ថ្ងៃ ពុធ ទី ២៥ ខែ ឧសភា ឆ្នាំ ២០២២

ដី​អាង​ស្តុក​ទឹក​១២​ហិ​កតា​ក្នុង​តំបន់​បឹង​ពោងពាយ​ខាងជើង​ ត្រូវ​បាន​បុរស​ខ្លាំង​ប្រគល់​ឲ្យ​ឯកឧត្តម​ ឧកញ៉ា​ លី​ យ៉ុ​ង​ផាត់​ កាន់កាប់​ជា​កម្មសិទ្ធិ​

​ប្រភព​ព័ត៌មាន​ច្បាស់​ការណ៍​ពី​ទីស្តីការគណៈរដ្ឋមន្ត្រី​ បាន​ឲ្យ​ដឹង​ថា​ ដី​អាង​ស្តុក​ទឹក​ទំហំ​១២​ហិ​កតា​ក្នុង​តំបន់​បឹង​ពោងពាយ​ខាងជើង​ ឋិត​នៅ​សង្កាត់​ឫស្សី​កែវ​ ខណ្ឌឫស្សីកែវ​ រាជធានី​ភ្នំពេញ​ ត្រូវ​បាន​រាជរដ្ឋាភិបាល​កម្ពុជា​ដែល​មាន​សម្តេច​អគ្គមហាសេនាបតី​តេ​ជោ​ ហ៊ុន​ សែន​ ហៅ​បុរស​ខ្លាំង​ជា​ប្រមុខ​ សម្រេច​ប្រគល់​ឲ្យ​ទៅ​ឯកឧត្តម​ ឧកញ៉ា​ លី​ យ៉ុ​ង​ផាត់​ សមាជិក​ព្រឹទ្ធសភា​នៃ​ព្រះរាជាណាចក្រ​កម្ពុជា​នីតិកាល​ទី​៣​ មក​ពី​គណបក្ស​ប្រជាជន​កម្ពុជា​ និង​ជា​អគ្គនាយក​ក្រុមហ៊ុន​ អិ​ល​ វ៉ា​យ​ ភី​ គ្រុប​ (LYP​ Group)​ កាន់កាប់​ជា​កម្មសិទ្ធិ​ហើយ​ ។​

​ដី​អាង​ស្តុក​ទឹក​ទំហំ​១២​ហិ​កតា​ក្នុង​តំបន់​បឹង​ពោងពាយ​ខាងជើង​ ឋិត​នៅ​សង្កាត់​ឫស្សី​កែវ​ ខណ្ឌឫស្សីកែវ​ រាជធានី​ភ្នំពេញ​ ដែល​ជា​ទ្រព្យសម្បត្តិ​សាធារណៈ​របស់​រដ្ឋ​នោះ​ ត្រូវ​បាន​រាជរដ្ឋាភិបាល​បុរស​ខ្លាំង​សម្រេច​ធ្វើ​អនុ​ប​យោគ​ទៅ​ជា​ដី​ទ្រព្យសម្បត្តិ​ឯកជន​របស់​រដ្ឋ​ ដោយ​អនុក្រឹត្យ​លេខ​៨១​អន​ក្រ​.​បក​ ចុះ​ថ្ងៃ​ទី​២៦​ ខែមិថុនា​ ឆ្នាំ​២០១៥​ ។​

​ព័ត៌មាន​ច្បាស់​ការណ៍​ដដែល​បាន​ឲ្យ​ដឹង​ដែរ​ថា​ ការណ៍​ដែល​រាជរដ្ឋាភិបាល​បុរស​ខ្លាំង​បាន​សម្រេច​ប្រគល់​ដី​អាង​ស្តុក​ទឹក​ទំហំ​១២​ហិ​កតា​ ក្នុង​តំបន់​បឹង​ពោងពាយ​ខាងជើង​ ឋិត​នៅ​សង្កាត់​ឫស្សី​កែវ​ ខណ្ឌឫស្សីកែវ​ រាជធានី​ភ្នំពេញ​ ឲ្យ​ទៅ​ឯកឧត្តម​ ឧកញ៉ា​ លី​ យ៉ុ​ង​ផាត់​ កាន់កាប់​ជា​កម្មសិទ្ធិ​នោះ​ គឺ​ដើម្បី​ធ្វើ​ជា​ថ្នូរ​នឹង​ការ​សាងសង់​ប្រព័ន្ធ​ផ្លូវ​ និង​ប្រព័ន្ធ​ប្រឡាយ​ក្នុង​តំបន់​អភិវឌ្ឍន៍​បឹង​ពោងពាយ​ និង​ផ្ទៃដី​ទំហំ​៨​ហិ​កតា​ឋិត​នៅ​ខណ្ឌ​ជ្រោយចង្វា​សម្រាប់​សាងសង់​វិមាន​ ឈ្នះ​-​ឈ្នះ​ ឧទ្ទិស​ដល់​នយោបាយ​ឈ្នះ​-​ឈ្នះ​របស់​បុរស​ខ្លាំង​ ។​

​គួរ​រំលឹក​ជូន​ដែរ​ថា​ កាលពី​ឆ្នាំ​២០១២​កន្លង​ទៅ​ រាជរដ្ឋាភិបាល​បុរស​ខ្លាំង​ធ្លាប់​បាន​សម្រេច​ប្រគល់​ទីតាំង​ដី​បឹង​ពោងពាយ​ខាងជើង​ ឋិត​នៅ​ក្នុង​សង្កាត់​ភ្នំពេញ​ថ្មី​ សង្កាត់​ឃ្មួ​ញ​ ខណ្ឌ​សែន​សុខ​ និង​សង្កាត់​ទួល​សង្កែ​ ខណ្ឌឫស្សីកែវ​ រាជធានី​ភ្នំពេញ​ ទំហំ​ជាង​១០០​ហិ​កតា​ ឲ្យ​ទៅ​ក្រុមហ៊ុន​ LYP​ Group​ មាន​ឯកឧត្តម​ ឧកញ៉ា​ លី​ យ៉ុ​ង​ផាត់​ ជា​អគ្គនាយក​ ធ្វើការ​អភិវឌ្ឍន៍​ជា​ថ្នូរ​នឹង​ការ​សាងសង់​ពហុ​កីឡដ្ឋាន​ជាតិ​មរតក​តេ​ជោ​ នៅ​លើ​ផ្ទៃដី​កម្មសិទ្ធិ​របស់​ឯកឧត្តម​ ឧកញ៉ា​ លី​ យ៉ុ​ង​ផាត់​ ជា​ឈ្មួញ​ដ៏​ល្បីឈ្មោះ​ ៕​

Ly-Yongphat-2 Ly-Yongphat-Pong-peay

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.