ថ្ងៃ ពុធ ទី ២៥ ខែ ឧសភា ឆ្នាំ ២០២២

ទាហាន​យួន​ចំនួន​១០​នាក់​ ត្រូវ​បាន​បុរស​ខ្លាំង​ទូល​ថ្វាយ​ព្រះមហាក្សត្រ​ប្រោស​ព្រះ​រាជទាន​គ្រឿង​ឥស្សរិយយស​

​ទំនងជា​ក្រុម​ទាហាន​យួន​បាន​កសាង​នូវ​គុណសម្បត្តិ​ដ៏​ឧត្តុង្គឧត្តម​ ចំពោះ​ជាតិខ្មែរ​ហើយ​មើលទៅ​ ទើប​សម្តេច​អគ្គមហាសេនាបតី​តេ​ជោ​ ហ៊ុន​ សែន​ ហៅ​បុរស​ខ្លាំង​ នាយក​រដ្ឋមន្ត្រី​នៃ​ព្រះរាជាណាចក្រ​ក​ម្ជុ​ជា​ បាន​ក្រាប​បង្គំ​ទូល​ថ្វាយ​ព្រះករុណា​ព្រះបាទ​សម្តេចព្រះ​បរមនាថ​ នរោត្តម​ សីហ​មុនី​ ព្រះមហាក្សត្រ​នៃ​ព្រះរាជាណាចក្រ​កម្ពុជា​ ទ្រង់​ប្រោស​ព្រះ​រាជទាន​គ្រឿង​ឥស្សរិយយស​សហ​មេត្រី​ ថ្នាក់​មហា​សេរី​វឌ្ឍន៍​,​ ថ្នាក់​មហា​សេនា​ និង​ថ្នាក់​ធិ​ប​ឌិ​ន្ទ​ ដល់​ទាហាន​យួន​ចំនួន​១០​នាក់​ និង​ក៏​មាន​ជា​ហូរហែ​ផ្សេងៗ​ទៀត​ដែរ​ ។​

​ក្នុង​ចំណោម​ទាហាន​យួន​ទាំង​ចំនួន​១០​នាក់​នោះ​ គឺ​មាន​៣​នាក់​ទទួល​បាន​គ្រឿង​ឥស្សរិយយស​សហ​មេត្រី​ថ្នាក់​ មហា​សេរី​វឌ្ឍន៍​,​ ៤​នាក់​ទទួល​បាន​គ្រឿង​ឥស្សរិយយស​សហ​មេត្រី​ថ្នាក់​ មហា​សេនា​ និង​៣​នាក់​ទៀត​ទទួល​បាន​គ្រឿង​ឥស្សរិយយស​សហ​មេត្រី​ថ្នាក់​ ធិ​ប​ឌិ​ន្ទ​ ដែល​មានឈ្មោះ​ដូច​ខាងក្រោម​ ៖

​ក​-​គ្រឿង​ឥស្សរិយយស​សហ​មេត្រី​ ថ្នាក់​ មហា​សេរី​វឌ្ឍន៍​ ៖​ រួម​មាន​ ៖​ ១-​ឧត្តមសេនីយ៍ទោ​ Luu​ Duc​ Huy,​ ២-​ឧត្តមសេនីយ៍ត្រី​ Phan​ Anh​ Viet,​ ៣-​ឧត្តមសេនីយ៍ត្រី​ Phan​ Hai​ Quan​ ។​

​ខ​-​គ្រឿង​ឥស្សរិយយស​សហ​មេត្រី​ ថ្នាក់​ មហា​សេនា​ ៖​ រួម​មាន​ ៖​ ១-​វរសេនីយ៍ឯក​ Do​ Thang​ Lam,​ ២-​វរសេនីយ៍ឯក​ Pham​ Van​ Thanh,​ ៣-​វរសេនីយ៍ឯក​បម្រុង​ Nguyen​ Dinh​ Khoa,​ ៤-​វរសេនីយ៍ត្រី​ Nguyen​ Van​ Nam​ ។​

​គ​-​គ្រឿង​ឥស្សរិយយស​សហ​មេត្រី​ ថ្នាក់​ ធិ​ប​ឌិ​ន្ទ​ ៖​ រួម​មាន​ ៖​ ១-​វរសេនីយ៍ឯក​ Le​ Duy​ Dan,​ ២-​វរសេនីយ៍ឯក​ Phan​ Van​ Phong,​ ៣-​អនុសេនីយ៍ឯក​ Pham​ Hong​ Thanh​ ។​

​គួរ​រំលឹក​ជូន​ថា​ កាលពី​ថ្ងៃ​ទី​២៧​ ខែមេសា​ ឆ្នាំ​២០០៣​កន្លង​ទៅ​ សម្តេចព្រះ​បរម​រតន​កោដ្ឋ​ នរោត្តម​ សីហ​នុ​ អតីត​ព្រះមហាក្សត្រ​នៃ​ព្រះរាជាណាចក្រ​កម្ពុជា​ កាល​ព្រះ​អង្គ​នៅ​គង់​មាន​ព្រះ​ជន្ម​នៅឡើយ​ ទ្រង់​បាន​ព្រះ​តម្រិះ​លើ​ព្រះរាជ​សារ​ចំហ​មួយ​ ពី​ទីក្រុង​ប៉េ​កាំ​ង​ប្រទេស​ចិន​ មាន​ខ្លឹមសារ​គួរ​ឲ្យ​ពិចារណា​ថា​ "…​ក្នុង​សម័យ​សង្គមរាស្ត្រនិយម​ គ្មាន​ការ​លក់​គ្រឿង​ឥស្សរិយយស​មហា​សេរី​វឌ្ឍន៍​នៃ​ព្រះរាជាណាចក្រ​កម្ពុជា​ គ្រឿង​ឥស្សរិយយស​មហា​សេនា​នៃ​ព្រះរាជាណាចក្រ​កម្ពុជា​ និង​គ្រឿង​ឥស្សរិយយស​ខ្ពង់ខ្ពស់​របស់​ជាតិ​យើង​នោះ​ទេ​ ។​ បើ​គេ​ចង់​ទិញ​ ក៏​គ្មាន​លទ្ធភាព​ទិញ​បាន​ដែរ​ ទោះបី​ឲ្យ​រាជរដ្ឋាភិបាល​ ឬ​ខ្ញុំ​ ប៉ុន្មាន​ម៉ឺន​ សែន​ដុល្លារ​ក៏​ដោយ​ ។​ ការ​ផ្តល់​គ្រឿង​ឥស្សរិយយស​ជាតិ​យើង​នៅ​សម័យ​នោះ​ គឺ​សម្រាប់​តែ​វីរជន​បម្រើ​ជាតិ​ដោយ​ស្អាតស្អំ​ ហើយ​ថែម​ទាំង​ធ្វើ​ពលិកម្ម​គ្រប់​បែប​យ៉ាង​ទៀត​ផង​ ក្នុង​ការ​ការពារ​ជាតិ​ ប្រយុទ្ធ​ដើម្បី​ឯករាជ្យ​ និង​បូរណភាព​ទឹកដី​នៃ​មាតុភូមិ​កម្ពុជា​ ។​ មាន​តែ​វីរបុរស​៣​នាក់​ទេ​កាលនោះ​ ដែល​បាន​ទទួល​គ្រឿង​ឥស្សរិយយស​មហា​សេរី​វឌ្ឍន៍​នៃ​ព្រះរាជាណាចក្រ​កម្ពុជា​អំពីខ្ញុំ​ គឺ​សម្តេច​ ប៉ែន​ នុ​ត​,​ សម្តេច​ ញឹក​ ជូ​ឡុ​ង​ និង​សម្តេច​ សឺ​ន​ សាន​ ។​ ឥឡូវ​ គ្រឿង​ឥស្សរិយយស​មហា​សេរី​វឌ្ឍន៍​នៃ​ព្រះរាជាណាចក្រ​កម្ពុជា​ បាន​ទៅ​ដល់​មនុស្ស​ចំនួន​រាប់​មិន​អស់​ទេ​ក្នុង​១​ឆ្នាំៗ​ ១​ខែៗ​ ។​ "​ ៕​

kuy-bunsorn-Letter1

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.