ថ្ងៃ ពុធ ទី ២៥ ខែ ឧសភា ឆ្នាំ ២០២២

រដ្ឋមន្ត្រីក្រសួង​ការងារ​ដំឡើង​ឋានន្តរស័ក្តិ​ថ្នាក់​នាយ​ឧត្តមសេនីយ៍​(​ផ្កាយ​៤)​ ជូន​លោក​ឧត្តមសេនីយ៍ឯក​ ជួន​ សុវណ្ណ​

​យោង​តាម​សំណើ​របស់​ឯកឧត្តម​ អ៊ិ​ត​ សំ​ហេង​ រដ្ឋមន្ត្រីក្រសួង​ការងារ​និង​បណ្តុះបណ្តាល​វិជ្ជាជីវៈ​ សម្តេច​អគ្គមហាសេនាបតី​តេ​ជោ​ ហ៊ុន​ សែន​ ហៅ​បុរស​ខ្លាំង​ជា​នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា​ បាន​ចុះហត្ថលេខា​នៅ​លើ​សេចក្តីសម្រេច​មួយ​របស់​រាជរដ្ឋាភិបាល​លេខ​៦០​សសរ​ ចុះ​ថ្ងៃ​ទី​០៤​ ខែសីហា​ ឆ្នាំ​២០១៥​ ស្តី​ពី​ការ​តែងតាំង​សមាសភាព​នៃ​គណៈកម្មការ​អន្តរក្រសួង​ស៊ើបអង្កេត​ពិសេស​ លើ​ករណី​បណ្តឹង​លេខ​២៣១៨​ ស្តី​ពី​ករណី​ឃាតកម្ម​លើ​មេដឹកនាំ​សហជីព​ លោក​ ជា​ វិជ្ជា​,​ លោក​ ហ៊ី​ វុ​ទ្ធី​ និង​លោក​ រស់​ សុ​វ​ណ្ណា​រ៉េ​ត​ ដោយ​បាន​សម្រេច​តែងតាំង​លោក​ឧត្តមសេនីយ៍ឯក​ ជួន​ សុវណ្ណ​ អគ្គស្នងការ​រង​នគរបាល​ជាតិ​ និង​ជា​ស្នងការ​នគរបាល​រាជធានី​ភ្នំពេញ​ ឲ្យ​ធ្វើ​ជា​សមាជិក​គណៈកម្មការ​អន្តរក្រសួង​នេះ​ ។​ ប៉ុន្តែ​អ្វី​ដែល​ជា​ប្រការ​គួរ​ឲ្យ​ចាប់អារម្មណ៍​បំផុត​នោះ​ គឺ​សេចក្តីសម្រេច​របស់​រាជរដ្ឋាភិបាល​តាម​សំណើ​របស់​ឯកឧត្តម​ អ៊ិ​ត​ សំ​ហេង​ រដ្ឋមន្ត្រីក្រសួង​ការងារ​និង​បណ្តុះបណ្តាល​វិជ្ជាជីវៈ​ បាន​ហៅ​ឋានន្តរស័ក្តិ​លោក​ឧត្តមសេនីយ៍ឯក​ ជួន​ សុវណ្ណ​ ថា​ជា​ នាយ​ឧត្តមសេនីយ៍​ (​ផ្កាយ​៤)​ និង​ហៅ​មុខ​តំណែង​លោក​ឧត្តមសេនីយ៍ឯក​ ជួន​ សុវណ្ណ​ ថា​ជា​ អគ្គស្នងការ​រាជធានី​ភ្នំពេញ​ (Sic!)​ ។​

​មជ្ឈដ្ឋាន​អ្នក​ច្បាប់​ និង​អ្នករាជការ​មួយ​ចំនួន​ បាន​សម្តែង​នូវ​ការ​រិះគន់​ទៅ​លើ​ការ​តាក់តែង​សេចក្តីសម្រេច​របស់​រាជរដ្ឋាភិបាល​ទាំងមូល​ បែរជា​មិន​ស្គាល់​ច្បាស់​អំពី​ឋានន្តរស័ក្តិ​ និង​មុខ​តំណែង​របស់​លោក​ឧត្តមសេនីយ៍ឯក​ ជួន​ សុវណ្ណ​ ទៅ​វិញ​ ជា​ពិសេស​កំហុសឆ្គង​របស់​ឯកឧត្តម​ អ៊ិ​ត​ សំ​ហេង​ រដ្ឋមន្ត្រីក្រសួង​ការងារ​និង​បណ្តុះបណ្តាល​វិជ្ជាជីវៈ​ និង​បុរស​ខ្លាំង​ជា​ប្រមុខ​រាជរដ្ឋាភិបាល​កម្ពុជា​ ដែល​ចុះហត្ថលេខា​លើ​សេចក្តីសម្រេច​ទាំង​បិទ​ភ្នែក​ បង្ហាញ​អំពី​របៀបរបប​ធ្វើការ​ខ្ជីខ្ជា​ ធ្វេសប្រហែស​ឲ្យ​តែ​រួចពីដៃ​ ៕​

Ith-Samheng03Chea-Vechea-FtuChea-Vechea-Ftu1

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.