ថ្ងៃ ពុធ ទី ២៩ ខែ មិថុនា ឆ្នាំ ២០២២

តំណាងរាស្ត្រ​សិច​ស៊ី​ និង​ជា​មេធាវី​ បំបៅ​ដោះ​កូន​ក្នុង​ពេល​ប្រជុំ​សភា​

​គេហទំព័រ​ Daily​ Mail​ ដ៏​ល្បី​របស់​អង់គ្លេស​ បាន​ចុះ​ផ្សាយ​នៅ​ថ្ងៃ​ទី​២៤​ ខែកក្កដា​ ឆ្នាំ​២០១៥​នេះ​ ឲ្យ​ដឹង​ថា​ នៅ​ក្នុង​កិច្ចប្រជុំ​សភា​កាលពីដើម​ខែកក្កដា​ ឆ្នាំ​២០១៥​កន្លង​ទៅ​ លោកស្រី​ Victoria​ Donda​ Perez​ ជា​អ្នកតំណាង​រាស្ត្រ​របស់​ប្រទេស​អា​ហ្ស​ង់​ទី​ន​ បាន​បំបៅ​ដោះ​កូនស្រី​អាយុ​៨​ខែ​របស់​លោកស្រី​កណ្តាលចំណោម​កិច្ចប្រជុំ​សភា​ បើ​ទោះបី​មាន​អ្នកតំណាង​រាស្ត្រ​ជា​ច្រើន​នាក់​អង្គុយ​ជុំវិញ​លោកស្រី​ក៏​ដោយ​ ហើយ​រូបថត​លោកស្រី​ដែល​ឲ្យ​កូន​បៅ​ក្នុង​ពេល​ប្រជុំ​សភា​នោះ​ ត្រូវ​បាន​គេ​យក​មក​បង្ហោះ​ពេញ​ Internet​ ធ្វើ​ឲ្យ​មានការ​ចាប់អារម្មណ៍​ផ្សេងៗ​ពី​គ្នា​ ។​

​លោកស្រី​ Victoria​ Donda​ Perez​ គឺជា​សកម្មជន​សិទ្ធិ​មនុស្ស​ និង​ជា​មេធាវី​ផង​ ។​ នៅ​អំឡុង​ឆ្នាំ​២០០៧​ លោកស្រី​បាន​ជាប់​ឆ្នោត​ជា​តំណាងរាស្ត្រ​វ័យក្មេង​បំផុត​ក្នុង​សភា​អា​ហ្ស​ង់​ទី​ន​ ។​ ភាព​លេចធ្លោ​របស់​លោកស្រី​ក្នុង​នាម​ជា​អ្នកតំណាង​រាស្ត្រ​ទាំង​វ័យក្មេង​ផង​ ទាំង​មាន​រូបសម្បត្តិ​ស្រស់​ស្អាត​ផង​ បាន​ធ្វើ​ឲ្យ​ប្រជាពលរដ្ឋ​អា​ហ្ស​ង់​ទី​ន​បាន​ដាក់​រហស្សនាម​ជូន​លោកស្រី​ថា​ ជា​តំណាងរាស្ត្រ​សិច​ស៊ី​ "Dipusex"​ ។​

​មជ្ឈដ្ឋាន​ភាគច្រើន​បាន​វាយតម្លៃ​ទៅ​លើ​សកម្មភាព​របស់​លោកស្រី​ Victoria​ Donda​ Perez​ អ្នកតំណាង​រាស្ត្រ​អា​ហ្ស​ង់​ទី​ន​ ដែល​បំបៅ​ដោះ​កូន​ក្នុង​ពេល​ប្រជុំ​សភា​នោះ​ថា​ ជា​គំរូ​ល្អ​សម្រាប់​អ្នក​ម្តាយ​គ្រប់​រូប​ដែល​ត្រូវ​យកចិត្តទុកដាក់​បំពេញ​តួនាទី​ក្នុង​នាម​ជា​អ្នក​ម្តាយ​ចំពោះ​កូន​ ទោះបី​រវល់​ក្នុង​កិច្ច​ការងារ​បែប​ណា​ក៏​ដោយ​ ។​ ប៉ុន្តែ​មាន​មជ្ឈដ្ឋាន​មួយ​ចំនួន​ទៀត​ បាន​ចាត់​ទុក​សកម្មភាព​នេះ​ថា​ មិន​សម​ស្រប​ទៅ​នឹង​កិត្យានុភាព​រដ្ឋសភា​ ដែល​ជា​ស្ថាប័ន​អនុម័ត​ច្បាប់​របស់​ជាតិ​ឡើយ​ ៕​

Victoria

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.