ថ្ងៃ អង្គារ ទី ០៩ ខែ មីនា ឆ្នាំ ២០២១

ដុក​ទ័​រ​វ័យក្មេង​មុខស្រស់​ម្នាក់​ ចាក់​ថ្នាំ​បណ្តាល​ឲ្យ​អ្នកជំងឺ​ស្លាប់​ រួច​ដាក់​មេ​ផាយ​រត់​ចោល​គ្លីនិក​បាត់​ស្រមោល​

​កាលពី​វេលា​ម៉ោង​១១​និង​១៥​នាទី​ព្រឹក​ នា​ថ្ងៃ​ទី​២៥​ ខែកញ្ញា​ ឆ្នាំ​២០១៥​ម្សិលមិញ​នេះ​ មាន​ហេតុការណ៍​ភ្ញាក់ផ្អើល​មួយ​បាន​កើតឡើង​ ដោយសារ​វេជ្ជបណ្ឌិត​(​ដុក​ទ័​រ​)​វ័យក្មេង​មុខស្រស់​ម្នាក់​ ចាក់​ថ្នាំ​ឲ្យ​ស្ត្រី​ជា​អ្នកជំងឺ​អាយុ​២៨​ឆ្នាំ​ម្នាក់​ ដែល​មក​ទទួល​សេវា​ពិនិត្យ​ និង​ព្យាបាល​នៅ​គ្លីនិក​ឯកជន​យីហោ​ "​ហ៊រ​ ម៉ី​"​ មាន​ទីតាំង​ឋិត​នៅ​ផ្សារ​ស្ទោង​ ភូមិ​កំពង់ក្តី​ ឃុំ​កំពង់​ចិន​ត្បូង​ ស្រុក​ស្ទោង​ ខេត្តកំពង់ធំ​ បណ្តាល​ឲ្យ​ដាច់ខ្យល់​ស្លាប់​បាត់បង់​ជីវិត​គួរ​ឲ្យ​សោកស្តាយ​បំផុត​ រួច​ហើយ​ដុក​ទ័​រ​វ័យក្មេង​មុខស្រស់​ដែល​ទើប​ទទួល​បាន​សញ្ញាបត្រ​ពី​សាកលវិទ្យាល័យ​វិទ្យាសាស្ត្រ​សុខាភិបាល​នោះ​ បាន​ដាក់​មេ​ផាយ​រត់​ចោល​គ្លីនិក​របស់​ខ្លួន​បាត់​ស្រមោល​ ។​

​សមត្ថកិច្ច​នគរបាល​មូលដ្ឋាន​បាន​ប្រាប់​ឲ្យ​ដឹង​ថា​ នៅ​ថ្ងៃ​កើតហេតុ​ មាន​ស្ត្រី​ម្នាក់​ឈ្មោះ​ ន​.​ន​ អាយុ​២៨​ឆ្នាំ​ រស់នៅ​ភូមិ​ប្រឡាយ​ ឃុំ​ប្រឡាយ​ ស្រុក​ស្ទោង​ ខេត្តកំពង់ធំ​ មាន​អាកា​រៈ​មិន​ស្រួលខ្លួន​ ក៏​បាន​ទៅ​ទទួល​សេវា​ពិនិត្យ​ និង​ព្យាបាល​ជំងឺ​នៅ​គ្លីនិក​ឯកជន​យីហោ​ "​ហ៊រ​ ម៉ី​"​ ឋិត​នៅ​ផ្សារ​ស្ទោង​ ។​ ពេល​មក​ដល់​គ្លីនិក​ លោក​វេជ្ជបណ្ឌិត​ អាំង​ ពិ​ទូ​ បាន​ចាក់​ថ្នាំ​ឲ្យ​អ្នកជំងឺ​មួយ​ម្ជុល​នៅ​ត្រង់​ត្រគាក​ខាងឆ្វេង​ ធ្វើ​ឲ្យ​អ្នកជំងឺ​ស្រែ​កថា​ចុក​ និង​ប្រកាច់​ភ្លាមៗ​ ។​ ខណៈនោះ​ លោក​វេជ្ជបណ្ឌិត​ អាំង​ ពិ​ទូ​ ក៏​បាន​ព្យួរសេរ៉ូម​ឲ្យ​អ្នកជំងឺ​បន្ថែម​ទៀត​ រួច​បញ្ជូន​ទៅ​កាន់​មន្ទីរពេទ្យ​រដ្ឋ​ ប៉ុន្តែ​ពេល​មក​ដល់​មន្ទីរពេទ្យ​រដ្ឋ​ អ្នកជំងឺ​បាន​ដាច់ខ្យល់​ស្លាប់​បាត់​ទៅ​ហើយ​ ។​ ក្រោយ​ពេល​ទទួល​បាន​ព័ត៌មាន​ភ្លាមៗ​ថា​ អ្នកជំងឺ​ដែល​ខ្លួន​បាន​ពិនិត្យ​ និង​ព្យាបាល​នោះ​ ស្លាប់​បាត់បង់​ជីវិត​ លោក​វេជ្ជបណ្ឌិត​ អាំង​ ពិ​ទូ​ បាន​បិទទ្វារ​គ្លីនិក​រត់គេច​ខ្លួន​បាត់​ស្រមោល​តែ​ម្តង​ ។​

​យោង​តាម​វិញ្ញាបនបត្រ​ចេញ​ដោយ​សាកលវិទ្យាល័យ​វិទ្យាសាស្ត្រ​សុខាភិបាល​ ចុះ​ថ្ងៃ​ទី​២៥​ ខែមីនា​ ឆ្នាំ​២០១៤​ បាន​បង្ហាញ​ឲ្យ​ឃើញ​ថា​ លោក​ អាំង​ ពិ​ទូ​ អាយុ​២៩​ឆ្នាំ​ មានស្រុក​កំណើត​នៅ​ខេត្តកំពង់ធំ​ ទទួល​បាន​វិញ្ញាបនបត្រ​វេជ្ជបណ្ឌិត​ (Doctor​ of​ Medicine)​ នា​ថ្ងៃ​ទី​២៦​ ខែកុម្ភៈ​ ឆ្នាំ​២០១៤​ ៕​

Aing-Pitou-3Aing-Pitou-1 Aing-Pitou

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.