ពុទ្ធសាសនិកជន​ខ្មែរ​ចាប់អារម្មណ៍​ទៅ​នឹង​ព្រះសង្ឃ​ចិន​បិណ្ឌបាតបច្ច័យ​លុយកាក់​នៅកម្ពុជា​

​មិនមែន​ជា​ព្រះសង្ឃ​កម្ពុជា​ដែល​និមន្ត​បិណ្ឌបាត​ទេ​ តែ​ជា​ព្រះសង្ឃ​ចិន​បិណ្ឌបាតបច្ច័យ​លុយកាក់​នៅ​តាម​ទី​សាធារណៈ​ និង​តាម​បណ្តា​ហាង​នានា​នៅ​កម្ពុជា​ ឬ​អាច​និយាយ​បាន​ថា​ ជា​ព្រះសង្ឃ​ក្លែងក្លាយ​សម្រាប់​ពុទ្ធសាសនិកជន​ខ្មែរ​ ហើយ​ប្រជាពលរដ្ឋ​ខ្មែរ​ដែល​ជា​ពុទ្ធសាសនិកជន​ក៏​កំពុង​ចាប់អារម្មណ៍​ខ្លាំង​ទៅ​លើ​ករណី​នេះ​ដែរ​ ដ្បិត​ព្រះសង្ឃ​ចិន​នោះ​មិន​អាច​និយាយ​ភាសា​ខ្មែរ​បាន​ ប៉ុន្តែ​អាច​និយាយ​ភាសា​អង់គ្លេស​ខ្លះៗ​ និង​ចិន​តែ​ម្តង​ ។​

​ក្រៅពី​មិន​អាច​និយាយ​ភាសា​ខ្មែរ​បាន​ គឺ​ព្រះសង្ឃ​ចិន​នោះ​បាន​គ្រង​ស្បង់​ចីពរ​ពីលើ​ខោអាវ​ និង​ស្បែកជើង​ផ្ទុយ​ស្រឡះ​ពី​ព្រះសង្ឃ​ខ្មែរ​និមន្ត​បិណ្ឌបាត​ ។​

​សូម​ឯកឧត្តម​ មិន​ ឃិ​ន​ រដ្ឋមន្ត្រីក្រសួង​ធម្មការ​និង​សាសនា​ មេត្តា​មាន​វិធានការ​ចំពោះ​ករណី​ព្រះសង្ឃ​ចិន​បិណ្ឌបាតបច្ច័យ​លុយកាក់​នៅ​កម្ពុជា​ ដែល​ពុទ្ធសាសនិកជន​ខ្មែរ​កំពុង​តែ​ចាប់អារម្មណ៍​ខ្លាំង​នេះ​ផង​ ៕​

Is This A Monk? from John Weeks on Vimeo.