ថ្ងៃ អាទិត្យ ទី ២៨ ខែ កម្ភៈ ឆ្នាំ ២០២១

បុរស​ខ្លាំង​បិទ​ភ្នែក​បណ្តែតបណ្តោយ​ឲ្យ​មន្ត្រី​ប្រើប្រាស់​ទង់ជាតិ​ខុសឆ្គង​យ៉ាង​អនាធិបតេយ្យ​ ដល់​លើ​ឆាក​អន្តរជាតិ​

​ទោះបី​គេហទំព័រ​សារព័ត៌មាន​ ដើម​ត្នោត​ ធ្លាប់​បាន​ផ្សព្វផ្សាយ​អស់​ជា​ច្រើន​លើក​ច្រើន​សា​រួច​មក​ហើយ​ ពាក់ព័ន្ធ​នឹង​មន្ត្រីរាជការ​មួយ​ចំនួន​ ជា​ពិសេស​មន្ត្រី​ទូត​កម្ពុជា​ប្រចាំ​នៅ​បរទេស​ ប្រើប្រាស់​សញ្ញាណ​ទង់ជាតិ​នៃ​ព្រះរាជាណាចក្រ​កម្ពុជា​ខុសឆ្គង​ (​មិន​ស្រប​នឹង​សញ្ញាណ​ទង់ជាតិ​កំណត់​ក្នុង​មាត្រា​៦​ កថាខណ្ឌ​ទី​២​ ឧ​ប​សម្ព័ន្ធ​ទី​១​ នៃ​រដ្ឋធម្មនុញ្ញ​នៃ​ព្រះរាជាណាចក្រ​កម្ពុជា​)​ យ៉ាង​អនាធិបតេយ្យ​ ទាំង​លើ​ឆាក​ជាតិ​ ទាំង​ឆាក​អន្តរជាតិ​ក៏​ដោយ​ ក៏​ថ្នាក់ដឹកនាំ​ប្រទេស​កម្ពុជា​ ជា​ពិសេស​សម្តេច​អគ្គមហាសេនាបតី​តេ​ជោ​ ហ៊ុន​ សែន​ ហៅ​បុរស​ខ្លាំង​ នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា​ មិនរ​វីរ​វល់​យកចិត្តទុកដាក់​ធ្វើការ​កែ​លំអ​ឈាន​ទៅ​មានការ​ប្រើប្រាស់​ឲ្យ​បាន​ត្រឹមត្រូវ​ឡើយ​ ហើយ​ទង់ជាតិ​ដែល​ខុសឆ្គង​នោះ​ ត្រូវ​បាន​យក​មក​ Post​ ក្នុង​ Page​ នៃ​បណ្តាញ​ព័ត៌មាន​សង្គម​ Facebook​ ប្រើ​ឈ្មោះ​ និង​រូបថត​បុរស​ខ្លាំង​ថែម​ទៀត​ ។​

​ព័ស្តុតាង​ជាក់ស្តែង​បាន​បង្ហាញ​ឲ្យ​ឃើញ​ថា​ ក្នុង​ជំនួប​រវាង​ព្រះករុណា​ព្រះបាទ​សម្តេចព្រះ​បរមនាថ​ នរោត្តម​ សីហ​មុនី​ ព្រះមហាក្សត្រ​នៃ​ព្រះរាជាណាចក្រ​កម្ពុជា​ និង​លោក​ Xi​ Jinping​ ប្រធានាធិបតី​ចិន​ នៅ​ទីក្រុង​ប៉េ​កាំ​ង​ ប្រទេស​ចិន​ កាលពី​ថ្ងៃ​ទី​៣១​ ខែសីហា​ ឆ្នាំ​២០១៥​ម្សិលមិញ​ ហើយ​ត្រូវ​បាន​គេ​យក​មក​បង្ហោះ​ក្នុង​ Page​ ដាក់​ឈ្មោះ​ និង​រូបថត​បុរស​ខ្លាំង​ ដើរតួ​ជា​ម្ចាស់​ Page​ ផង​នោះ​ បែរជា​មន្ត្រី​ទូត​កម្ពុជា​ប្រចាំ​នៅ​ប្រទេស​ចិន​ ប្រើប្រាស់​សញ្ញាណ​ទង់ជាតិ​កម្ពុជា​គ្មាន​កាំជណ្តើរ​ឡើង​ទៅ​ចំ​ខ្លោងទ្វារ​ប្រាសាទ​ទាំង​បី​ឡើយ​ ដែល​ជា​សញ្ញាណ​ទង់ជាតិ​ខុសឆ្គង​ ឬ​មិន​ស្រប​ទៅ​នឹង​សញ្ញាណ​ទង់ជាតិ​នៃ​ព្រះរាជាណាចក្រ​កម្ពុជា​ពិតប្រាកដ​ ដែល​បាន​កំណត់​ក្នុង​មាត្រា​៦​ កថាខណ្ឌ​ទី​២​ ឧ​ប​សម្ព័ន្ធ​ទី​១​ នៃ​រដ្ឋធម្មនុញ្ញ​ ជា​ច្បាប់​កំពូល​នៃ​ព្រះរាជាណាចក្រ​កម្ពុជា​ ។​

​មជ្ឈដ្ឋាន​អ្នក​ជាតិនិយម​ និង​អ្នកវិភាគ​ព្រឹត្តិការណ៍​នយោបាយ​ជាតិ​នៅ​កម្ពុជា​ បាន​លើក​ឡើង​ថា​ ការណ៍​ដែល​ថ្នាក់ដឹកនាំ​ប្រទេស​ទាំងមូល​មិន​ចាប់អារម្មណ៍​ទៅ​នឹង​ការ​ប្រើប្រាស់​សញ្ញាណ​ទង់ជាតិ​របស់​ខ្លួន​មានការ​ខុសឆ្គង​នោះ​ គឺ​ស្មើនឹង​អំពើ​មិន​ផ្តល់​តម្លៃ​ ឬ​មិន​គិតគូរ​ដល់​ជាតិ​របស់​ខ្លួន​ពិតប្រាកដ​ទេ​ ហើយ​ក៏​អាច​ធ្វើ​ឲ្យ​ប្រជាពលរដ្ឋ​ជា​ម្ចាស់​ឆ្នោត​ដាក់​ការ​សង្ស័យ​ថា​ ថ្នាក់ដឹកនាំ​ប្រទេស​ប្រភេទ​នោះ​ជា​ប្រភេទ​ថ្នាក់ដឹកនាំ​គិតតែ​អំណាច​ និង​ផលប្រយោជន៍​ផ្ទាល់ខ្លួន​ ព្រមទាំង​បក្ខពួក​ជា​ធំ​ប៉ុណ្ណោះ​ ។​

​សូម​ប្រមុខ​រាជរដ្ឋាភិបាល​កម្ពុជា​ មេត្តា​ធ្វើការ​ចាប់អារម្មណ៍​ និង​មាន​វិធានការ​ទៅ​លើ​រូបភាព​នៃ​ការ​ប្រើប្រាស់​សញ្ញាណ​ទង់ជាតិ​នៃ​ព្រះរាជាណាចក្រ​កម្ពុជា​ ដែល​ខុសឆ្គង​នោះ​ផង​ ដើម្បី​ឈាន​ទៅ​ទទួល​បាន​នូវ​ភាព​ត្រឹមត្រូវ​ឡើង​វិញ​ ៕​

Flag Flag2Cambodian-Flag3

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.