អ្នកដំណើរលើយន្ដហោះក្នុងការប្រើ ឬសាកថ្មទូរស័ព្ទ Samsung Galaxy Note 7 នៅពេលធ្វើដំណើរតាមជើងហោះហើរ ៕
 

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.