ថ្ងៃ ពុធ ទី ២៥ ខែ ឧសភា ឆ្នាំ ២០២២

បុរស​ខ្លាំង​ «​ឆេះដុំ​»​ និង​ «​ព្រមាន​ធ្ងន់ៗ​»​ ទៅ​លើ​អ្នកលេង​ Facebook​ ម្នាក់​ដែល​និយាយថា​ «​លោក​ ហ៊ុន​ សែន​ ក្បត់​វៀតណាម​»

​បន្ទាប់​ពី​ Post​ នូវ​ Video​ នៃ​សកម្មភាព​ប្រគល់​ពានរង្វាន់​ជ័យ​លា​ភី​ក្នុង​កម្មវិធី​ «​ខ្ញុំ​ជា​យុវជន​គំរូ​កម្ពុជា​»​ នៅ​ក្នុង​ Page​ Facebook​ នា​ថ្ងៃ​ទី​៣១​ ខែកក្កដា​ ឆ្នាំ​២០១៦​ម្សិលមិញ​រួច​មក​ មាន​អ្នកលេង​ Facebook​ ម្នាក់​ទំនងជា​ជនជាតិ​យួន​ផង​ដែល​ប្រើប្រាស់​ Account​ Facebook​ ឈ្មោះ​ «Phạm Đức Hiển»​ បាន​ចូល​ Comment​ ជា​អក្សរ​ខ្មែរ​ក្នុង​Page​ របស់​សម្ដេច​អគ្គមហាសេនាបតី​តេ​ជោ​ ហ៊ុន​ សែន​ ហៅ​បុរស​ខ្លាំង​ នាយក​រដ្ឋមន្ដ្រី​នៃ​ព្រះរាជាណាចក្រ​កម្ពុជា​ មាន​ខ្លឹមសារ​ថា​ «​លោក​ ហ៊ុន​ សែន​ ក្បត់​វៀតណាម​»​ បាន​ធ្វើ​ឲ្យ​បុរស​ខ្លាំង​ «​ឆេះដុំ​»​ និង​ «​ព្រមាន​ធ្ងន់ៗ​»​ តប​វិញ​នៅ​ក្នុង​ពេល​រាត្រី​នា​ថ្ងៃ​ដដែល​ ។​

​បុរស​ខ្លាំង​បាន​សរសេរ​តប​ទៅ​នឹង​ Comment​ របស់​អ្នកលេង​ Facebook​ ដែល​ទំនងជា​ជនជាតិ​យួន​ចេះ​ខ្មែរ​នោះ​វិញ​ថា​ «​ហេតុ​អ្វី​បានជា​លោក​និយាយ​ថា​ខ្ញុំ​ក្បត់​វៀតណាម​ ?​តើ​វៀតណាម​ជា​ឪពុក​ខ្ញុំ​ ឬ​ជា​មហាក្សត្រ​ខ្ញុំ​ឬ​ ?​លោក​ត្រូវ​ដឹង​ថា​ អ្នក​ដែល​ខ្ញុំ​ត្រូវ​ស្មោះត្រង់​ គឺ​ជាតិខ្មែរ​របស់ខ្ញុំ​ ព្រះមហាក្សត្រ​កម្ពុជា​ជាទី​សក្ការៈ​របស់ខ្ញុំ​ និង​ភរិយា​ជាទី​ស្រ​ឡា​ញ៉​របស់ខ្ញុំ​ ។​វៀតណាម​មិនមែន​ជា​ចៅហ្វាយ​របស់ខ្ញុំ​ដែល​ត្រូវ​ស្មោះ​ត្រង់នោះ​ទេ​ ។​បើ​លោក​ជា​ជនជាតិ​វៀតណាម​រស់នៅ​កម្ពុជា​ស្របច្បាប់​ត្រូវ​គោរព​ច្បាប់​កម្ពុជា​ បើ​រស់នៅ​មិន​ស្របច្បាប់​ត្រូវ​ចាក​ចេញពី​កម្ពុជា​ និង​បើ​រស់នៅ​វៀតណាម​សុំ​ស្រឡាញ់​មេដឹកនាំ​វៀតណាម​ទៅ​ ។​ ខ្ញុំ​ជា​មេដឹកនាំ​កម្ពុជា​ដែល​មាន​ឯករាជ្យ​ អធិបតេយ្យភាព​ដែល​ត្រូវ​ទំនាក់ទំនង​ជាមួយ​មេដឹកនាំ​វៀតណាម​ដោយ​ស្មើភាព​ និង​ស្មើ​សិទ្ធិ​ ។​ សុំ​លោក​បញ្ជូន​សារ​នេះ​ជូន​មេដឹកនាំ​វៀតណាម​ផង​ បើ​លោក​ជា​ជនជាតិ​វៀតណាម​ត្រឹមត្រូវ​មែន​ ព្រោះ​ខ្ញុំ​ស្គាល់​ច្បាស់​ចរិត​មេដឹកនាំ​វៀតណាម​តែង​គោរព​នូវ​ឯករាជ្យ​ អធិបតេយ្យភាព​របស់​កម្ពុជា​ ខុស​ពី​អា​មុ​ី​អា​ថោ​ង​ដូច​លោក​នេះឯង​ ។​»៕​

 

 

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.