ថ្ងៃ ពុធ ទី ២៥ ខែ ឧសភា ឆ្នាំ ២០២២

រឿងរ៉ាវ​កើត​នៅ​ក្រសួង​រៀបចំ​ដែនដី​ ៖​ ប្រមូល​យក​ទិន្នន័យ​វាស់វែង​ដីធ្លី​លឿន​ តែ​ទម្លាក់​លុយ​ឲ្យ​មន្ត្រី​រអាក់រអួល​ដូច​”​នោម​ទាស់​”

​ក្រុម​មន្ត្រីរាជការ​ក្រោម​ឱវាទ​ក្រសួង​រៀបចំ​ដែនដី​ នគរូបនីយកម្ម​ និង​សំណង់​(​ដ​ន​ស​)​ ដែល​ចុះ​បំពេញការងារ​វាស់វែង​ក្បាលដី​ជា​លក្ខណៈ​ប្រព័ន្ធ​(LMAP)​ ជូន​ប្រជាពលរដ្ឋ​នៅ​តាម​បណ្តា​ខេត្ត​នានា​ បាន​នាំ​គ្នា​ត្អូញត្អែរ​រអ៊ូរ​រទាំ​ថា​ ក្រសួង​ទម្លាក់​លុយ​ឲ្យ​មន្ត្រី​បេសកកម្ម​ក្នុង​គម្រោង​នេះ​ មានការ​រអាក់រអួល​ដូច​"​នោម​ទាស់​"​ ពោល​គឺ​រយៈពេល​០៣​ខែ​ទៅ​០៤​ខែ​ទើប​ទម្លាក់​លុយ​ឲ្យ​បាន​០១​ខែ​ ធ្វើ​ឲ្យ​ក្រុម​មន្ត្រី​ជួប​ប្រទះ​នឹង​បញ្ហា​លំបាក​ខាង​ជីវភាព​ ដូច​ជា​ ការ​ស្នាក់​នៅ​ និង​ការ​ហូប​ចុក​ ជាដើម​ ។​ល​។​ ខណៈ​ទិន្នន័យ​លទ្ធផល​នៃ​ការ​វាស់វែង​ក្បាលដី​ គឺ​ក្រសួង​ទាមទារ​តម្រូវ​មិន​ឲ្យ​មានការ​យឺតយ៉ាវ​ឡើយ​ ។​

​ប្រភព​ពី​មន្ត្រី​ដែល​ស្និទ្ធ​នឹង​ក្រសួង​ ដ​ន​ស​ បាន​បង្ហើប​ប្រាប់​ឲ្យ​ដឹង​ថា​ មន្ត្រី​ដែល​ចុះ​វាស់វែង​ក្បាលដី​ជា​លក្ខណៈ​ប្រព័ន្ធ​(LMAP)​ ជូន​ប្រជាពលរដ្ឋ​នៅ​តាម​បណ្តា​ខេត្ត​នោះ​ មួយ​ក្រុម​មាន​ចំនួន​១៥​នាក់​ ហើយ​ថវិកា​ដែល​ត្រូវ​ទទួល​បាន​គឺ​ចំនួន​១៦.០០០​រៀល​ ឬ​ប្រមាណ​៤​ដុល្លារ​អា​មេ​រិ​ក​ក្នុង​ម្នាក់ៗ​ និង​ក្នុង​១​ក្បាលដី​ ។​

​ក្រុម​មន្ត្រី​ចុះ​វាស់វែង​ដីធ្លី​ជា​លក្ខណៈ​ប្រព័ន្ធ​(LMAP)​ជូន​ប្រជាពលរដ្ឋ​ទាំងនោះ​ បាន​សំណូមពរ​ចំពោះ​ឯកឧត្តម​ អ៊ឹម​ ឈុ​ន​លឹ​ម​ ទេស​រដ្ឋមន្ត្រី​ រដ្ឋមន្ត្រីក្រសួង​ ដ​ន​ស​ មេត្តា​ត្រួតពិនិត្យ​និង​មាន​វិធានការ​ទម្លាក់​លុយ​ឲ្យ​មន្ត្រី​ចុះ​វាស់វែង​ក្បាលដី​បាន​រហ័ស​ទាន់​ពេលវេលា​ផង​ កុំ​ឲ្យ​រអាក់រអួល​ដូច​"​នោម​ទាស់​"​តទៅ​ទៀត​ ដើម្បី​ឲ្យ​ក្រុម​មន្ត្រី​មាន​ទឹកចិត្ត​បំពេញការងារ​តាម​កម្មវិធី​នយោបាយ​របស់​រាជរដ្ឋាភិបាល​ និង​ផែនការ​របស់​ក្រសួង​ប្រកបដោយ​ប្រសិទ្ធភាព​ ៕​

 

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.