ថ្ងៃ ពុធ ទី ២៥ ខែ ឧសភា ឆ្នាំ ២០២២

ល្បិច​ទាក់ទាញ​អតិថិជន​របស់​មន្ទីរពេទ្យ​ វ៉ិ​ច​តូ​រី​យ៉ា​ ដើម្បី​ឈាន​ទៅ​ទទួល​សេវា​”​វះកាត់​ដេរ​បង្រួម​ប្រដាប់​ភេទ​”

​មន្ទីរពេទ្យ​ឯកជន​មួយ​នៅ​រាជធានី​ភ្នំពេញ​ ឈ្មោះ​ វ៉ិ​ច​តូ​រី​យ៉ា​ (Victoria​ International​ Hospital)​ ហាក់​មាន​ភាព​លេចធ្លោ​យ៉ាង​ខ្លាំង​ក្នុង​ការ​ឃោសនា​ពាណិជ្ជកម្ម​ ទាក់ទាញ​អតិថិជន​(​ជា​ពិសេស​ប្រិ​យ​មិត្ត​ស្រីៗ​)​ ដើម្បី​ឈាន​ទៅ​ទទួលយក​សេវា​"​វះកាត់​ដេរ​បង្រួម​ប្រដាប់​ភេទ​"​ ដោយ​ក្រៅពី​រូបភាព​ពាណិជ្ជកម្ម​ផ្សេងៗ​ មន្ទីរពេទ្យ​ឯកជន​នេះ​ក៏​បាន​ប្រើប្រាស់​វិធីសាស្ត្រ​សរសេរ​អត្ថបទ​ដាក់​ក្នុង​គេហទំព័រ​របស់​ខ្លួន​ ក្នុង​ន័យ​បង្ក​ការ​ចាប់អារម្មណ៍​ដល់​អតិថិជន​ ដូច​ជា​ អត្ថបទ​មួយ​មាន​ចំណងជើង​ថា​ ៖​ {​លាតត្រដាង​អាថ៌​កំបាំង​}​ តើ​មនុស្ស​ស្រី​មាន​ស្ថានភាព​បែប​ណា​ ទើបត្រូវ​ធ្វើការ​វះកាត់​ដេរ​បង្រួម​ ?​ ជាដើម​…​។​

​អត្ថបទ​ទាក់ទាញ​បែប​ពាណិជ្ជកម្ម​របស់​មន្ទីរពេទ្យ​វ៉ិ​ច​តូ​រី​យ៉ា​ បាន​សង្កត់ធ្ងន់​រំលេច​ឲ្យ​ឃើញ​តាម​ទស្សនៈ​របស់​អ្នកនិពន្ធ​ថា​ ៖​ {​ស្វាមី​ប្រព្រឹត្ត​ខុស​នឹង​គន្លង​ តាម​ពិត​មក​ពី​ប្រដាប់​ធូររលុង​}​ {​ប្តេជ្ញា​ចិត្ត​យ៉ាង​មុតមាំ​ជ្រើស​យក​ការ​វះកាត់​ដេរ​បង្រួម​ប្រដាប់​ភេទ​ ដើម្បី​ស្រោចស្រង់​យក​អាពាហ៍ពិពាហ៍​ដែល​បាន​បាត់បង់​នោះ​ត្រឡប់​មក​វិញ​}​ និង​ {​វះកាត់​ដេរ​បង្រួម​ប្រដាប់​ភេទ​ ធ្វើ​ឲ្យ​ខ្ញុំ​ឈ្នះ​បាន​ជ័យជម្នះ​អាពាហ៍ពិពាហ៍​មួយ​នេះ​}…​។​

​សំណួរ​ត្រូវ​ចោទសួរ​ថា​ តើ​សុភមង្គល​គ្រួសារ​នៅ​ក្នុង​សង្គម​ខ្មែរ​បច្ចុប្បន្ន​ ពិតជា​អាច​កើត​មាន​ដោយសារ​ការ​វះកាត់​ដេរ​បង្រួម​ប្រដាប់​ភេទ​ ដូច​ការ​លើក​ឡើង​ និង​ការ​ឃោសនា​របស់​មន្ទីរពេទ្យ​ឯកជន​ឈ្មោះ​ វ៉ិ​ច​តូ​រី​យ៉ា​ នេះ​ដែរ​ឬទេ​ ?​ សូម​ប្រិ​យ​មិត្ត​អ្នក​អាន​ចូលរួម​ជួយ​ពិចារណា​ទាំងអស់​គ្នា​ ៕​

 

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.