ថ្ងៃ អង្គារ ទី ០៩ ខែ មីនា ឆ្នាំ ២០២១

រថយន្ត​ក្រុមហ៊ុន​ SK​ បង្ក​គ្រោះថ្នាក់​ចរាចរណ៍​ បណ្តាល​ឲ្យ​មាន​មនុស្ស​ស្លាប់​ទៀត​ហើយ​

​ហេតុការណ៍​គ្រោះថ្នាក់​ចរាចរណ៍​ដ៏​រន្ធត់​ បង្ក​ដោយ​រថយន្ត​កុងតឺន័រ​របស់​ក្រុមហ៊ុន​ SK​ បុក​ពេញទំហឹង​ ទៅ​លើ​រថយន្ត​ម៉ាក​ TUNDRA​ របស់​តារាចម្រៀង​ល្បីឈ្មោះ​ ខេមរៈ​ សេរី​មន្ត​ កាលពី​វេលា​ម៉ោង​២០​និង​៣០​នាទី​យប់​ នា​ថ្ងៃ​ទី​០៧​ ខែមីនា​ ឆ្នាំ​២០១៣​ ឋិត​លើ​កំណាត់​ផ្លូវជាតិ​លេខ​៤​ នៅ​ស្រុក​ព្រៃ​នប់​ ខេត្ត​ព្រះ​សីហ​នុ​ បណ្តាល​ឲ្យ​ក្រុមការងារ​របស់​តារាចម្រៀង​ ខេមរៈ​ សេរី​មន្ត​ ចំនួន​៤​នាក់​ស្លាប់​បាត់បង់​ជីវិត​ភ្លាមៗ​យ៉ាង​អាណោចអាធ័ម​ មិន​ទាន់​រលុប​បាត់​ពី​អារម្មណ៍​អ្នក​តាមដាន​សំណុំរឿង​គ្រោះថ្នាក់​ចរាចរណ៍​នោះ​ស្រួលបួល​ផង​ ស្រាប់តែ​នៅ​វេលា​ម៉ោង​១៤​និង​៣០​នាទី​រសៀល​ ថ្ងៃ​ទី​០៧​ ខែកញ្ញា​ ឆ្នាំ​២០១៥​នេះ​ រថយន្ត​ធុន​យី​ឌុ​ប​ ម៉ាក​ HINO​ របស់​ក្រុមហ៊ុន​ SK​ ដដែល​ បាន​បង្ក​គ្រោះថ្នាក់​ចរាចរណ៍​មួយ​ករណី​ទៀត​ហើយ​ នៅ​លើ​កំណាត់​ផ្លូវជាតិ​លេខ​៤​ ចន្លោះ​គីឡូម៉ែត្រ​លេខ​៣៧-៣៨​ ឋិត​ក្នុងភូមិ​ព្រែក​ផ្តៅ​ ឃុំ​ត្រពាំង​គង​ ស្រុក​សំរោង​ទង​ ខេត្តកំពង់ស្ពឺ​ បណ្តាល​ឲ្យ​ស្ត្រី​ម្នាក់​កំពុង​ជិះ​ទោចក្រយាន​ បែកក្បាល​ធ្លាយ​ខួរ​ស្លាប់​ភ្លាមៗ​យ៉ាង​អាណោចអាធ័ម​បំផុត​នៅ​កន្លែង​កើតហេតុ​ ។​

​សមត្ថកិច្ច​មូលដ្ឋាន​បាន​រាយការណ៍​ឲ្យ​ដឹង​ថា​ ស្ត្រី​រង​គ្រោះ​ក្នុង​ហេតុការណ៍​គ្រោះថ្នាក់​ចរាចរណ៍​នោះ​ មានឈ្មោះ​ ទឹម​ សាត​ អាយុ​៥៧​ឆ្នាំ​ រស់នៅ​ភូមិ​អូរ​ក្រាំង​អំបិល​ ឃុំ​ត្រពាំង​គង​ ស្រុក​សំរោង​ទង​ ខេត្តកំពង់ស្ពឺ​ ។​

​សាក្សី​បាន​បំភ្លឺ​បញ្ជាក់​ប្រាប់​សមត្ថកិច្ច​ឲ្យ​ដឹង​ថា​ មុន​ពេល​កើតហេតុ​ គេ​ឃើញ​ស្ត្រី​រង​គ្រោះ​ជិះ​ទោចក្រយាន​ឆ្លងផ្លូវ​ ក្នុង​ទិស​ដៅ​ពី​ជើង​ទៅ​ត្បូង​ និង​ដល់​ពេល​កើតហេតុ​ មាន​រថយន្ត​យី​ឌុ​ប​១​គ្រឿង​ម៉ាក​ HINO​ ពណ៌​ត្រួយ​ចេក​ ពាក់​ស្លាក​លេខ​តាកែវ​ 3A-1121​ របស់​ក្រុមហ៊ុន​ SK​ ធ្វើ​ដំណើរ​លើ​ផ្លូវជាតិ​លេខ​៤​ ក្នុង​ទិស​ដៅ​ពី​លិចទៅ​កើត​ ស្រាប់តែ​ជ្រុល​ចង្កូត​ទៅ​បុក​លើ​ស្ត្រី​រង​គ្រោះ​ដែល​ឆ្លងផ្លូវ​ជិត​ផុត​ទៅ​ហើយ​ពេញទំហឹង​ បណ្តាល​ឲ្យ​ដួល​បែកក្បាល​ធ្លាយ​ខួរ​ស្លាប់​ភ្លាមៗ​មួយ​រំពេច​ ។​ ក្រោយ​ពេល​កើតហេតុ​ អ្នកបើកបរ​រថយន្ត​ និង​ព្រូ​រថយន្ត​ បាន​នាំ​គ្នា​បើកទ្វារ​រថយន្ត​រត់គេច​ខ្លួន​បាត់​ស្រមោល​ ដោយ​បន្សល់​ទុក​នូវ​តែ​រថយន្ត​ និង​សព​ស្ត្រី​រង​គ្រោះ​ប៉ុណ្ណោះ​ ។​

​គួរ​បញ្ជាក់​ជូន​ថា​ រថយន្ត​ដឹក​ជញ្ជូន​ធុន​ធំ​របស់​ក្រុមហ៊ុន​ SK​ បាន​ទិញ​សេវា​ធានា​រ៉ាប់រង​ពី​ក្រុមហ៊ុន​កាំ​មីន​កូ​ (Caminco)​ ដូច្នេះ​ រាល់​ករណី​ជួប​ហេតុការណ៍​គ្រោះថ្នាក់​ចរាចរណ៍​ គឺ​ក្រុមហ៊ុន​ SK​ នេះ​តែង​ឲ្យ​ក្រុមហ៊ុន​ធានា​រ៉ាប់រង​កាំ​មីន​កូ​ចេញ​មុខ​ដោះស្រាយ​ ៕​

SK

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.