ថ្ងៃ អង្គារ ទី ០៩ ខែ មីនា ឆ្នាំ ២០២១

បែកធ្លាយ​ឧកញ៉ា​ ឡុ​ង​ សា​ខន​ ស៊ិ​ន​ សុង​ ភរិយា​សព​លោក​ ស៊ិ​ន​ សុង​ ក្លែងបន្លំ​ស្នាម​មេដៃ​កូនប្រុស​ យក​ទ្រព្យ​មរតក​ដាក់បញ្ចាំ​ធនាគារ​

​បន្ទាប់​ពី​លោក​ ស៊ិ​ន​ សុង​ អតីតរដ្ឋមន្ត្រី​ក្រសួងមហាផ្ទៃ​ នា​សម័យ​រដ្ឋ​កម្ពុជា​ ទទួលមរណភាព​អំឡុង​ឆ្នាំ​២០០១​ ដោយ​បន្សល់​ទុក​នូវ​ទ្រព្យសម្បត្តិ​មរតក​ជា​ផ្ទះសម្បែង​ និង​ដីធ្លី​ច្រើន​កន្លែង​ មាន​តម្លៃ​រាប់​លាន​ដុល្លារ​អា​មេ​រិ​ក​នោះ​ គឺ​ជម្លោះ​បែងចែក​កេរ​មរតក​ ក៏​បាន​កើតឡើង​យ៉ាង​ក្តៅ​គគុក​ផង​ដែរ​ រវាង​លោកស្រី​ ឧកញ៉ា​ ឡុ​ង​ សា​ខន​ ស៊ិ​ន​ សុង​ ជា​ភរិយា​សព​លោក​ ស៊ិ​ន​ សុង​ និង​កូនប្រុស​ច្បង​សព​លោក​ ស៊ិ​ន​ សុង​ ជាមួយ​លោកស្រី​ឧកញ៉ា​ ឡុ​ង​ សា​ខន​ ស៊ិ​ន​ សុង​ ខណៈ​ទីតាំង​ដី​បញ្ចុះ​តម្កល់សព​លោក​ ស៊ិ​ន​ សុង​ ទំហំ​ជាង​៧​ហិ​កតា​ ឋិត​នៅ​ជាប់​ផ្លូវជាតិ​លេខ​១​ ក្នុងស្រុក​កៀនស្វាយ​ ខេត្តកណ្តាល​ មួយ​ផ្នែក​ធំ​ ក៏​ត្រូវ​ស្ថាប័ន​តុលាការ​រឹបអូស​សម្រាប់​ធានា​សំណង​ឲ្យ​ម្ចាស់បំណុល​ដែរ​ តាម​រយៈ​ការ​ដាក់​ដេញថ្លៃ​លក់​ឡាយឡុង​ ។​

​រឿង​ជម្លោះ​បែងចែក​កេរ​មរតក​សព​លោក​ ស៊ិ​ន​ សុង​ អតីត​ជា​ថ្នាក់ដឹកនាំ​ក្នុង​ជួរ​គណបក្ស​ប្រជាជន​កម្ពុជា​ នា​សម័យ​រដ្ឋ​កម្ពុជា​ ដែល​ធ្វើ​ឲ្យ​មានការ​ចាប់អារម្មណ៍​ខ្លាំង​នោះ​ គឺ​នៅ​ត្រង់​ថា​ កូនប្រុស​ច្បង​របស់​សព​លោក​ ស៊ិ​ន​ សុង​ និង​លោកស្រី​ឧកញ៉ា​ ឡុ​ង​ សា​ខន​ ស៊ិ​ន​ សុង​ ម្នាក់​ បាន​ចោទប្រកាន់​លោកស្រី​ឧកញ៉ា​ ឡុ​ង​ សា​ខន​ ស៊ិ​ន​ សុង​ ត្រូវជា​ម្តាយបង្កើត​របស់​ខ្លួន​ថា​ បាន​រួម​ដៃ​ជាមួយ​កូនដើម​ក្លែងបន្លំ​ឯកសារ​ផ្សេងៗ​ និង​ក្លែងបន្លំ​ស្នាម​មេដៃ​របស់​ខ្លួន​ ដើម្បី​យក​អចលនទ្រព្យ​កេរ​មរតក​ឪពុក​បង្កើត​របស់​ខ្លួន​មួយ​ចំនួន​ ទៅ​ដាក់បញ្ចាំ​នៅ​ធនាគារ​ បាន​លុយ​បង្វែរ​ទៅ​ទិញ​អចលនទ្រព្យ​ផ្សេងៗ​ទៀត​ ទុកជា​កម្មសិទ្ធិ​ផ្ទាល់ខ្លួន​ ។​

​ព័ស្តុតាង​ជា​ឯកសារ​តាម​ការ​បញ្ជាក់​របស់​លោក​ ខាត់​ ណា​រិ​ទ្ធ​ ចៅសង្កាត់​ទន្លេបាសាក់​ ចុះ​ថ្ងៃ​ទី​១៤​ ខែកញ្ញា​ ឆ្នាំ​២០១២​ បាន​បង្ហាញ​ឲ្យ​ឃើញ​ថា​ លោកស្រី​ ឡុ​ង​ សា​ខន​ ស៊ិ​ន​ សុង​ ភរិយា​សព​លោក​ ស៊ិ​ន​ សុង​ បាន​ក្លែងបន្លំ​ស្នាម​មេដៃ​កូនប្រុស​បង្កើត​ម្នាក់​របស់​លោកស្រី​ឈ្មោះ​ ស៊ិ​ន​ វិសាល​ ដើម្បី​យក​អចលនវត្ថុ​ជាភូមិគ្រឹះ​មួយ​កន្លែង​ ឋិត​នៅ​ផ្លូវ​លេខ​៦៣​ កែង​ផ្លូវ​លេខ​៤៦៦​ សង្កាត់​ទន្លេបាសាក់​ ខណ្ឌចំការមន​ រាជធានី​ភ្នំពេញ​ មាន​វិញ្ញាបនបត្រ​សម្គាល់​ម្ចាស់​អចលនវត្ថុ​លេខ​៤៩២៧​ ចុះ​ថ្ងៃ​ទី​២៣​ ខែតុលា​ ឆ្នាំ​១៩៩១​ ទៅ​ដាក់បញ្ចាំ​នៅ​ធនាគារ​កា​ណា​ឌី​យ៉ា​ កាលពី​ថ្ងៃ​ទី​០៤​ ខែឧសភា​ ឆ្នាំ​២០០៧​ ។​

​មជ្ឈដ្ឋាន​អ្នក​ច្បាប់​ឯករាជ្យ​នៅ​កម្ពុជា​ បាន​លើក​ឡើង​ថា​ អំពើ​របស់​លោកស្រី​ ឧកញ៉ា​ ឡុ​ង​ សា​ខន​ ស៊ិ​ន​ សុង​ ដែល​បាន​ក្លែង​ស្នាម​មេដៃ​ទាយាទ​របស់​សព​លោក​ ស៊ិ​ន​ សុង​ និង​ត្រូវជា​កូនបង្កើត​របស់​លោកស្រី​ផង​នោះ​ គឺជា​បទល្មើស​ព្រហ្មទណ្ឌ​ ដែល​មិន​ស័ក្តិ​សមជា​អំពើ​របស់​អ្នកជំនួញ​ត្រូវជា​ភរិយា​អតីត​ថ្នាក់ដឹកនាំ​គណបក្ស​ប្រជាជន​កម្ពុជា​ម្នាក់​ ត្រូវ​ប្រព្រឹត្ត​នោះ​ឡើយ​ ។​

​លោកស្រី​ ឡុ​ង​ សា​ខន​ ស៊ិ​ន​ សុង​ ជា​ពាណិជ្ជករ​ម្នាក់​មានទ្រព្យ​សម្បត្តិ​មហាសាល​ និង​ត្រូវជា​ភរិយា​សព​លោក​ ស៊ិ​ន​ សុង​ ទទួល​បានការ​តែងតាំង​ជា​ឧកញ៉ា​ដោយ​ព្រះរាជក្រឹត្យ​លេខ​ន​ស​/​រក​ត​/០៩០៩/៩០៥​ ចុះ​ថ្ងៃ​ទី​១១​ ខែកញ្ញា​ ឆ្នាំ​២០០៩​ ៕​

Long-SakhonSin-Song

Filed in: Feature, តុលាការ, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.