ថ្ងៃ ព្រហស្បតិ៍ ទី ១៧ ខែ តុលា ឆ្នាំ ២០១៩

ឧត្តមសេនីយ៍ជាន់ខ្ពស់ចិនម្នាក់ ត្រូវបានកាត់ទោសដាក់គុកមួយជីវិត ពីបទពុករលួយជាង១២លានដុល្លារ

សារព័ត៌មាន South China Morning Post បានផ្សាយឲ្យដឹងថា ឧត្តមសេនីយ៍អតីតមេបញ្ជាការយោធាជាន់ខ្ពស់ចិនម្នាក់ គឺលោក Guo Boxiong ត្រូវបានតុលាការយោធាកាត់ទោសឲ្យជាប់ពន្ធនាគារអស់មួយជីវិត ពីបទប្រព្រឹត្តអំពើពុករលួយលើទំហំទឹកប្រាក់ជាង១២,៣លានដុល្លារអាមេរិក និងក៏ត្រូវបានបង្គាប់ឲ្យមានការរឹបអូសទ្រព្យសម្បត្តិដែលបានមកពីផលអំពើពុករលួយថែមទៀតផង ។

លោក Guo Boxiong អាយុ៧៤ឆ្នាំ ធ្លាប់ជាឧត្តមសេនីយ៍កាន់កាប់អំណាចយោធាដ៏មានឥទ្ធិពលចាប់ពីឆ្នាំ២០០២ នាសម័យលោកប្រធានាធិបតី Hu Jintao តែត្រូវដកហូតអំណាចវិញឲ្យចូលនិវត្តន៍នៅឆ្នាំ២០១២ និងត្រូវបណ្ដេញចេញពីសមាជិកបក្សកុម្មុយនីស្ដចិននាឆ្នាំ២០១៥ បន្ទាប់ពីបើកការសើុបអង្កេតពាក់ព័ន្ធនឹងករណីពុករលួយ ។

ចាប់តាំងពីលោក Xi Jinping អាយុ៦៣ឆ្នាំ ឡើងកាន់តំណែងជាប្រធានាធិបតីចិននាឆ្នាំ២០១២មកទល់បច្ចុប្បន្ន លោកប្រធានាធិបតីរូបនេះបានបើកយុទ្ធនាការបោសសម្អាតអំពើពុករលួយនៅក្នុងជួររដ្ឋការចិនយ៉ាងក្ដៅគគុក ៕

13823673_634158646746642_555854824_n

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.