ថ្ងៃ ពុធ ទី ២៩ ខែ មិថុនា ឆ្នាំ ២០២២

ម្ចាស់​រថយន្ត​ទំនើប​នេះ​មិន​ត្រឹម​បំបាក់​មុខមាត់​បុរស​ខ្លាំង​ និង​ផ្កាយ​៤​ ទៀ​ បាញ់​ ទេ​ គឺ​បុក​មនុស្ស​ស្លាប់​ ហើយ​រត់គេច​ខ្លួន​ទៀត​

​កាលពី​វេលា​ម៉ោង​១២​និង​២៥​នាទី​រសៀល​ ថ្ងៃ​ទី​២២​ ខែកក្កដា​ ឆ្នាំ​២០១៥​ម្សិលមិញ​ នៅ​លើ​កំណាត់​ផ្លូវជាតិ​លេខ​៦​ ត្រង់​ចំណុច​សាលា​ក្រៅ​ សង្កាត់​ភ្នៀ​ត​ ក្រុង​សិរី​សោភ័ណ​ ខេត្តបន្ទាយមានជ័យ​ មាន​ហេតុការណ៍​គ្រោះថ្នាក់​ចរាចរណ៍​ដ៏​រន្ធត់​មួយ​បាន​កើតឡើង​ ដោយសារ​រថយន្ត​ទំនើប​១​គ្រឿង​ម៉ាក​ Lexus​ 570​ ពណ៌​ឈាម​ជ្រូក​ ពាក់​ស្លាក​លេខ​ខេមរភូមិន្ទ​ 02.​ 2-6969​ បុក​ពេញទំហឹង​ទៅ​លើ​ទោចក្រយានយន្ត​មួយ​គ្រឿង​ម៉ាក​ Dream​ C125​ ជិះ​គ្នា​២​នាក់​(​ម្តាយ​និង​កូន​)​ បណ្តាល​ឲ្យ​ស្ត្រី​ជា​ម្តាយ​ឈ្មោះ​ បុស្ស​ សា​វី​ អាយុ​៥០​ឆ្នាំ​ ជិះ​ពីក្រោយ​ស្លាប់​បាត់បង់​ជីវិត​យ៉ាង​អាណោចអាធ័ម​នៅ​កន្លែង​កើតហេតុ​ និង​ស្ត្រី​ជា​កូន​ឈ្មោះ​ ឌី​ សា​វុ​ធ​ អាយុ​២៤​ឆ្នាំ​ ជា​អ្នក​ឌុ​ប​ រស់នៅ​ស្រុក​ស្វាយចេក​ ខេត្តបន្ទាយមានជ័យ​ រង​របួស​ត្រង់​ក្បាល​ធ្ងន់ធ្ងរ​ រីឯ​ម្ចាស់​រថយន្ត​ទំនើប​នោះ​បាន​រត់គេច​ខ្លួន​បាត់​ស្រមោល​ ក្រោយ​ពេល​បង្កហេតុ​ភ្លាមៗ​ ។​

​អនុលោម​តាម​មាត្រា​៥,​ មាត្រា​៦​ និង​មាត្រា​១១​ នៃ​អនុក្រឹត្យ​របស់​រាជរដ្ឋាភិបាល​ ចុះហត្ថលេខា​ដោយ​សម្តេច​អគ្គមហាសេនាបតី​តេ​ជោ​ នាយ​ឧត្តមសេនីយ៍​ផុត​លេខ​ផ្កាយ​មាស​៥​ ហៅ​បុរស​ខ្លាំង​ ជា​នាយក​រដ្ឋមន្ត្រី​ លេខ​៧៧​អន​ក្រ​.​បក​ ចុះ​ថ្ងៃ​ទី​២៨​ ខែវិច្ឆិកា​ ឆ្នាំ​២០០៣​ ស្តី​ពី​ការ​ចេញ​ស្លាក​លេខ​សម្គាល់​យានជំនិះ​ និង​ប្រការ​៤​នៃ​ប្រកាស​របស់​ក្រសួងការពារជាតិ​ ចុះហត្ថលេខា​ដោយ​ឯកឧត្តម​ នាយ​ឧត្តមសេនីយ៍​ផ្កាយ​មាស​៤​ ទៀ​ បាញ់​ ឧបនាយករដ្ឋមន្ត្រី​ រដ្ឋមន្ត្រី​ក្រសួងការពារជាតិ​ លេខ​០៦៤/២០០៩​ប្រ​.​ក​ ចុះ​ថ្ងៃ​ទី​២២​ ខែឧសភា​ ឆ្នាំ​២០០៩​ ស្តី​ពី​ការ​ចេញ​ប័ណ្ណ​ ស្លាក​លេខ​ចរាចរណ៍​ និង​សញ្ញា​សំគាល់​ស្ថាប័ន​ កងឯកភាព​ក្នុង​កង​យោធពលខេមរភូមិន្ទ​ គឺ​រថយន្ត​ដែល​ពាក់​ស្លាក​លេខ​ខេមរភូមិន្ទ​ ជា​រថយន្ត​គ្រប់គ្រង​ដោយ​ក្រសួងការពារជាតិ​ ប្រើប្រាស់​សម្រាប់​នៅ​សមរភូមិ​ និង​ការងារ​ការពារ​ជាតិ​ ហើយ​ត្រូវ​លាប​ពណ៌​ត្រេ​អ៊ី​ ឬ​ប៉ា​រ៉ា​…​។​ ប៉ុន្តែ​រថយន្ត​ទំនើប​ពាក់​ស្លាក​លេខ​ខេមរភូមិន្ទ​02.​ 2-6969​ មាន​លេខ​កូដ​សម្គាល់​ប្រើប្រាស់​នៅ​អគ្គ​បញ្ជាការដ្ឋាន​នៃ​កង​យោធពលខេមរភូមិន្ទ​ ដែល​បង្ក​គ្រោះថ្នាក់​ចរាចរណ៍​ បណ្តាល​ឲ្យ​មាន​មនុស្ស​ស្លាប់​បាត់បង់​ជីវិត​នោះ​ គឺ​មិន​បាន​លាប​ពណ៌​ត្រេ​អ៊ី​ ឬ​ប៉ា​រ៉ា​ និង​ប្រើប្រាស់​សម្រាប់​ដឹក​ជញ្ជូន​សម្ភារៈ​ទ័ព​ ឬ​ដឹក​ជញ្ជូន​កងទ័ព​អ្វី​ឡើយ​ ។​

​សរុបសេចក្តី​មក​ គ្រប់​សមត្ថកិច្ច​ពាក់ព័ន្ធ​ទាំងអស់​ គប្បី​ស៊ើបអង្កេត​ស្រាវជ្រាវ​រក​ម្ចាស់​រថយន្ត​បង្ក​គ្រោះថ្នាក់​ចរាចរណ៍​ខាងលើ​ឲ្យ​ឃើញ​ ពីព្រោះ​ម្ចាស់​រថយន្ត​ទំនើប​នេះ​ទំនើង​ បាន​ប្រព្រឹត្ត​នូវ​កំហុសឆ្គង​ធ្ងន់ធ្ងរ​ចំនួន​២​ករណី​ ដូច​ខាងក្រោម​ ៖

១-​បំបាក់​មុខមាត់​បុរស​ខ្លាំង​ជា​នាយក​រដ្ឋមន្ត្រី​ និង​ឯកឧត្តម​ នាយ​ឧត្តមសេនីយ៍​ផ្កាយ​មាស​៤​ ទៀ​ បាញ់​ ឧបនាយករដ្ឋមន្ត្រី​ រដ្ឋមន្ត្រី​ក្រសួងការពារជាតិ​(​ប្រើប្រាស់​រថយន្ត​ពាក់​ស្លាក​លេខ​ខេមរភូមិន្ទ​ ផ្ទុយ​នឹង​ស្មារតី​អនុក្រឹត្យ​របស់​រាជរដ្ឋាភិបាល​ និង​ប្រកាស​របស់​ក្រសួងការពារជាតិ​)​ ។​
២-​បង្ក​គ្រោះថ្នាក់​ចរាចរណ៍​បណ្តាល​ឲ្យ​មនុស្ស​ស្លាប់​បាត់បង់​ជីវិត​ និង​រង​របួស​ធ្ងន់ធ្ងរ​ហើយ​ បែរជា​រត់គេច​ខ្លួន​បាត់​ស្រមោល​មិន​ទទួលខុសត្រូវ​ ៕​

Car-Accident

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.