ថ្ងៃ សៅរ៏ ទី ១៨ ខែ កញ្ញា ឆ្នាំ ២០២១

យន្តហោះ​ដឹក​អ្នកដំណើរ​អា​រ៉ាប់​រួម​១​គ្រឿង​ ធ្លាក់​នៅ​ប្រទេស​រុ​ស្ស៊ី​ សម្លាប់​មនុស្ស​ជាង​៦០​នាក់​

​បណ្តាញសារព័ត៌មាន​បរទេស​បាន​ផ្សាយ​នៅ​ថ្ងៃ​ទី​១៩​ ខែមីនា​ ឆ្នាំ​២០១៦​នេះ​ឲ្យ​ដឹង​ថា​ យន្តហោះ​ដឹក​អ្នកដំណើរ​ធុន​ Boeing​ 737​ នៃ​ក្រុមហ៊ុន​ FlyDubai​ របស់​ប្រទេស​អា​រ៉ាប់​រួម​១​គ្រឿង​ បាន​ធ្លាក់​នៅ​ភាគ​ខាងត្បូង​ទីក្រុង​ Rostov-on-Don​ ប្រទេស​រុ​ស្ស៊ី​ សម្លាប់​មនុស្ស​៦២​នាក់​នៅ​ក្នុង​យន្តហោះ​ ។​

​ប្រភព​សារព័ត៌មាន​បរទេស​បាន​ឲ្យ​ដឹង​ដែរ​ថា​ យន្តហោះ​ធុន​ Boeing​ 737​ នៃ​ក្រុមហ៊ុន​ FlyDubai​ របស់​ប្រទេស​អា​រ៉ាប់​រួម​ ដែល​ធ្លាក់​នោះ​ មាន​ជើងហោះហើរ​លេខ​ FZ981​ ផ្ទុក​អ្នកដំណើរ​ចំនួន​៥៥​នាក់​ និង​អាកាសយានិក​ ព្រមទាំង​បុគ្គលិក​ក្នុង​យន្តហោះ​ចំនួន​០៧​នាក់​ទៀត​ ត្រឡប់​មក​ពី​ទីក្រុង​ Dubai​ ប្រទេស​អា​រ៉ាប់​រួម​ឆ្ពោះទៅ​ទីក្រុង​ Rostov-on-Don​ ប្រទេស​រុ​ស្ស៊ី​ ដែល​ត្រូវ​កំណត់​ចុះ​ចត​នៅ​វេលា​ម៉ោង​០៣​និង​៥០​នាទី​ព្រឹក​ម៉ោង​ក្នុង​តំបន់​ ប៉ុន្តែ​វា​បាន​អាក់ខាន​ ។​

​គេ​មិន​ទាន់​អាច​បញ្ជាក់​លំអិត​អំពី​មូលហេតុ​ដែល​នាំ​ឲ្យ​យន្តហោះ​ដឹក​អ្នកដំណើរ​នោះ​ធ្លាក់​ និង​អំពី​អត្តសញ្ញាណ​មនុស្ស​ដែល​ស្លាប់​បាត់បង់​ជីវិត​នៅឡើយ​ ៕​

FLYFLY1

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.