ថ្ងៃ ព្រហស្បតិ៍ ទី ២៧ ខែ កម្ភៈ ឆ្នាំ ២០២០

រាជរដ្ឋាភិបាលប្រើប្រាស់ឧទ្ធម្ភាគចក្រ និងអូប័រចល័តគំរាមមេដឹកនាំគណបក្សប្រឆាង ក្នុងករណីរឿងក្តីនៅតុលាការ​

​ទោះបី​មិន​ទាន់​មាន​ដីកា​បង្គាប់​ឲ្យ​ចាប់ខ្លួន​ពី​ស្ថាប័ន​តុលាការ​ទៅ​លើ​ឯកឧត្តម​ កឹ​ម​ សុខា​ ប្រធាន​ស្តីទី​គណបក្ស​សង្គ្រោះ​ជាតិ​ និង​ជា​អ្នកតំណាង​រាស្ត្រ​មណ្ឌល​ខេត្តកំពង់ចាម​ ដែល​កំពុង​បម្រើ​ការងារ​ និង​ "​ស្នាក់​នៅ​"​ ក្នុង​ទីស្នាក់ការ​គណបក្ស​សង្គ្រោះ​ជាតិ​អស់​រយៈពេល​ជា​ច្រើន​ខែ​ ឋិត​នៅ​ផ្លូវជាតិ​លេខ​២​ សង្កាត់​ចាក់​អង្រែ​លើ​ ខណ្ឌមានជ័យ​ រាជធានី​ភ្នំពេញ​ ព្រោះតែ​ជាប់​ឈ្មោះ​ជា​ "​ជនជាប់ចោទ​"​ ពាក់ព័ន្ធ​នឹង​សំណុំរឿង​ព្រហ្មទណ្ឌ​ចោទប្រកាន់​ពី​បទ​ "​បដិសេធ​ក្នុង​ការ​ចូលខ្លួន​"​ ក៏​ដោយ​ ស្រាប់តែ​នៅ​ថ្ងៃ​ទី​៣១​ ខែសីហា​ ឆ្នាំ​២០១៦​នេះ​ រាជរដ្ឋាភិបាល​កម្ពុជា​ដែល​មាន​សម្តេច​អគ្គមហាសេនាបតី​តេ​ជោ​ ហ៊ុន​ សែន​ ហៅ​បុរស​ខ្លាំង​ជា​ប្រមុខ​ បាន​ប្រើប្រាស់​ឧទ្ធម្ភាគចក្រ​ និង​អូ​ប័​រ​ចល័ត​គំរាម​ទៅ​លើ​មេដឹកនាំ​គណបក្ស​សង្គ្រោះ​ជាតិ​ទៅ​វិញ​ ក្រោម​រូបភាព​ "​រក្សា​សន្តិសុខ​សណ្តាប់ធ្នាប់​"​ ឬ​ ចង់​សំដៅ​ថា​ "​ចូលរួម​អនុវត្ត​ដីកា​ ឬ​សាលក្រម​ ឬ​សាលដីកា​តុលាការ​"​ ខណៈ​ឯកឧត្តម​ នាយ​ឧត្តមសេនីយ៍​ផ្កាយ​មាស​៤​ គន់​ គី​ម​ សមាជិក​គណៈ​អចិន្ត្រៃយ៍​នៃ​គណៈកម្មាធិការ​កណ្តាល​គណបក្ស​ប្រជាជន​កម្ពុជា​ និង​ជា​អគ្គមេបញ្ជាការ​រង​នៃ​កង​យោធពលខេមរភូមិន្ទ​ បាន​ចេញ​មុខ​ប្រកាស​ឲ្យ​ដឹង​ថា​ កងកម្លាំងប្រដាប់អាវុធ​ "​សំដៅលើ​ទាហាន​"​ នឹង​ចាត់វិធានការ​ធានា​ការ​ចាប់ខ្លួន​មេដឹកនាំ​គណបក្ស​សង្គ្រោះ​ជាតិ​ចំនួន​២​នាក់​ (​ទាំង​លោក​ សម​ រ​ង្ស៊ី​ ជា​ប្រធាន​គណបក្ស​ ទាំង​ឯកឧត្តម​ កឹ​ម​ សុខា​ ជា​ប្រធាន​ស្តីទី​គណបក្ស​)​ បើ​មាន​សំណូមពរ​ពី​តុលាការ​ (Sic!)​ ។​

​ទិដ្ឋភាព​គំរាមកំហែង​ទៅ​លើ​មេដឹកនាំ​គណបក្ស​សង្គ្រោះ​ជាតិ​ ដោយ​ប្រើប្រាស់​ឧទ្ធម្ភាគចក្រ​ចល័ត​ (​ផ្លូវអាកាស​)​ និង​អូ​ប័​រ​ចល័ត​(​ផ្លូវទឹក​)​ ពីលើ​មេឃ​ និង​លើ​ផ្ទៃ​ទឹក​ទន្លេបាសាក់​ ឆ្វែល​ទីស្នាក់ការ​គណបក្ស​សង្គ្រោះ​ជាតិ​ (​ខ្វះ​តែ​ការ​ចល័ត​រថពាសដែក​ជា​ផ្លូវគោក​ប៉ុណ្ណោះ​)​យ៉ាង​ហ៊ឹកហ៊ាក់​ ពាក់ព័ន្ធ​នឹង​ការ​អនុវត្ត​សេចក្តីសម្រេច​របស់​តុលាការ​បែប​នេះ​ គឺជា​ករណី​កម្រ​មួយ​ផង​ និង​ក៏​ជា​រឿង​គួរ​ឲ្យ​អស់សំណើច​ផង​ ខណៈ​បទល្មើស​ធំៗ​បង្ក​វិនាសកម្ម​ដល់​ជាតិ​ជា​ច្រើន​ករណី​ផ្សេង​ទៀត​ មិន​ត្រូវ​បាន​រាជរដ្ឋាភិបាល​កម្ពុជា​ចាត់ការ​យ៉ាង​ហំ​ហាន​ដូច្នេះ​ឡើយ​ ។​

​មជ្ឈដ្ឋាន​អ្នក​ច្បាប់​ឯករាជ្យ​ និង​អ្នក​ឃ្លាំមើល​ស្ថានការណ៍​នយោបាយ​នៅ​កម្ពុជា​ បាន​បញ្ចេញ​ទស្សនៈ​ថា​ អំពើ​របស់​គណបក្ស​ប្រជាជន​កម្ពុជា​ពី​មួយ​ជំហាន​ទៅ​មួយ​ជំហាន​ គំរាមកំហែង​ទៅ​លើ​មេដឹកនាំ​គណបក្ស​សង្គ្រោះ​ជាតិ​ដែល​ជា​គណបក្ស​នយោបាយ​ប្រឆាំង​ មាន​អាសនៈ​នៅ​ក្នុង​រដ្ឋសភា​នីតិកាល​ទី​៥​ទាំង​បំពាន​ច្បាប់​ម្តង​ហើយ​ម្តងទៀត​យ៉ាង​សកម្ម​ដូច្នេះ​ គឺ​បាន​ញ៉ាំង​ឲ្យ​កិត្យានុភាព​របស់​គណបក្ស​សង្គ្រោះ​ជាតិ​កាន់តែ​ល្បី​ រីឯ​មុខមាត់​របស់​គណបក្ស​ប្រជាជន​កម្ពុជា​ជា​គណបក្ស​នយោបាយ​កាន់កាប់​អំណាច​ដុះ​ស្លែ​ និង​មានទ្រព្យ​សម្បត្តិ​មហាសាល​នៅ​កម្ពុជា​ កាន់តែ​អាប់ឱន​ ដ្បិត​ថ្នាក់ដឹកនាំ​គណបក្ស​ប្រជាជន​កម្ពុជា​បាន​និង​កំពុង​ប្រើ​គ្រប់​មធ្យោបាយ​បណ្តេញ​លោក​ សម​ រ​ង្ស៊ី​ និង​ឯកឧត្តម​ កឹ​ម​ សុខា​ ជា​មេដឹកនាំ​គណបក្ស​សង្គ្រោះ​ជាតិ​ ចេញពី​សង្វៀន​ប្រកួត​នយោបាយ​ជាមួយ​ខ្លួន​ ដែល​ជា​ការ​កើត​ចេញពី​អារម្មណ៍​ភ័យ​ខ្លាច​ ៕​

 

 

 

 

Filed in: Feature, ទស្សនៈនយោបាយ, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.