ថ្ងៃ ពុធ ទី ២៩ ខែ មិថុនា ឆ្នាំ ២០២២

មេ​ ACU​ ជំរុញ​ឲ្យ​ប្រធាន​សាលាដំបូង​ខេត្តតាកែវ​អន្តរាគមន៍​លើ​សំណុំរឿង​ព្រហ្មទណ្ឌ​ដែល​យឺតយ៉ាវ​មក​ចាត់ការ​

​ពាក់ព័ន្ធ​នឹង​ពាក្យបណ្តឹង​ដែល​រាយការណ៍​ថា​ សំណុំរឿង​ក្តី​ព្រហ្មទណ្ឌ​មួយ​របស់​សាលាដំបូង​ខេត្តតាកែវ​មាន​ភាព​យឺតយ៉ាវ​មិន​លើកយក​មក​ចាត់ការ​នោះ​ ឯកឧត្តម​បណ្ឌិត​ ឱម​ យ៉ិ​ន​ទៀង​ ទេស​រដ្ឋមន្ត្រី​ទទួល​បន្ទុក​ប្រធាន​អង្គភាព​ប្រឆាំង​អំពើ​ពុក​រលួយ​(ACU)​ បាន​ចេញ​លិខិតផ្លូវការ​មួយ​ច្បាប់​ចុះ​ថ្ងៃ​ទី​០៣​ ខែកក្កដា​ ឆ្នាំ​២០១៥​កន្លង​ទៅ​ថ្មីៗ​ គោរព​ជូន​លោកស្រី​ អ៊ិ​ន​ ម៉ា​និត្យ​ ប្រធាន​សាលាដំបូង​ខេត្តតាកែវ​ ឲ្យ​ជួយ​អន្តរាគមន៍​លើ​សំណុំរឿង​ព្រហ្មទណ្ឌ​នេះ​តាម​ការ​គួរ​ ។​

​លិខិត​របស់​ ACU​ បាន​លើក​ឡើង​ថា​ ACU​ បាន​ទទួល​ និង​ពិនិត្យ​លើ​ពាក្យ​ប្តឹង​ដែល​បាន​រាយការណ៍​ថា​ កាលពី​ថ្ងៃ​ទី​២៣​ ខែតុលា​ ឆ្នាំ​២០១៤​ នៅ​ភូមិ​អា​រោង​ ឃុំ​ស្លា​ ស្រុក​សំរោង​ ខេត្តតាកែវ​ មាន​ករណី​ហិង្សា​មួយ​កើតឡើង​ ដោយ​ជន​រង​គ្រោះ​ត្រូវ​របួស​មុខ​៥​កន្លែង​ និង​កញ្ចឹងក​៣​កន្លែង​ផ្សេង​ទៀត​ ។​ ករណី​នេះ​ត្រូវ​បាន​មន្ត្រី​អធិការដ្ឋាន​នគរបាល​ស្រុក​បញ្ជូន​សំណុំរឿង​ទៅ​ស្នងការដ្ឋាន​នគរបាល​ខេត្តតាកែវ​ នៅ​ថ្ងៃ​ទី​១៨​ ខែមករា​ ឆ្នាំ​២០១៥​ ។​ បន្ទាប់​មក​ មន្ត្រី​ស្នងការដ្ឋាន​នគរបាល​ខេត្តតាកែវ​បាន​បញ្ជូន​បន្ត​មក​សាលាដំបូង​ខេត្តតាកែវ​ នៅ​ថ្ងៃ​ទី​២៨​ ខែមករា​ ឆ្នាំ​២០១៥​ ប៉ុន្តែ​រហូត​មក​ទល់​បច្ចុប្បន្ន​ នៅ​មិន​ទាន់​មាន​ចំណាត់ការ​លើ​សំណុំរឿង​ខាងលើ​នេះ​នៅឡើយ​ ។​

​លោកស្រី​ អ៊ិ​ន​ ម៉ា​និត្យ​ អាយុ​៥៩​ឆ្នាំ​ ចូល​បម្រើ​ការងារ​រដ្ឋ​នា​ថ្ងៃ​ទី​២៧​ ខែកុម្ភៈ​ ឆ្នាំ​១៩៧៩​ និង​ត្រូវ​បាន​តែងតាំង​ក្នុង​ក្របខ័ណ្ឌ​ចៅក្រម​ដោយ​ក្រឹត្យ​លេខ​៤៣​ក្រ​ ចុះ​ថ្ងៃ​ទី​២០​ ខែឧសភា​ ឆ្នាំ​១៩៩៣​ ។​ លោកស្រី​ធ្លាប់​បម្រើ​ការងារ​ជា​ចៅក្រម​សាលាដំបូង​ខេត្តកំពត​ និង​ត្រូវ​បាន​ផ្ទេរ​ភារកិច្ច​ឲ្យ​មក​បម្រើ​ការងារ​ជា​ចៅក្រម​នៅ​សាលាដំបូង​ខេត្ត​ព្រះ​សីហ​នុ​ ដោយ​ព្រះរាជក្រឹត្យ​លេខ​ន​ស​/​រក​ត​/០២០៧/០៦៩​ ចុះ​ថ្ងៃ​ទី​១៦​ ខែកុម្ភៈ​ ឆ្នាំ​២០០៧​ ។​ ក្រោយមក​ លោកស្រី​ត្រូវ​បាន​ផ្ទេរ​ភារកិច្ច​ឲ្យ​មក​បម្រើ​ការងារ​ជា​ចៅក្រម​សាលាដំបូង​ខេត្តតាកែវ​ ដោយ​ព្រះរាជក្រឹត្យ​លេខ​ន​ស​/​រក​ត​/០៧១១/៦៩៥​ ចុះ​ថ្ងៃ​ទី​២៥​ ខែកក្កដា​ ឆ្នាំ​២០១១​ និង​ត្រូវ​បាន​តែងតាំង​ជា​ប្រធាន​សាលាដំបូង​ខេត្តតាកែវ​ ដោយ​ព្រះរាជក្រឹត្យ​លេខ​ន​ស​/​រក​ត​/០១១៥/០៨៨​ ចុះ​ថ្ងៃ​ទី​២២​ ខែមករា​ ឆ្នាំ​២០១៥​ រហូត​ទល់​បច្ចុប្បន្ន​ ៕​

In-ManitACU-Takeo-Court

Filed in: Feature, តុលាការ, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.