ថ្ងៃ ពុធ ទី ២៥ ខែ ឧសភា ឆ្នាំ ២០២២

ដី​ផ្ទៃ​បឹង​ពោងពាយ​ខាងត្បូង​ជាង​៦​ហិ​កតា​ ត្រូវ​បាន​បុរស​ខ្លាំង​ប្រគល់​ឲ្យ​ឯកឧត្តម​ ឧកញ៉ា​ កុក​ អាន​ កាន់កាប់​ជា​កម្មសិទ្ធិ​

​ប្រភព​ព័ត៌មាន​ច្បាស់​ការណ៍​ពី​ទីស្តីការគណៈរដ្ឋមន្ត្រី​ បាន​ឲ្យ​ដឹង​ថា​ ផ្ទៃដី​បឹង​ពោងពាយ​ខាងត្បូង​ទំហំ​៦,១៦​ហិ​កតា​ ឋិត​ក្នុងភូមិ​បា​យ៉ាប​ សង្កាត់​ភ្នំពេញ​ថ្មី​ ខណ្ឌ​សែន​សុខ​ រាជធានី​ភ្នំពេញ​ ត្រូវ​បាន​រាជរដ្ឋាភិបាល​កម្ពុជា​ដែល​មាន​សម្តេច​អគ្គមហាសេនាបតី​តេ​ជោ​ ហ៊ុន​ សែន​ ហៅ​បុរស​ខ្លាំង​ ជា​ប្រមុខ​ សម្រេច​ប្រគល់​ឲ្យ​ទៅ​ឯកឧត្តម​ ឧកញ៉ា​ កុក​ អាន​ សមាជិក​ព្រឹទ្ធសភា​នៃ​ព្រះរាជាណាចក្រ​កម្ពុជា​ នីតិកាល​ទី​៣​ មក​ពី​គណបក្ស​ប្រជាជន​កម្ពុជា​ និង​ជា​អគ្គនាយក​ក្រុមហ៊ុន​ អាន​កូ​ ប្រា​ឌ័​រ​ និង​លោក​ ហ៊ុន​ ប៊ុ​ន​ធឿ​ន​ កាន់កាប់​ជា​កម្មសិទ្ធិ​ហើយ​ ។​

​ផ្ទៃដី​បឹង​ពោងពាយ​ខាងត្បូង​ទំហំ​៦,១៦​ហិ​កតា​ ឋិត​ក្នុងភូមិ​បា​យ៉ាប​ សង្កាត់​ភ្នំពេញ​ថ្មី​ ខណ្ឌ​សែន​សុខ​ រាជធានី​ភ្នំពេញ​ ដែល​ជា​ទ្រព្យសម្បត្តិ​សាធារណៈ​របស់​រដ្ឋ​នោះ​ ត្រូវ​បាន​រាជរដ្ឋាភិបាល​បុរស​ខ្លាំង​សម្រេច​ធ្វើ​អនុ​ប​យោគ​ទៅ​ជា​ដី​ទ្រព្យសម្បត្តិ​ឯកជន​របស់​រដ្ឋ​ ដោយ​អនុក្រឹត្យ​លេខ​៨២​អន​ក្រ​.​បក​ ចុះ​ថ្ងៃ​ទី​២៦​ ខែមិថុនា​ ឆ្នាំ​២០១៥​ ។​

​ព័ត៌មាន​ច្បាស់​ការណ៍​ដដែល​បាន​ឲ្យ​ដឹង​ដែរ​ថា​ ការណ៍​ដែល​រាជរដ្ឋាភិបាល​បុរស​ខ្លាំង​សម្រេច​ប្រគល់​ដី​បឹង​ពោងពាយ​ខាងត្បូង​ទំហំ​៦,១៦​ហិ​កតា​ ឋិត​ក្នុងភូមិ​បា​យ៉ាប​ សង្កាត់​ភ្នំពេញ​ថ្មី​ ខណ្ឌ​សែន​សុខ​ រាជធានី​ភ្នំពេញ​ ប្រគល់​ឲ្យ​ឯកឧត្តម​ ឧកញ៉ា​ កុក​ អាន​ និង​លោក​ ហ៊ុន​ ប៊ុ​ន​ធឿ​ន​ កាន់កាប់​ជា​កម្មសិទ្ធិ​នោះ​ គឺ​ដើម្បី​ជា​ថ្នូរ​នឹង​ការ​សាងសង់​ប្រព័ន្ធ​ប្រឡាយ​បង្ហូរទឹក​មេ​នៅ​បឹង​បា​យ៉ាប​ សង្កាត់​ភ្នំពេញ​ថ្មី​ ខណ្ឌ​សែន​សុខ​ រាជធានី​ភ្នំពេញ​ តាម​គម្រោង​របស់​សាលា​រាជធានី​ភ្នំពេញ​ ៕​

Kok-An Kok-An-Pong-Peay

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.