ថ្ងៃ ព្រហស្បតិ៍ ទី ២៧ ខែ កម្ភៈ ឆ្នាំ ២០២០

តើ​ឧកញ៉ា​ សុខ​ ប៊ុ​ន​ អាច​ស្គាល់​រសជាតិ​ជាប់គុក​ដែរ​ឬទេ​ ក្នុង​សំណុំរឿង​ប្រព្រឹត្ត​ហិង្សា​លើ​កញ្ញា​ សា​សា​ ?

​លោក​ឧកញ៉ា​ សុខ​ ប៊ុ​ន​ ដែល​ប្រព្រឹត្ត​អំពើ​ហិង្សា​ទៅ​លើ​កញ្ញា​ ឯក​ សុជាតា​ ហៅ​សា​សា​ អតីត​ពិធី​ការិនី​ស្ថានីយ៍ទូរទស្សន៍​ CTN​ ឡើង​កក្រើក​ផ្ទៃ​ប្រទេស​ ដោយសារ​មាន​ប្រតិកម្ម​ពី​សម្តេច​អគ្គមហាសេនាបតី​តេ​ជោ​ ហ៊ុន​ សែន​ ហៅ​បុរស​ខ្លាំង​ នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា​ផង​នោះ​ បាន​សម្រេចចិត្ត​ចាក​ចេញពី​បរទេស​វិល​ត្រឡប់​ចូល​មក​មាតុភូមិ​វិញ​យ៉ាង​តក់ក្រហល់​ នា​ថ្ងៃ​ទី​១៨​ ខែកក្កដា​ ឆ្នាំ​២០១៥​នេះ​ គឺ​មុន​ពេល​កំណត់​ដែល​បាន​ប្រកាស​ថា​ នឹង​ចូល​ស្រុក​ខ្មែរ​នៅ​ថ្ងៃ​ទី​២០​ ខែកក្កដា​ ឆ្នាំ​២០១៥​ខាង​មុខ​ ដើម្បី​ចូលខ្លួន​មក​ដោះស្រាយ​ចំពោះ​មុខ​ច្បាប់​  តាម​ការ​ប្រកាស​របស់​បុរស​ខ្លាំង​ ។​

​សមត្ថកិច្ច​បាន​បញ្ជូន​ខ្លួន​លោក​ឧកញ៉ា​ សុខ​ ប៊ុ​ន​ ដែល​ជាប់​ឈ្មោះ​ជា​ជន​ត្រូវ​ចោទ​ ក្នុង​សំណុំរឿង​ប្រព្រឹត្ត​អំពើ​ហិង្សា​ដោយ​ចេតនា​ និង​ដោយ​មាន​ស្ថាន​ទម្ងន់ទោស​ទៅ​លើ​កញ្ញា​ សា​សា​ នោះ​ មក​ដល់​សាលាដំបូង​រាជធានី​ភ្នំពេញ​ដើម្បី​សាកសួរ​នៅ​វេលា​ម៉ោង​ប្រមាណ​០៩​និង​៣០​នាទី​ព្រឹក​នា​ថ្ងៃ​ទី​១៨​ ខែកក្កដា​ ឆ្នាំ​២០១៥​នេះ​ ប៉ុន្តែ​គេ​មិន​ទាន់​បានដឹង​លទ្ធផល​ថា​ តើ​ចៅក្រម​ស៊ើបសួរ​សាលាដំបូង​រាជធានី​ភ្នំពេញ​នឹង​សម្រេច​ឃុំខ្លួន​ ឬ​មិន​ឃុំខ្លួន​ជន​ត្រូវ​ចោទ​ឈ្មោះ​ សុខ​ ប៊ុ​ន​ បណ្តោះអាសន្ន​ឬ​យ៉ាងណា​នោះ​ទេ​ ។​

​មជ្ឈដ្ឋាន​នានា​កំពុង​ដាក់​ជា​សំណួរ​ថា​ តើ​លោក​ឧកញ៉ា​ សុខ​ ប៊ុ​ន​ ដែល​ជាប់​ឈ្មោះ​ជា​ជន​ត្រូវ​ចោទ​នៅ​ស្ថាប័ន​តុលាការ​ អាច​ស្គាល់​រសជាតិ​ជាប់គុក​ដែរ​ឬទេ​ ក្នុង​សំណុំរឿង​ប្រព្រឹត្ត​អំពើ​ហិង្សា​ទៅ​លើ​កញ្ញា​ សា​សា​ ដែល​គេ​ស្គាល់​ថា​ មាន​ឪពុក​ជា​ឧកញ៉ា​ គឺ​លោក​ឧកញ៉ា​ អ៊ុត​ ធី​ ដែរ​នោះ​ ?​ ៕​

Sok-Bun-to-Court

Filed in: Feature, តុលាការ, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.