ថ្ងៃ ពុធ ទី ២៥ ខែ ឧសភា ឆ្នាំ ២០២២

ជនជាប់ចោទ​ក្នុង​សាលាក្តី​ខ្មែរក្រហម​ អៀង​ ធី​រិ​ទ្ធ​ ភរិយា​សព​ជនជាប់ចោទ​ អៀង​ សារី​ ទទួលមរណភាព​ហើយ​

​អ្នកនាំពាក្យ​សាលាក្តី​ខ្មែរក្រហម​ បាន​ឲ្យ​ដឹង​ថា​ លោកស្រី​ អៀង​ ធី​រិ​ទ្ធ​ ជា​ជនជាប់ចោទ​ក្នុង​សំណុំរឿង​០០២​នៃ​សាលាក្តី​ខ្មែរក្រហម​ និង​ត្រូវជា​ភរិយា​សព​ជនជាប់ចោទ​ អៀង​ សារី​ អតីត​មេដឹកនាំ​ខ្មែរក្រហម​ បាន​ទទួលមរណភាព​ហើយ​ នៅ​វេលា​ម៉ោង​១០​និង​៣០​នាទី​ព្រឹក​ នា​ថ្ងៃ​ទី​២២​ ខែសីហា​ ឆ្នាំ​២០១៥​នេះ​ នៅ​ខេត្ត​ប៉ៃលិន​ ក្នុង​ជន្មាយុ​៨៣​ឆ្នាំ​ ។​

​លោកស្រី​ អៀង​ ធី​រិ​ទ្ធ​ អតីតរដ្ឋមន្ត្រី​ក្រសួង​សង្គមកិច្ច​នៃ​របប​វាល​ពិឃាត​ខ្មែរក្រហម​ ត្រូវ​បាន​សាលាក្តី​ខ្មែរក្រហម​ចោទប្រកាន់​នៅ​ថ្ងៃ​ទី​១៥​ ខែកញ្ញា​ ឆ្នាំ​២០១០​ ក្នុង​សំណុំរឿង​០០២​ ពី​បទឧក្រិដ្ឋ​កម្ម​ប្រល័យពូជសាសន៍​ ឧក្រិដ្ឋកម្ម​ប្រឆាំង​នឹង​មនុស្សជាតិ​ និង​ការ​រំលោភ​បំពាន​យ៉ាងធ្ងន់ធ្ងរ​លើ​អនុសញ្ញា​ក្រុង​ហ្សឺ​ណែវ​ ឆ្នាំ​១៩៤៩​ ។​ ជនជាប់ចោទ​រូប​នេះ​ត្រូវ​បាន​ដោះ​លែង​ឲ្យ​នៅ​ក្រៅ​ឃុំ​ ប៉ុន្តែ​ដាក់​ឲ្យ​ឋិត​នៅ​ក្រោម​ការ​ត្រួតពិនិត្យ​តាម​ផ្លូវ​តុលាការ​នា​ឆ្នាំ​២០១២​ បន្ទាប់​ពី​រក​ឃើញ​ថា​ មាន​ជំងឺ​វង្វេងវង្វាន់​បាត់​ការ​ចង​ចាំ​ (​មិន​មាន​សម្បទា​គ្រប់គ្រាន់​ក្នុង​ការ​ចូលរួម​សវនាការ​)​ ។​

​ស្វាមី​របស់​លោកស្រី​ អៀង​ ធី​រិ​ទ្ធ​ គឺ​លោក​ អៀង​ សារី​ មានឈ្មោះ​ជា​យួន​ថា​ គឹ​ម​ ត្រាង​ អតីត​ឧបនាយករដ្ឋមន្ត្រី​ និង​រដ្ឋមន្ត្រី​ក្រសួងការបរទេស​នៃ​របប​ខ្មែរក្រហម​ ដែល​ជាប់ចោទ​នៅ​សាលាក្តី​ខ្មែរក្រហម​ដែរ​នោះ​ បាន​ទទួលមរណភាព​កាលពី​ថ្ងៃ​ទី​១៤​ ខែមីនា​ ឆ្នាំ​២០១៣​ វេលា​ម៉ោង​០៨​និង​៣៥​នាទី​ព្រឹក​ នៅ​មន្ទីរពេទ្យ​រុ​ស្ស៊ី​ រាជធានី​ភ្នំពេញ​ ក្នុង​ជន្មាយុ​៨៨​ឆ្នាំ​ ៕​

Ieng-Thirith

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.