ថ្ងៃ អង្គារ ទី ៣០ ខែ វិច្ឆិកា ឆ្នាំ ២០២១

ជាង​ធ្វើ​ធ្មេញ​មុខស្រស់​ម្នាក់​ក្លាយជា​ឃាតក​សម្លាប់​ស្ត្រី​ជា​អតិថិជន​យក​គ្រឿងអលង្ការ​

​ស្ត្រី​ម្នាក់​បាន​ស្លាប់​បាត់បង់​ជីវិត​យ៉ាង​អាណោចអាធ័ម​ ក្រោម​ស្នាដៃ​ជាង​ធ្វើ​ធ្មេញ​ម្នាក់​សង្ស័យ​ជា​ឃាតក​ យក​ខ្សែរឹត​ក​សម្លាប់​ រួច​ហើយ​យក​សាកសព​ច្រកចូល​ការុង​ញាត់​ក្នុង​ទូ​ ប្លន់​យ​គ្រឿងអលង្ការ​ លុយ​ និង​ទោចក្រយានយន្ត​១​គ្រឿង​ ខណៈ​ស្ត្រី​រង​គ្រោះ​រូប​នោះ​បាន​ទៅ​រក​សេវា​ធ្វើ​ធេ្ម​ញ​នៅ​ទីតាំង​ផ្ទះ​ជួល​ប្រកប​អាជីវកម្ម​របស់​ជនសង្ស័យ​ ឋិត​នៅ​ភូមិ​ដារ​ផ្សារ​ ឃុំ​ដារ​ ស្រុក​មេមត់​ ខេត្ត​ត្បូងឃ្មុំ​ បង្ក​ឲ្យ​មានការ​ភ្ញាក់ផ្អើល​កាលពី​វេលា​ម៉ោង​១៥​និង​៣០​នាទី​រសៀល​ ថ្ងៃ​ទី​១២​ ខែកក្កដា​ ឆ្នាំ​២០១៥​កន្លង​ទៅ​ បន្ទាប់​ពី​មានការ​ដាក់​ពាក្យបណ្តឹង​ពី​សំណាក់​ក្រុម​គ្រួសារ​សាច់ញាតិ​ស្ត្រី​រង​គ្រោះ​រួច​មក​ ។​

​សមត្ថកិច្ច​បាន​ឲ្យ​ដឹង​ថា​ ស្ត្រី​រង​គ្រោះ​ក្នុង​អំពើ​ឃាតកម្ម​ដ៏​ព្រៃផ្សៃ​នេះ​មានឈ្មោះ​ ឡៃ​ សំ​អាន​ អាយុ​៤០​ឆ្នាំ​ រស់នៅ​ភូមិ​ដារ​លិច​ ឃុំ​ដារ​ ស្រុក​មេមត់​ ខេត្ត​ត្បូងឃ្មុំ​ ។​ រីឯ​ជនសង្ស័យ​ជា​ឃាតក​ដៃដល់​មុខរបរ​ជា​ជាង​ធ្មេញ​ និង​រត់គេច​ខ្លួន​បាត់​នោះ​ មានឈ្មោះ​ ហ៊ុយ​ សេង​ ភេទ​ប្រុស​ អាយុ​២៦​ឆ្នាំ​ ស្នាក់​នៅផ្ទះ​ជួល​បើក​អាជីវកម្ម​ធ្វើ​ធេ្ម​ញ​កន្លែង​កើតហេតុ​ខាងលើ​ ។​

​ទ្រព្យសម្បត្តិ​និង​សម្ភារៈ​ដែល​ស្ត្រី​រង​គ្រោះ​បាន​បាត់បង់​រួម​មាន​ ៖​ ១-​ខ្សែ​ក​មាស​១​ខ្សែ​ទម្ងន់​៥​ជី​ ។​ ២-​ខ្សែដៃ​ប្លា​ទី​ន​១​ខ្សែ​ទម្ងន់​៥​ជី​ ។​ ៣-​ចិ​ញ្ជៀ​ន​២​វង់​ ក្នុង​នោះ​មាន​ចិ​ញ្ជៀ​ន​មាស​១​វង់​ទម្ងន់​១,៥​ជី​ និង​ចិ​ញ្ជៀ​ន​ប្លា​ទី​ន​១​វង់​ទម្ងន់​១,៥​ជី​ ។​ ៤-​ប្រាក់​រៀល​មួយ​ចំនួន​ និង​៥-​ទោចក្រយានយន្ត​១​គ្រឿង​ ពណ៌​ក្រហម​ ផលិត​នៅ​ប្រទេស​វៀតណាម​ ។​

​សមត្ថកិច្ច​នគរបាល​មូលដ្ឋាន​បាន​ឲ្យ​ដឹង​ដែរ​ថា​ មុន​ពេល​កើតហេតុ​ ស្ត្រី​រង​គ្រោះ​បាន​ប្រាប់​សាច់ញាតិ​របស់​ខ្លួន​ថា​ មក​ធ្វើ​ធ្មេញ​នៅ​ផ្សារ​ដារ​ ។​ ដល់​ពេល​បាត់​វត្តមាន​ស្ត្រី​រង​គ្រោះ​យូរ​ពេក​ មិនឃើញ​ត្រឡប់​មក​ផ្ទះ​វិញ​ ធ្វើ​ឲ្យ​សាច់ញាតិ​ក្រុម​គ្រួសារ​ជ្រួលច្របល់​តាម​ស្វែងរក​ និង​បាន​ដាក់​ពាក្យបណ្តឹង​ទៅ​សមត្ថកិច្ច​នគរបាល​ស្រុក​មេមត់​ ។​ ក្រោយ​ទទួល​បាន​ពាក្យបណ្តឹង​រួច​មក​ សមត្ថកិច្ច​បាន​ដាក់​កម្លាំង​ជំនាញ​តាម​ស្វែងរក​មើល​តាម​បណ្តា​ផ្ទះ​ធ្វើ​ធេ្ម​ញ​នៅ​ក្នុងភូមិ​សាស្ត្រ​ដែល​ដាក់​ការ​សង្ស័យ​ ក៏​បាន​ប្រទះ​ឃើញ​ផ្ទះ​ធ្វើ​ធេ្ម​ញ​មួយ​កន្លែង​ក្នុង​ទីតាំង​កើតហេតុ​ដែល​បាន​បិទទ្វារ​ចោល​គួរ​ឲ្យ​សង្ស័យ​ ។​ ដោយ​មានការ​ឯកភាព​ពី​ស្ថាប័ន​តុលាការ​ផង​ សមត្ថកិច្ច​ក៏​បាន​សម្រេច​គាស់​សោ​ផ្ទះ​ជនសង្ស័យ​ដែល​ជួល​ធ្វើ​អាជីវកម្ម​ធ្វើ​ធេ្ម​ញ​នោះ​ ក៏​បាន​ប្រទះ​ឃើញ​សាកសព​ស្ត្រី​រង​គ្រោះ​តែ​ម្តង​ ដែល​ត្រូវ​ឃាតក​យក​ខ្សែរឹត​ក​សម្លាប់​ រួច​យក​សាកសព​ច្រកចូល​ការុង​ញាត់​ក្នុង​ទូ​ ។​

​ក្រោយ​ពេល​ពិនិត្យ​សាកសព​ និង​ធ្វើ​កោសល្យវិច័យ​ចប់​សព្វគ្រប់​ហើយ​ សមត្ថកិច្ច​ក៏​បាន​ប្រគល់​សាកសព​ឲ្យ​ក្រុម​គ្រួសារ​សាច់ញាតិ​យក​ទៅ​ចាត់ចែង​ធ្វើបុណ្យ​តាម​ប្រពៃណី​ ហើយ​សមត្ថកិច្ច​បាន​អះអាង​ថា​ នឹង​តាម​ស្វែងរក​ចាប់​មុខសញ្ញា​ជន​ដៃដល់​យក​មក​ផ្តន្ទាទោស​តាម​ច្បាប់​ជា​ធរមាន​ ៕​

Cham

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.